Գործոններ, որոնք կարող են խանգարել առողջ սեռական կյանքին

Որքա՞ն հաճախ պետք է սեռական հարաբերություն ունենալ

Երբևէ մտածե՞լ եք` արդյոք ձեր ունեցած սեռական հարաբերությունների քանակը նորմալ է: Միանգամայն բնական է նման հարց տալը: Այնուամենայնիվ, պետք է անմիջապես ասել, որ ճիշտ պատասխան այստեղ պարզապես չկա: Ճիշտ է միայն այն թիվը, որն օպտիմալ է թվում ձեր հարաբերությունների և սեռական կյանքի համար: Կարևոր է հիշել, որ յուրաքանչյուր հարաբերություն տարբեր է՝ տարբեր սեռական կարիքներով: Շատ սեռական հարաբերություններ միշտ չէ, որ նշանակում են ավելի լավ հարաբերություններ: Ընդհակառակը, եթե կենտրոնանաք սեքսի որակի, զուգընկերոջ հետ հարաբերությունների վրա, ձեր միջև կապն ավելի ամուր կդառնա:

2017 թվականին Archives of Sexual Behavior ամսագրում հրապարակված հետազոտությունն ուսումնասիրել է 26,000-ից մի փոքր ավելի մարդկանց սեռական վարքագիծը` 1989-ից 2014 թվականներին: Պարզվել է, որ միջին չափահաս մարդը տարեկան 54 անգամ սեռական հարաբերություն է ունենում, կամ միջինում շաբաթական մեկ անգամ: Պարզվել է նաև, որ ամուսնական զույգերի համար այս թիվը գործնականում անփոփոխ է մնում` տարեկան 51 անգամ: Այնուամենայնիվ, հաճախականությունը տարբերվում էր տարիքով. 20-ամյա երիտասարդները տարեկան մոտ 80 անգամ սեռական հարաբերություն էին ունեցել, մինչդեռ 60 տարեկանների համար այս ցուցանիշը նվազել էր մինչև 20:

Շաբաթը մեկ անգամը կարող է լինել միջին ցուցանիշ, բայց դա չի նշանակում, որ այդքան շատ սեքս պետք է լինի բոլոր հարաբերություններում: Յուրաքանչյուր զույգ ինքն է որոշում իրեն համապատասխանող սեռական շփումների քանակը, և այն կարող է փոխվել հարաբերությունների զարգացման հետ մեկտեղ: «Թեև սեքսը կարող է լինել «շատ քիչ» կամ «չափազանց շատ», այն սուբյեկտիվ է և կախված է զույգից», - ասում է ամուսնության և սեռական կախվածության լիցենզավորված թերապևտ Քրիստեն Լոզանոն: Նա ասում է, որ որոշ մարդիկ իրենց բավարարված կզգան, նույնիսկ եթե մի քանի ամիս սեքսով չզբաղվեն: Սեռական հարաբերություն ունենալու քանակի վերաբերյալ գոյություն չունեցող կանոն փնտրելու փոխարեն` մասնագետը խորհուրդ է տալիս կենտրոնանալ ձեր սեռական հարաբերությունների վրա, ինչպես նաև, թե ինչ է այն նշանակում ձեզ համար:

Գործոններ, որոնք կարող են խանգարել առողջ սեռական կյանքին

Եթե ​​ձեզ չի բավարարում հարաբերություններում սեքսի քանակը, դրանում կարող են մեղավոր լինել որոշ գործոններ: Սեքսը բազմաչափ փորձ է: Լավ սեքսը մտավոր, ֆիզիկական և հուզական փորձ է, որի վրա ազդում է մարդու մտավոր և ֆիզիկական առողջությունը:

→Սեռականության վրա ազդող արտաքին գործոնների օրինակներն են.
→Սթրեսը` ընդհանուր կամ հարաբերությունների հետ կապված:
→Օրգանիզմում փոփոխությունները` կապված ծերացման կամ առողջական խնդիրների հետ:
→Ձանձրալի դարձած առօրյան:
→Երեխաներով, ընտանիքով կամ կարիերայով զբաղված լինելը:
→Միմյանց հետ շփվելիս հարմարավետության բացակայությունը:
→Զուգընկերոջից հետադարձ կապի բացակայությունը:

Այս գործոնները կարող են նաև ազդել միմյանց վրա: Օրինակ, եթե ձեր մարմինը ինչ-ինչ պատճառներով փոխվել է, ձեր մոտ կարող է առաջանալ ձեր նկատմամբ զզվանք: Սեփական մարմնում անհարմար զգալը կարող է հանգեցնել զուգընկերոջից սեռական հեռացման:

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար) Ջոն Սինան «Օսկար»-ի բեմ է դուրս եկել ամբողջովին մերկ (լուսանկարներ) Բրեդլի Կուպերը նախընտրում է տանը «միանգամայն մերկ» շրջել «Օրական 12-13 անգամ». Նատալյա Շտուրմն անկեղծացել է հայ տղամարդու հետ իր սիրավեպի մասին Ֆլորենս Փյուն պատահաբար ցուցադրել է կուրծքը ֆիլմի պրեմիերայի ժամանակ (լուսանկարներ) Գերմանացի արքայադուստրն ամսագրի շապիկին հայտնվել է մերկ վիճակում (լուսանկար)