Արցախի նախագահը հրավիրված է եղել Անկախության միջոցառմանը, բայց գերադասել է միայն «Եռաբլուր» գնալ․ խոսնակ

Արցախի Հանրապետության Ազգային ժողովի երեք՝ «Արդարություն», «Հայ հեղափոխական դաշնակցություն» և «Արցախի ժողովրդավարական կուսակցություն» խմբակցություններն այսօր հայտարարություն են տարածել, որտեղ մասնավորապես նշել են, որ ԱՀ և ՀՀ Անկախության օրերի միջոցառումներին արհամարհվել են արարողակարգային պահանջները՝ դրանով կասկածի տակ դնելով Արցախի Հանրապետության սուբյեկտայնությունը:

«Արցախպրես»-ն այս առթիվ ԱՀ նախագահի մամուլի խոսնակ Լուսինե Ավանեսյանին հարցեր է հղել , որոնք ներկայացնում ենք ստորև.

-Տիկի՛ն Ավանեսյան, այսօր ԱԺ երեք խմբակցությունները հայտարարություն են տարածել, որտեղ նշվում է, որ ՀՀ Անկախության միջոցառումներին ԱՀ իշխանությունները պատշաճ ներկայացված չեն եղել: Արդյո՞ք ԱՀ նախագահը չի հրավիրվել։

-Արցախի Հանրապետության նախագահը սեպտեմբերի 21-ին ՀՀ Կառավարության կողմից հրավիրված է եղել Անկախության տոնի բոլոր միջոցառումներին, սակայն գերադասել է այցելել միայն Եռաբլուր զինվորական պանթեոն։ Ի դեպ, Նախագահի հետ Եռաբլուր է այցելել նաև ԱՀ ԱԺ նախագահ պարոն Արթուր Թովմասյանը: Մնացած միջոցառումներին չմասնակցելու հարցը նախապես համաձայնեցվել է արարողակարգային մակարդակում:

-Հայտարարության մեջ նշվում է նաև, որ տոնական միջոցառումներին չմասնակցելը էապես վնասում է միջազգային ճանաչման ձգտող Արցախի Հանրապետության վարկանիշին, ինչպես նաև բացասական ազդակներ հաղորդում կարգավորման գործընթացում ներգրավված միջազգային կառույցներին: Համաձա՞յն եք նշված տեսակետի հետ:

– Որևէ գնահատական չեմ ուզում տալ։ Կարծում, որ Արցախի Հանրապետության ճանաչումը ավելի լուրջ աշխատանք է պահանջում։ ԵԱՀԿ Մինսկի խմբի ձևաչափում բանակցություների վերականգնման և միջազգային կապերի ամրապնդման առումով, իրականում, հայկական բոլոր քաղաքական ուժերի ջանքերի համատեղում պետք է լինի։

Այս թեմայով Ղրղզստանի նախագահն ու Ալիևը կայցելեն օկուպացված Արցախ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար