«Երևանի Արարատ կոնյակի-գինու-օղու կոմբինատ»-ին նոր պահեստի շինթույլտվություն չեն տվել՝ զրկելով սպիրտ պահեստավորելու հնարավորությունից. հայտարարություն

«Երևանի Արարատ կոնյակի-գինու-օղու կոմբինատ»-ը պարզաբանում է ներկայացրել խաղողի մթերման շուրջ ստեղծված վերջին իրադարձությունների հետ կապված:
Հայտարարությունն ամբողջությամբ ներկայացնում ենք ստորև.

«Հարգելի՛ լրատվամիջոցներ, սիրելի՛ խաղողագործներ.

Եվս մեկ անգամ ուզում եմ պարզաբանել խաղողի մթերման շուրջ ստեղծված վերջին իրադարձությունները, որպեսզի տարընկալումների և տարբեր շահարկումների առիթ չհանդիսանա:

«Երևանի Արարատ կոնյակի-գինու-օղու կոմբինատը» 2020թ.-ին կնքել է պայմանագիր ՌԴ տարածքում նոր դիստրիբյուտորի հետ, ինչի հետևանքով իրացման ծավալները զգալի նվազել են, ուստի առաջացել է սպիրտի պահպանման համար նախատեսված պահամանների քանակի խնդիր: Գործարանը ժամանակին դիմել է տեղական ինքնակառավարման մարմիններին՝ պահեստի շինարարության թույլտվություն ստանալու համար, սակայն ապրիլից ինչ-ինչ պատճառներով գործընթացը ձգձգել են՝ հնարավորություն չտալով հավելյալ սպիրտ պահեստավորել:

Եվս մեկ անգամ հորդորում եմ զերծ մնալ կոմբինատի գործունեության հետ կապված սադրիչ հայտարարություններից:

Ուզում եմ հիշեցնել, որ նախկինում կոմբինատը մշտապես բարեխղճորեն իրականացրել է մեծ ծավալով մթերման ողջ գործընթացը:

Հուսով ենք՝ խաղողագործների խաղողի մթերման հետ կապված խնդիրը շուտափույթ լուծում կստանա»:

Հիշեցնենք, որ տևական ժամանակ է խաղողագործներն ակցիա են իրականացնում՝ խաղողի մթերման խնդրի հետ կապված: Նրանք նշում էին, որ կոնյակ արտադրող ընկերությունները չեն մթերում խաղող, ինչի հետևանքով էլ նման իրավիճակ է ստեղծվել, իսկ էկոնոմիկայի նախարար Վահան Քերոբյանն էլ խաղողագործներին ասել էր, թե Գագիկ Ծառուկյանին խնդրել են, որ բացի գործարանը, սակայն նա հրաժարվել է:

Այս թեմայով Գագիկ Ծառուկյանն ու հազվագյուտ ցեղատեսակի առյուծիկը (տեսանյութ) Ցանկանում եմ, որ ուսումնառության բոլոր տարիներին ձեզ ուղեկցի գիտելիքներ ստանալու ծարավն ու բարձր առաջադիմությունը. Ծառուկյան Կրկին շեշտեմ՝ մոնումենտալ արձանը եկեղեցական կառույց չէ. Գ. Ծառուկյան «Սահմանադրության կարևորագույն առաքելությունը հասարակական համերաշխության ապահովումն է». Գագիկ Ծառուկյանի ուղերձը Պատմության դասն ու պատգամն է մեզ՝ լինել միասնական, լինել համախմբված ազգային երազանքների․ Գ․ Ծառուկյան «Սա Աստծու տված գործ ա, պետք է լինի ամենա-ամենան». Ծառուկյանը՝ Քրիստոսի արձանի մասին «Հավատքն աշխարհում ամենաուժեղ զենքն է». Գագիկ Ծառուկյան «Փաստ». Ծառուկյանի հայտարարած մրցույթին մասնակցելու 100-ից ավելի հայտ կա «Փաստ». Գագիկ Ծառուկյան. Որոշ պարզաբանումներ Քրիստոսի արձանի թեմայով «Փաստ». Ի՞նչ տնտեսական էֆեկտ կարող է ունենալ Ծառուկյանի նախաձեռնությունը