Պարտադիր անձը պետք է կոմայի մե՞ջ ընկնի, որ պետությունը հասկանա՝ լուրջ խնդրի հետ գործ ունի. Էրիկ Ալեքսանյան

Դատաբժշկական փորձաքննություն նշանակելու մասով դատարանի որոշումը սպասելի էր, որովհետև նախադրյալներ կան: Լրագրողների հետ զրույցի ժամանակ ասաց Արմեն Չարչյանի փաստաբան Էրիկ Ալեքսանյանը:

Փաստաբանի խոսքով անհասկանալի էր դատարանի որոշումը խափանման միջոցի հետ կապված: 

«Անհասկանալին պայմանավորված է այն հանգամանքով, որ խափանման միջոցի քննարկումը հետաձգելու որոշում գործնականում առաջին անգամ եմ տեսնում: Խափանման միջոցի մասին որոշումը պետք է կայացվի անհապաղ և դրան պետք է լուծում տրվի: Հետաձգել մինչև էական հանգամանքների պարզումը, նման բան առաջին անգամ եմ տեսնում: Չեմ հասկանում, թե դատարանն ինչպես է այս որոշումը դատական ակտով պատճառաբանելու»,-ասաց Էրիկ Ալեքսանյանը:

Փաստաբանը նկատեց՝ գրեթե կասկած չունի, որ այս որոշումը կբողոքարկեն, քանի որ իրավական առումով որոշումն իրենց համար անհասկանալի է: Էրիկ Ալեքսանյանի խոսքով փորձաքննություն նշանակելը բավական երկար ժամանակ է պահանջելու:

«Հիմա մինչև այս որոշումն ուղարկվի համապատասխան պետական մարմին, մինչև համապատասխան հանձնաժողովը ձևավորվի, հետո այդ հանձնաժողովի ձևավորման հաստատումը լինի, որից հետո այդ փորձագետները պետք է տան: Այս ամեն մեկ կամ գուցե երկու ամիս ժամանակ է պահանջում: Որևէ մեկը կարո՞ղ է ասել այդ 1-2 ամսվա ընթացքում պարոն Չարչյանի առողջական վիճակն էլ ավելի կվատթարանա՞, թե՞ ոչ: Ես վստահ եմ, որ կվատթարանա: Այսինքն անձը պարտադիր պետք է ընկնի կոմայի մեջ, նրա առողջական վիճակը պարտադիր պետք է վատթարանա, որ պետությունը նոր հասկանա՝ լուրջ խնդրի հետ գործ ունե՞ն»,-ասաց փաստաբանը:

Վերջինս ընդգծեց՝ իրենց պետք չէ ուշացած արդարադատություն, քանի որ արդեն տեսել են այդ ուշացած արդարադատության հետևանքները: 

Այս թեմայով Մայր Աթոռն առնվազն խախտել է պատվիրաններից մեկը՝ «մի՛ ստիր»-ը․ Վահագն Ալեքսանյան Սամվել Ալեքսանյանին պատկանող գործարանում բռնկված հրդեհը մարվել է Ինչպե՞ս կարող է ԶՈւ գաղտնիքը պատգամավորին հասանելի լինել, իսկ 100%-ով պետական մասնաբաժնով ընկերությունները՝ անհասանելի. Ալեքսանյան Ընդդիմադիր լրատվամիջոցների մի մասը ապրիլի 1 է անում, հետո «կատակները» տանում, հասցնում են միջազգային լրահոս. Ալեքսանյան Որպես կառավարող կուսակցություն՝ մենք լսում ենք, թե ինչ են ասում քաղաքական ուժերը, քաղաքացիները. Վահագն Ալեքսանյան Բոլոր տեռորիստները, դրանց հովանավորները, հովանավորների հովանավորները պիտի րոպե առաջ պատժվեն. Վահագն Ալեքսանյան Դատավոր Արուսյակ Ալեքսանյանի խափանման միջոցը փոխվել է Մահացել է All By Myself հիթի հեղինակ Էրիկ Կարմենը 2024 թվականին մենք ընդամենը մեկ անգամ ենք պարտվել․ Էրիկ տեն Հագ Փաստորեն, մեր բանակն էն վիճակում ա, որ ահագին մարդ անբավարար ա ստանում ատեստացիայից. Ալեքսանյան