Պատերազմի առաջին օրը Էրդողանը կապեց մեր ձեռքերը, իսկ Նիկոլը փակեց մեր բերանները. Արթուր Ղազինյան

Պատերազմի առաջին օրը Էրդողանը կապեց մեր ձեռքերը, իսկ Նիկոլը փակեց մեր բերանները: Այս մասին Facebook-ի իր էջում գրել է «Մեկ Հայաստան» կուսակցության նախագահ, ԱԺ «Հայաստան» խմբակցության պատգամավոր Արթուր Ղազինյանը:

Նա, մասնավորապես, նշել է.

«Անցած տարի այս օրը, երբ արդեն սկսվել էր 44-օրյա պատերազմը, Թուրքիայի նախագահ Էրդողանը թվիթերում մի գրառում արեց, որտեղ Հայ ժողովրդին կոչ արեց դուրս գալ իշխանության դեմ և պայքարել իր ապագայի համար:

Քչերը հասկացան, որ սա բացահայտ աջակցություն էր Նիկոլ Փաշինյանին և լրջագույն զսպաշապիկ էր ազգային ընդդիմության համար, քանի որ եթե պատերազմի ընթացքում Հայաստանի ընդդիմությունը փորձեր փոխել իշխանությունը և կանխեր անխուսափելի աղետը, մեզ կմեղադրեյին Էրդողանի կոչին հետևելու և թուրքական օրակարգ սպասարկելու մեջ:

Այդ նույն օրը, առավոտյան ՀՀ կառավարության արտահերթ նիստում Նիկոլ Փաշինյանը հայտարարեց ռազմական դրություն և ընդունեց կառավարության որոշում՝ խիստ գրաքննություն մտցնելու և ընդդիմության կողմից քաղաքական պայքարն արգելելու մասին: Խիստ զարմանալի էր այս հանգամանքը, քանի որ Նիկոլը չպետք է իմանար այս պատերազմի նպատակը, ծավալը, տևողությունն ու մասշտաբը:

ԲԱՅՑ ՓԱՍՏՈՐԵՆ ԳԻՏԵՐ . . .

Ռազմական դրության պայմաններում Նիկոլն իրեն ԱՊՕՐԻՆԱԲԱՐ հռչակեց ՀՀ զինված ուժերի գլխավոր հրամանատար և իր ձեռքը վերցրեց ՀՀ զինված ուժերի կառավարումը՝ դրանից բխող բոլոր ողբերգական հետևանքներով:

Այդ նույն ժամանակահատվածում ադրբեջանական քարոզչամեքենան ակտիվ աշխատում էր Հայաստանի հասարակոթյան հետ, քանի որ՝ ի հակառակ մեր կոչերին, ադրբեջանական կայքերը Հայաստանում չարգելափակվեցին:

Նիկոլի ու Էրդողանի համատեղ ջանքերով մենք զրկվեցինք ճշմարտությունն ասելու և աղետը կանխելու բոլոր հնարավորություններից, իսկ ադրբեջանին տրվեց գործելու ԼԻԱԿԱՏԱՐ ԱԶԱՏՈՒԹՅՈՒՆ:

Ազգային ընդդիմությունը չեզոքացված էր, արծրունն ու շուշանը ակտիվ էին, «հաղթելու ենք» կեղծիքը հասցվել էր քարոզչական պիկին:

Ամեն ինչ պատրաստ էր Արցախը հանձնելու և հազարավոր մարդկան սպանելու համար:

Հ.Գ. Պետական դավաճանը պոզով-պոչով կենդանի՞ է . . .

Այս թեմայով Բոլորն ուրախացել են, որ Արցախի գազի մատակարարումը վերականգնվել է, բայց քչերն են հիշում, որ այդ գազը 30 տարի չէր ընդհատվել Այն ազգը, որ կարող է հրաժարվել իր 120.000 հայրենակիցներից, ազգ կոչվելու իրավունք չունի. Ղազինյան «Բոլորս հիշում ենք՝ աղետի գոտի ժամանած Գորբաչովին ինչպես դիմավորեցին երկրաշարժի գոտում ապրող հայերը» «Հայաստան» և «Պատիվ ունեմ» դաշինքներն այլևս գոյություն չունեն․ Արթուր Ղազինյան Նոյեմբերի 5-ին ես իմ բողոքն ու անհամաձայնությունն եմ հայտնելու ստորացմանն ու նվաստացմանը․ Ղազինյան Ռուս-թուրքական իրավիճակային դաշինքն առաջիկա ամիսներին կավարտվի, ինչը կստեղծի լրջագույն վտանգներ. Ղազինյան Պետք է ձևավորել իշխանության այլընտրանքային պրոֆեսիոնալ համակարգ․ Ղազինյան Արթուր Ղազինյանը դադարեցնում է քաղաքական գործունեությունը «Ի՞նչ է կատարվում և ի՞նչ պետք է անել»․ Արթուր Ղազինյան «Ճիշտ է արել, 100 մլն-ի պայմանագիր էլ պետք է կնքել Իրանի հետ՝ հարվածային ԱԹՍ ձեռք բերելու համար»