Գեղարքունիքի մարզպետին հորդորում եմ քաղաքացիների հետ շփվելիս լինել առավել զուսպ ու կոռեկտ․ Թագուհի Թովմասյան

Ազգային ժողովի «Պատիվ ունեմ» խմբակցության պատգամավոր Թագուհի Թովմասյանը ֆեյսբուքյան իր էջում գրել է.

«Այսօր առավոտից կապի մեջ եմ Գեղարքունիքի մարզի ձկնորսների հետ, որոնք իրենց խաբված են զգում ու ճարահատյալ փակեցին Երևան-Սևան ավտոմայրուղին: Իսկ մարզային իշխանությունները դեռ հոխորտում են:

Ինձ դիմած Գեղարքունիքի մարզի մի շարք բնակիչներ բարձրաձայնում են Սևանա լճից ձկնորսություն կատարելու արգելքի մասին։ Նրանք մասնավորապես նշում են, որ ձկնորսություն կատարելու սահմանված չափաքանակը լրացել է, ինչի արդյունքում ձկնորսական նավակները ուժով հեռացվել են տարածքից։

Իսկ մինչ այդ, չի իրացվել քաղաքացիների լսելի լինելու իրավունքը, որը դրդել է նրանց փակել փողոցը, քանզի նրանց պնդմամբ ձկնորսության սահմանված չափանաքանակը շատ փոքր է, ինչը առաջացնում է սոցիալական մեծ խնդիրներ և բազմաթիվ բնակիչներ կանգնել են իրենց ապրուստի միակ միջոցը կորցնելու վտանգի առջև։

Այս առիթով արդեն գրավոր դիմել եմ ՀՀ Շրջակա միջավայրի նախարար Ռոմանոս Պետրոսյանին՝ խնդրելով ուսումնասիրել քաղաքացիների կողմից բարձրացվող հարցը և ներկայացնել իրականացվող օպերատիվ քայլերը՝ խնդրի լուծման ուղղությամբ։

Հիշեցնում եմ, որ դեռևս 2020 թվականի օգոստոսի 24-ին անդրադարձել եմ ձկնորսների կողմից բարձրաձայնած խնդիրին, արձանագրել մի քանի խնդրահարույց հարցեր, ձկնորսների հետ միասին զբաղվել այդ խնդիրներով և թվում էր կառավարության հետ համատեղ լուծումը գտնվել է։ Բայց ոչ, մարդիկ հայտարարում են, որ խաբված են:

Կարծում եմ՝ ցանկության դեպքում հնարավոր է գտնել լուծումներ, որոնք հնարավորություն կտան անաշխատանք մնալու վտանգ զգացող ձկնորսներին պահել իրենց ընտանիքները, հոգալ ապրուստի միակ միջոցը եւ միաժամանակ կառավարելի օգտագործել մեր ազգային հարստությունը՝ ձկնապաշարները: Մենք պեռք է բացառենք տարիներ առաջ արձանագրված իրավիճակը, երբ Սիգը դարձել էր հազվագյուտ հանդիպող ձկնատեսակ:

Հ. Գ.Գեղարքունիքի մարզպետ Կարեն Սարգսյանին հորդորում եմ քաղաքացիների հետ շփվելիս լինել առավել զուսպ ու կոռեկտ, օգտագործել պաշտոնյային հարիր բառապաշար»:

Այս թեմայով Այս պահի դրությամբ որևէ խմբակցություն ՀՀ ՄԻՊ-ի թեկնածու չի առաջադրել․ Թագուհի Թովմասյան ՌԴ-ից ակնկալում ենք պատժել ագրեսոր Ալիևին. Թագուհի Թովմասյան Թուրք-ադրբեջանական տանդեմը կրկին հող է նախապատրաստում նոր ռազմական ագրեսիայի համար․ Թովմասյան Ազգային ժողովում լինելը և փողոցային պայքարը միմյանց չբացառող գործընթացներ են․ Թովմասյան Ահազանգ. զինծառայողների և պետական մի շարք մարմինների աշխատակիցների ամենամյա արձակուրդի վճարումը ճիշտ չի հաշվարկվում Ադրբեջանը մտադիր է նոր ագրեսիա անել. Թովմասյանը դիմել է միջազգային գործընկերներին՝ կանխարգելելու այն Մեր դարպասները փակելու խնդիր ունենք, հարևանն ուզում է մեր հաշվին մեծացնել իր տարածքը․ Թովմասյան Թշնամին ժամը 9:00-ից մինչ այժմ հրաձգային զինատեսակներից կրակ է բացել հայկական դիրքերի ուղղությամբ. ահազանգ Կուտականից Թագուհի Թովմասյանը պահեստազորայինների վարժական հավաքների մասով բողոքներ է ստացել Մինչ Փաշինյանի իշխանությունը փորձում է հիմնավորել խաղաղության պայմանագրի կնքման անհրաժեշտությունը, Ադրբեջանը գործում է հերթական պատերազմական հանցագործությունները. Թովմասյան