Տեղահանվածներին ստիպողաբար հանում են հյուրանոցներից՝ թողնելով անտուն. ծանր կացության մեջ ենք. հադրութցի

Արցախից տեղահանված բնակիչները կրկին հավաքվել են Կառավարության շենքի դիմաց։ Նրանք բողոքի ակցիա են իրականացնում, որին մասնակցում են տարբեր բնակավայրերից տեղահանված արցախցիներ։ Նրանք պահանջում են, որ պետությունը ապահովի բնակարաններով, քանի որ արդեն շուրջ մեկ տարի է՝ պատերազմի հետևանքով բռնի տեղահանվածները չունեն ոչ մշտական բնակության վայր, ոչ էլ կարգավիճակ։

Հադրութի բնակիչ Արթուր Ստեփանյանը լրագրողների հետ զրույցում ասաց, որ հիմնական խնդիրը սոցիալականն է՝ երեք ամիս է պետությունից աջակցություն չեն ստանում. «Խոսք են տվել, որ լինելու են 25-50 հազարական դրամները։ 2-3 օրը մեկ սոցապ փոխնախարարների մակարդակով ասում են որոշումը կա, բայց չգիտեմ ինչո՞ւ՝ ծրագիրը չկա, մենք էլ երեք ամիս է չենք կարողանում բնակարանների վարձը տանք»։

Վերջինս ասաց, որ տեղահանվածներին ստիպողաբար հանում են հյուրանոցներից՝ թողնելով անտուն. «Ոնց 1 տարի առաջ էինք տուն ու տեղ կորցրած, նույն ձև էլ այսօր՝ մեր կյանքում փոփոխություն չի եղել, չգիտենք՝ ինչո՞ւ են անմարդկային վերաբերմունք ցույց տալիս։ Շոր ու ուտելիքը աշխատում հասցնում ենք, բայց վարձերը թանկացել են։ Ծանր կացության մեջ ենք հայտնվել, ձմեռվա բերան տներից հանում են»,- ասաց Արթուր Ստեփանյանը։

Նրանք Կառավարության մոտից քայլերթով կուղևորվեն ՀՀ-ում ՄԱԿ գրասենյակ՝ հայտարարելու, որ ՀՀ-ում կան փախստականներ, ապա շարժվելու են Ֆրանսիայի դեսպանատուն՝ հանձնելու նամակ, որում հումանիտար ապաստան են խնդրելու Ֆրանսիայի նախագահից։

Այս թեմայով «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը ԼՂ-ից բռնի տեղահանված ուսուցիչների համար նախատեսված հատկացումները կբաշխվեն ըստ մարզերի Ավելի քան 48 մլրդ դրամ կհատկացվի ԼՂ-ից տեղահանված անձանց աջակցություն տրամադրելու համար Նախատեսվում է ԼՂ-ից բռնի տեղահանված անձանց վերաբերյալ ամբողջական վարչական տվյալների բազայի ստեղծում Այսօրվանից սկսվել է Արցախից բռնի տեղահանված քաղաքացիների կենսաթոշակի վճարման գործընթացը ԼՂ-ից բռնի տեղահանված անձանց մարզերում անվճար մատուցվում է առաջնային բժշկական օգնություն Միայնակ մայրերի և ԼՂ-ից բռնի տեղահանված կանանց համար նոր ծրագիր է մեկնարկել Նարեկ Մկրտչյանը և Քերոլայն Քոքսը քննարկել են ԼՂ-ից տեղահանված անձանց աջակցության գործընթացին առնչվող հարցեր Մենք չենք մոռացել Ղարաբաղի տեղահանված հայերին․ կշարունակենք օգնել ձեզ. Լեյեն ՀՀ կառավարությունը կների ԼՂ-ից բռնի տեղահանված անձանց ոսկու գրավադրմամբ վարկերը