Թուրքիան լուծումներ է առաջարկում․ Թուրքիայի ՊՆ ղեկավարը՝ Հայաստանի՝ ականապատ դաշտերի քարտեզները չտրամադրելու մասին

Թուրքիայի ազգային պաշտպանության նախարար Հուլուսի Աքարը Թուրքիայի և Չադի նախագահներ Ռեջեփ Թայիփ Էրդողանի և Մահամաթ Իդրիս Դեբի Իթնոյի ասուլիսից առաջ պատասխանել է լրագրողների հարցերին, հայտնում է CNN Türk-ը։

Մասնավորապես, լրագրողի այն հայտարարությանը, թե Հայաստանը ականապատ դաշտերի քարտեզներ չի տրամադրում, Աքարն ասել է. «Շփումները շարունակվում են հնարավորինս արագ դրանք ձեռք բերելու համար։ Նախագահ Էրդողանն Ադրբեջան կատարած այցի ժամանակ ընդգծել է, որ տարածաշրջանում կայունության և խաղաղության ստեղծումը կախված է հրադադարից։ Կարևոր է, որ բոլորը նստեն բանակցությունների սեղանի շուրջ, որպեսզի հրադադարը լինի մշտական, ապահովվի կայունությունը, մարդկանց անվտանգությունն ու բարեկեցությունը»։ «Թուրքիան երկխոսության ողջամիտ և տրամաբանական լուծումներ է առաջարկում»,֊հավելել է Աքարը։

Այս թեմայով Ռուսաստանի և Թուրքիայի պաշտպանության նախարարները հեռախոսազրույց են ունեցել Ուկրաինական նավահանգիստները մաքրելու անհրաժեշտություն չկա․ Թուրքիայի ԱԳՆ Ադրբեջանի պաշտպանության նախարարը մեկնել է Թուրքիա Թուրքիան միշտ պատրաստ է մոբիլիզացնել իր ուժերը Ադրբեջանի խնդիրները լուծելու համար․ Թուրքիայի ՊՆ Թուրքիայի Պաշտպանության նախարար Հուլուսի Աքարը Բաքվից դիմել է Երևանին