Հանրապետության նախագահի մասով միայն արտասահմանյան գործուղումների համար նախատեսված է 425 մլն դրամ, նկատի ունենալով նախագահի սահմանափակ լիազորությունները, այս գումարները մի քիչ շա՞տ չեն և ինչ արդյունավետություն ունեն։ Այս մասին, այսօր՝ նոյեմբերի 3-ին, ԱԺ հանձնաժողովներում 2022 թ-ի բյուջեի նախագծի քննարկաման ժամանակ այս հարցադրումներն արեց «Հայաստան» խմբակցության պատգամավոր Աղվան Վարդանյանը:
Նա շարունակեց. «Շարունակելո՞ւ ենք ԱԺ-ում պարգևավճարների և դրամական խրախուսումների գործելաոճը։ ԱԺ-ում ներքին գործուղումների համար նախատեսված է 235 հազար դրամ, իսկ արտասահմանյան գործուղումների համար դրանից 2800 անգամ ավելի` 648 մլն դրամ, ԱԺ-ի հիմնական գործը փաստորեն ոչ թե Հայաստանում է, այլ դրսում, բացի այդ նախատեսվում է երկու միջոցառում` 150 մլն դրամ անկախության տոնի առթիվ, այս տարի 1 մլրդ 200 մլն դրամ էր, այս տատանումը միայն 30 ամյակով բացատրելը որքանո՞վ է ճիշտ։ Մի գումար էլ համառորեն դրել եք «Քաղաքացու օրը» նշելու համար` 40 մլն դրամ, բյուջեն չի՞ ցանկանում ազատվել արդյոք անիմաստ ծախսերից»:
Ի պատասխան` Ֆինանսների նախարար Տիգրան Խաչատրյանը անդրադարձավ պարգևավճարների վերաբերյալ հարցադրմանը` նշելով. «Վստահեցնում եմ, որ բոլոր հավելումները և պարգևավճարները հաշվարկված են օրենսդրությամբ սահմանված կարգով։ Ֆինանսների նախարարության կողմից պետական բյուջեի մասին օրենքի նախագիծը ամփոփելու ժամանակահատվածում բոլոր դեպքերում, երբ եղել են ծախսային հաշվարկներ, որոնք շեղվում են նորմատիվային կարգավորումներից, դրանք տեղ չեն գտել օրենքի նախագծում»։
Հարցի շուրջ մեկնաբանություն տվեց նաև ՔՊ խմբակցության պատգամավոր Գևորգ Պապոյանը.
«Այդ պարգևատրման ֆոնդը, բացի պատգամավորներից, վերաբերում է ԱԺ-ի բոլոր աշխատողներին։ Վարորդները, փորձագետները, պատգամավորների օգնականները, այն մարդկանց համար, ովքեր այս դահլիճի ջեռուցումն են ապահովել, ապահովել են տեխնիկական սպասարկումը, ամեն օր մաքրում են մեր ու ձեր սենյակները, այդ մարդիկ կստանան 30% պարգևավճար։ Երեկ ձեր համակիրներից մեկը աբսուրդային թիվ էր հրապարակել ֆեյսբուքում և պատգամավորների պարգևատրումներից էր խոսել։ Պատգամավորները ամենամսյա պարգևատրում չեն ստացել 2019 թ-ի փետրվարից և այս բյուջեում ևս նախատեսված չէ»։
Ի պատասխան` Վարդանյանը խորհուրդ տվեց պետական բյուջեի քննարկումը չվերածել ֆեյսբուքյան գրառումների մեջբերման։
Ինչպե՞ս կարելի է չցավակցել Իրանին, իսկ Թուրքիայի հետ սիլի-բիլի անել․ Աղվան Վարդանյան
«Ո՞վ է օգնել, որ Նաիրի Հունանյանը մտնի ու զենք բերի ԱԺ՝ լրագրողական հետաքննություն արեք, իմացեք» (տեսանյութ)
Ալիևը մինչև վերջ ստորացնում է սրանց, ձայն չկա․ ասում էր՝ Արցախը ՀՀ է, հիմա ասում է՝ Արցախ չկա
Աղվան Վարդանյանը քպ-ականներին հրավիրեց հանրահավաքի և խոստացավ սուրճ խմել նրանց հետ
Որ Արշակյանն ավելորդ չթխթկացնի սեղանին, համառոտ կլինեմ․ Աղվան Վարդանյան
Դիմադրության շարժումը շուտով թույլ կտա ազատվել այս արհավիրքից՝ ի դեմս գործող իշխանության. Աղվան Վարդանյան
Ռոբերտ Քոչարյանի և Վազգեն Սարգսյանի անունները հաղթանակի հոմանիշ են. խոսելուց առաջ 13 անգամ մտածեք. Աղվան Վարդանյան
Աղվան Վարդանյանն առաջարկեց Արցախն ավելացնել հանձնաժողովի անվան մեջ
Հատուկ քննչական ծառայության պետ, Ձեզ գաղտնալսում են. «Հայաստան» դաշինք
23 տարի անց էլ Տեր-Պետրոսյանը ամուր փակված է ատելության ու վրեժխնդրության իր սեւ ամրոցում․ Աղվան Վարդանյան
Ամենադիտված 
Որոնվում է տեսագրության մեջ պատկերված անձը
