Մենք չենք կարող նշել օլիգարխի տոն ու չենք նշելու, իսկ քաղաքացու տոնը նշելու ենք ավելի մեծ շուքով. Արայիկ Հարությունյան

«ՀՀ պետական բյուջեով այս տարի Անկախության տոնի վրա 0 դրամ է ծախսվել»: Այս մասին, այսօր՝ նոյեմբերի 3-ին, ԱԺ հանձնաժողովներում 2022 թվականի բյուջեի նախագծխի քննարկման ժամանակ նշեց վարչապետի աշխատակազմի ղեկավար Արայիկ Հարությունյանը:

«Մենք հնարավորություն ունեք գործընկերների հետ իրականացնել ծրագիր, որպեսզի լրացուցիչ ծանրաբեռնվածություն չլինի բյուջեին: Ինչ վերաբերում է Քաղաքացու տոնին, մենք ամեն տարի պետք է նշենք: Ասեմ ավելին, հնարավորության դեպքում այդ բյուջեն պետք է ավելացնենք, որովհտեև, ի տարբերություն ձեր իշխանության տարիների, քաղաքացին մեր գերագույն արժեքն է», - դիմելով «Հայաստան» խմբակցության պատգամավոր Աղվան Վարդանյանին՝ ասաց Հարությունյանը:

Նա նշեց, թե ՀՀ քաղաքացին է, որ ցույց է տալիս յուրաքանչյուրի տեղը քաղաքական կյանքում. «Այո, մենք չենք կարող նշել օլիգարխի տոն ու չենք նշելու, մենք չենք նշելու բյուջեից գումարներ հափշտակողների տոն, սա այլ արժեհամակարգ կրող քաղաքական ուժերինն է, մենք նշելու ենք քաղաքացու տոնն ու ավելի մեծ շուքով», - ընդգծեց վարչապետի աշխատակազմի ղեկավարը:

Աղվան Վարդանյանն էլ հայտարարեց, թե սովոր չէ նման քննարկումները վերածել «քաղաքական չգիտեմինչերի»:

«Թույլ եք տալիս, թույլ տվեք, դրանով է տարբերվում քաղաքական մարդը պատահական մարդկանցից», - ասաց պատգամավորը:

Նա ընդգծեց՝ եթե ստացվում է 1,2 միլիարդ հայթայթել ու նշել Անկախության օրը, դժվար չէր լինի 40 միլիոն էլ հայթայթել ու «Քաղաքացու օրը» նշել:

Վարդանյանն ընդգծեց՝ բոլոր ուսումնասիրություններով՝ Անկախության օրը ծախսվել է 400-ից 450 միլիոն դրամ:

«Գումարները ինչ են եղել՝ չգիտեմ, ովքեր են այդ ծախսերը իրականացրել, կարծում եմ՝ հանրայնացնելու ձևերը կան, ու ինչ առնչություն ունի աշխատակազմի ղեկավարը այդ միջոցառման կազմակերպիչների հետ, ևս հայտնի է», - ասաց ընդդիմադիր պատգամավորը:

Արայիկ Հարությունյանն էլ շեշտեց՝ Աղվան Վարդանյանը իրավական առումով կարող է խնդիրներ ունենալ, եթե չհրապարակի աղբյուրները ու իր առնչությունը ֆինանսավորողների հետ. «Խնդրում եմ դա անել, այլապես այլ հարաբերություններում կճշտենք այդ հարցը», - ասաց վարչապետի աշխատակազմի ղեկավարը:

ԱԺ «Պատի ունեմ» խմբակցութան պատգամավոր Աննա Մկրտչյանն էլ ասաց, թե զավեշտալի է այն մարդկանցից լսել օլիգարխների մասին հիշատակումները, ում պատգամավորական ֆրակցիայում առնվազն մի քանի քրեաօլիգարխի ներկայությունն արդեն իսկ հաստատված փաստ է:

Այս թեմայով Հայտնի բժիշկ Արայիկ Ղարիբյանը լքեց ԵԿՄ շարքերը Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան Ադրբեջանցիները տեսանյութ են հրապարակել Ստեփանակերտում Արայիկ Հարությունյանին պատկանող գինու և կոնյակի գործարանից Արայիկ Հարությունյանը հանդիպել է Ֆրանկոֆոնիայի միջազգային կոմիտեի տնօրեն Զեյնա Մինայի հետ Արայիկ Հարությունյանն անդրադարձել է վարչապետ Նիկոլ Փաշինյանի` ապրիլի 5-ի բրյուսելյան այցին Հիբրիդային գործիքներով փորձելու են նոր ճգնաժամեր հարուցել․ Արայիկ Հարությունյան Արայիկ Հարությունյանը վերջապես կհասնի նպատակին. ո՞վ կնշանակվի ՍԱՏՄ ղեկավար. «Փաստ» Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան