Իսրայելն ԱՄՆ-ից պահանջել է դադարեցնել Իրանի միջուկային ծրագրի շուրջ բանակցությունները

Իրանը զբաղված է «միջուկային շանտաժով» և սկսել է հարստացված ուրանի արտադրությունը՝ օգտագործելով ավելի բարդ ցենտրիֆուգներ։ Իսրայելի վարչապետ Նաֆթալի Բենեթը ԱՄՆ պետքարտուղար Էնթոնի Բլինքենից պահանջել է անհապաղ դադարեցնել իրանական միջուկային ծրագրի շուրջ բանակցությունները, որոնք ընթանում են Վիեննայում, հայտնում է Reuters-ը։

«Իրանը միջուկային շանտաժն օգտագործում է որպես բանակցային մարտավարություն, և դրան պետք է պատասխանել համաշխարհային տերությունների կողմից կոշտ միջոցների ձեռնարկմամբ»,- ասել է քաղաքական գործիչը։

Իսրայելի վարչապետը մտավախություն ունի, որ բանակցությունների արդյունքում Իրանը ոչ միայն կպահպանի իր միջուկային ծրագիրը, այլեւ «դրա համար գումար կստանա»։ Ինչպես հաղորդում է ՏԱՍՍ-ը, նոյեմբերի 29-ին Բենեթն իր ուղերձում նշել է, որ Թեհրանը չի հրաժարվի Իսրայելը ոչնչացնելու իր նպատակից։

«Չնայած Իրանի կողմից խախտումներին և միջուկային տեսչական ստուգումների խաթարմանը, Իրանը կնստի Վիեննայում բանակցությունների սեղանի շուրջ, և կան մարդիկ, ովքեր կարծում են, թե նրանք արժանի են պատժամիջոցների չեղարկմանը: Նրանք սխալվում են»,- ասել է վարչապետը՝ ընդգծելով, որ Իրանը արժանի չէ ոչ պատժամիջոցների վերացմանը, ոչ էլ շահավետ գործարքների։

Այս թեմայով Իսրայելի ազգային անվտանգության նախարարը վթարի է ենթարկվել (տեսանյութ) «Ամոթ քեզ»․ Իսրայելի արտգործնախարարը նախատել է Էրդողանին Իսրայելը ներկայումս կանգնած է էկզիստենցիալ սպառնալիքի առաջ․ Նեթանյահու Էս կապիկից առաջացածները էկել հայ ազգի ճակատագիրն են որոշում. Իսրայել Հակոբկոխյան (տեսանյութ) Իսրայելը ծրագրել էր հակահարված տալ Իրանին ապրիլի 15-ի երեկոյան․ ԶԼՄ Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Բաքուն համաձայնել է Իրանի դեմ օդային հարձակումների համար տրամադրել երեք ռազմակայան ԱՄՆ-ում բացատրել են, թե ինչու են պաշտպանում Իսրայելին, բայց ոչ Ուկրաինային Իսրայելը որոշել է «հնարավորինս շուտ» հարված հասցնել Իրանին Իսրայելի պաշտպանության բանակը խոստացել է պատասխանել Իրանին