Ջրի հոսանքին հակառակ գնացող դատավորները ձեռք են բերել բարձր վարկանիշ

HelpCourt-ը հրապարակել է այս պահին ՀՀ դատական համակարգի 5 ամենաբարձր վարկանիշ ունեցող դատավորների անուններն ու ցուցանիշները՝ 1. Ալեքսանդր Ազարյան - (+88), 2. Վազգեն Ռշտունի - (+88), 3. Դավիթ Բալայան - (+86), 4. Արման Հովհաննիսյան (+82), 5. Զարուհի Նախշքարյան (+78)։

Հետաքրքրական է, որ բարձր վարկանիշ ունեցող դատավորները հատկապես աչքի են ընկել ընդդիմադիրներին վերաբերվող դատական պրոցեսների ընթացքում։ 

Այսպիսիով, Ալեքսանդր Ազարյանն այն դատավորն է, որը Վերաքննիչ քրեական դատարանում քննելով ՀՀ 2-րդ նախագահ Ռոբերտ Քոչարյանի գործը բավարարել էր վերջինիս նկատմամբ կալանքը որպես խափանման միջոց կիրառելու առաջին ատյանի դատարանի որոշման դեմ պաշտպանների բողոքը, ինչից հետո 2-րդ նախագահն ազատ արձակվեց:

Վազգեն Ռշտունու անունը ևս կապվում էր Ռոբերտ Քոչարյանի գործի հետ։ Ռշտունին նաև հայտարարել էր՝ «Միգուցե, թե՛ համակարգում, թե՛ համակարգից դուրս երևի մարդիկ կան, ում ես խանգարում եմ»։ Վկայակոչելով Ռշտունու նախկինում արված այն հայտարարությունը, որ համամիտ է Ռոբերտ Քոչարյանին անձեռնմխելիության հիմքով առաջին անգամ ազատ արձակած դատավորի` Ալեքսանդր Ազարյանի հետ՝ դատախազությունը ևս նրան մեղադրում էր Քոչարյանի գործով կանխակալ մոտեցում ունենալու հարցում:

Դավիթ Բալայանն այն դատավորն էր, որը փորձեց ի հեճուկս Փաշինյանի՝ դատարանները շրջափակելու կոչին, պատուհանից ներս մտնել։

Այս տարվա ապրիլին կարգապահական վարույթ իրականացնելու գործընթաց էր սկսվել նաև դատավոր Արման Հովհաննիսյանի դեմ, քանի որ վերջինս հրաժարվել էր կալանքի որոշում կայացնել «Սիսական» ջոկատի հրամանատար Աշոտ Մինասյանի՝ «Աշոտ Երկաթի» գործով։

Դատավոր Զարուհի Նախշքարյանի վերաբերյալ էլ կարգապահական վարույթ էր հարուցվել Նիկոլ Փաշինյանի դստեր՝ «Շուշան Փաշինյանի հայցն ընդդեմ Նարեկ Սամսոնյանի» դատական գործի շրջանակներում ինքնաբացարկ չհայտնելու համար։ 

Նշենք, որ սույն թվականի հուլիսի 1-ին մեկնարկել է «HelpCourt 2021» դատական վարկանիշավորման գործընթացը։ Համակարգում գնահատում են միայն փաստաբանները։ Վարկանիշավորման գործընթացը շարունակվում է և ավարտվելու է դեկտեմբերի 24-ին: Նշվում է, որ տարվա ամենաբարձր վարկանիշ ունեցող դատավորին փոխանցվելու է «Թափանցիկ ձեռք 2021» հուշանվերը: Համակարգը գերթափանցիկ է, և յուրաքանչյուր ոք կարող է, այցելելով https://helpcourt.am/  կայք, տեղեկանալ, թե որ դատավորին, որ փաստաբանը, ինչպես և երբ է գնահատել:

Սոնա Հարությունյան

Այս թեմայով ԱՄՆ-ում կկառուցվի երկրի ամենաբարձր երկնաքերը Տարածքների փոխանակման հարցը շատ լուրջ հանրաքվեի անհրաժեշտություն ունեցող հարց ա. Նիկոլ Փաշինյան Կներդրվի գազավորված և չգազավորված ջրերի` նույնականացման միջոցներով դրոշմավորման համակարգ Մի շարք հիվանդություններ ունեցող անձինք կճանաչվեն զինծառայության համար պիտանի՝ որոշակի սահմանափակումներով Բագրատ Սրբազանը չի մասնակցի Ոսկեպարում Փաշինյանի հետ հանդիպմանը ՈւՂԻՂ. Շարունակվում է Աշոտյանի գործով դատական նիստը «Ժողովուրդ». Ըստ «Freedom House»-ի՝ ՀՀ դատական համակարգը 7 բալային համակարգի սանդղակով գնահատվել է 2.75 միավորով Գլխավոր դատախազությունում քննարկվել է ապօրինի ծագում ունեցող գույքի բռնագանձման ոլորտներում ԱՄՆ-ի հետ փոխօգնության խորացման հարցը Կներդրվի բուժաշխատողների լիցենզավորման համակարգ Ինչպես ներկայացնել եկամուտների հայտարարագիր, ինչպես մուտք գործել համակարգ․ ՊԵԿ իրազեկումը