«Դուխով»-ի մաստեր կլասս՝ Քերոբյանի համար. ինչի՞ համար են հրաժարական տվել նրա գործընկերները

Հայաստանյան մի շարք պաշտոնյաներ տարբեր առիթներով հայտնվել են հանրության բուռն քննադատության տակ, վերջիններիս նույնիսկ մազ է բաժանել հրաժարականից, սակայն, նրանք նախընտրել են ամեն գնով՝ տարատեսակ կրուտիտներով, արդարացումներով դուրս գալ իրավիճակից և կառչած մնալ սեփական պաշտոնից: 

Ի տարբերություն հայ պաշտոնյաների` նրանց արտասահմանյան կոլեգաների մոտ «դուխ» ասվածը միայն դեկլարատիվ բնույթ չի կրում: Դիցուք՝ ընդամենը ամիսներ առաջ հրաժարականի դիմում էր ներկայացրել Ուկրաինայի էկոնոմիկայի նախարար Ալեքսեյ Լյուբչենկոն: Պատճառը՝ տնտեսական ակտիվության ցուցանիշների բավական դանդաղ աճն է այս հետխորհրդային երկրում:

Իտալիայի էկոնոմիկայի նախարար Դոմինիկո Սինիսկալկոն հրաժարական էր ներկայացրել՝ կառավարության տնտեսական քաղաքականության և բյուջեի շուրջ ընդհանուր հայտարարի չգալու պատճառով:

Հունաստանի էկոնոմիկայի նախարար Յանիս Վարուֆակիսը հրաժարակին դիմում էր ներկայացրել, որպեսզի իր անձով պայմանավորված դժվարություններ չստեղծվեն միջազգային վարկեր ներգրավելու ընթացքում:

Իսրայելի էկոնոմիկայի նախարար Արիե Դերին հրաժարական էր ներկայացրել` պատճառաբանելով, որ չի հաջողվում լուծել կառավարության հետ առկա հակասությունը՝ գազային պրոյեկտի մասով:

Ճապոնիայի էկոնոմիկայի նախարար Յուկո Օբուտին հրաժարական էր տվել իր անձի հետ կապված սկանդալի ֆոնին, որն էլ իր հերթին կապված էր երկու կառավարական ֆոնդերում հայտնաբերված չարաշահումների հետ:

Թուրքիայի էկոնոմիկայի նախարար Զաֆեր Չաղլայանը հրաժարական էր ներկայացրել կոռուպցիոն սկանդալից հետո: Սկանդալը ծագել էր վերջինիս որդու անվան շուրջ՝ գնումների ընթացքում կաշառք ստանալուց հետո:

Սլովակիայի էկոնոմիկայի նախարար Ռիխարդ Սուլիկն էլ հրաժարական էր ներկայացրել՝ «Սպուտնիկ» պատվաստանյութի հետ կապված սկանդալից հետո: Նա անհաջող կատակել էր, որ այդ պատվաստանյութի դիմաց ՌԴ-ին է խոստացել ուկրաինական անդր-կարպատները: Դրանից հետո առաջացած միջազգային սկանդալը պաշտոնյային ստիպեց հրաժեշտ տալ զբաղեցրած պաշտոնին:

Այժմ գանք Հայաստան. էկոնոմիկայի նախարար Վահան Քերոբյանը խոստացել էր տարվա ավարտին հրաժարական տալ, եթե չարձանագրվի երկնիշ տնտեսական աճ, այնուհետև նա հայտարարեց, որ իրեն սխալ են հասկացել: Բոլորս հիշում ենք, որ հայկական կողմը փաստացի չկարողացավ հերքել այն տեղեկությունը, որ Իրան մեկնած պատվիրակության ղեկավար Քերոբյանն այնտեղ ոչ սթափ վիճակում է գտնվել, ինչը, բախտի բերմամբ, միայն չվերաճեց միջազգային սկանդալի: Բոլորը հիշում են նախարար սկանդալային գրառումը, որ խոպան գնացածներին պետք է բերման ենթարկել, ինչից հետո Քերոբյանը ստիպված էր ասել, որ անհաջող կատակ է արել: Դրանից հետո՝  հանուն հայրենիքի նահատակված մեր զինվորներին Քերոբյանն անվանեց «մեռած երեխեք»` թերևս մոռանալով իր կարգավիճակը և այն, որ այդ կարգավիճակում ավելորդ չէ ընտրել նաև խոսելու ոճը: Քերոբյանին արժե հիշեցնել, որ մեռածը մեր տնտեսությունն է, իսկ հազարավոր տղաները, որ իրենց կյանքը տվեցին հանուն Հայաստանի և Արցախի, նահատակված հերոսներ են: 

Ինչպես տեսնում ենք՝ Հայաստանի էկոնոմիկայի նախարարի մոտ խոսքն ու գործը չի համընկնում, սակայն, ի տարբերություն իր միջազգային գործընկերների, հրաժարական տալու «դուխն» ակնհայտորեն պակասում է:

Այս թեմայով Պետք է առերեսվենք ճշմարտությանը և ընդունենք, որ Ռուսաստանն ավելի արդյունավետ է գործում. Ուկրաինայի ԱԳ նախարար Փաշինյանը որ հրաժարական տա, նոր էս գործը կբացվի. պատասխան պիտի տա երեխեքին սպանելու համար (տեսանյութ) Սկսվել է երրորդ համաշխարհային պատերազմը․ Իսրայելի ԱԳ նախարար Եվրոպական հանձնաժողովի գլխավոր տնօրենը կայցելի Հայաստան Մարսելի արքեպիսկոպոս կարդինալը ժամանել է Հայաստան Փաշինյանը Բլինքենի հետ քննարկել է Հայաստան-Ադրբեջան խաղաղության գործընթացը Հայաստան ամրոց-պետությունն իր առջև պետք է առաջնային խնդիր դնի ձևավորելու արժանապատիվ զինվորականության դաս. Վարդան Ոսկանյան Իսրայելում հակակառավարական բողոքի ցույցեր են տեղի ունեցել ՀՀ իշխանությունները հայտարարել են, որ Պուտինին չեն «ձերբակալի», եթե նա գա Հայաստան Իսրայելի ազգային անվտանգության նախարարը վթարի է ենթարկվել (տեսանյութ)