«Հրապարակ». Արտառոց միջադեպ՝ ՏՄՊՊՀ-ում

«Հրապարակ» թերթը գրում է. «Օգոստոսին արտառոց միջադեպ է տեղի ունեցել ՏՄՊՊՀ-ում: Հանձնաժողովի աշխատակիցներից մեկը պատմեց, որ նիստի ժամանակ, որը վարել է Գեղամ Գեւորգյանը, վեճ է ծագել մեթոդաբանության եւ շուկաների վերահսկողության վարչության պետ Դավիթ Էլոյանի եւ մրցակցության վարչության աշխատակից Արսեն Պետրոսյանի միջեւ, ապա վերաճել է ձեռնամարտի: Էլոյանին չի կաշկանդել հանձնաժողովի նախագահի ներկայությունը, «վազել է իր աշխատասենյակ, դանակ բերել, որ հարձակվի Արսենի վրա», հետո Պետրոսյանին կանչել է միջանցք՝ «ռազբորկայի»։ Ահաբեկված աշխատակիցները փախել են իրենց սենյակներ:

Նիստն ընդհատվել է, խառնվել են անվտանգության աշխատակիցները։ Նիստին ներկա տնտեսվարողներն ապշահար լքել են շենքը, մեկը Գեղամին ասել է. «Դուք նույնիսկ Ձեր աշխատակազմին չեք կարողանում կարգի հրավիրել, մեզ կանչել եք ստեղ, հարցե՞ր եք տալիս»։

Տեղեկությունը փորձեցինք ճշտել ՏՄՊՊՀ խոսնակ Անի Սմբատյանից: «Տեղեկացնում եմ, որ ՄՊՀ նիստի ժամանակ նման միջադեպ չի գրանցվել։ Ձեր կողմից նշված անձինք օգոստոսից չեն հանդիսանում ՄՊՀ աշխատակիցներ»։ Հարցին, թե երբ եւ ինչու են նրանք ազատվել, պատասխանեց. «Օգոստոսի 2-ին Արսեն Պետրոսյանն է ազատվել, իսկ Դավիթ Էլոյանը՝ օգոստոսի 10-ին: Ազատվել են իրենց դիմումի համաձայն»:

Միջադեպի 2 մասնակիցները գրեթե միաժամանակ են ազատվել, Էլոյանը նոր աշխատող էր, որին ընդունել էր Գեւորգյանը, իսկ Արսեն Պետրոսյանը ՏՄՊՊՀ համեմատաբար փորձառուներից էր՝ այս կառույցում աշխատանքի 10 տարվա փորձ ունի: Մեզ հետ զրույցում Արսեն Պետրոսյանն ասաց. «Ես արդեն մեկ տարի ունեի հեռանալու մտադրություն... դա ինչ-որ միջադեպի պատճառով չէր կարող լինել: Իմ պատճառներն այլ են եղել, իսկ թե դա համընկել է Էլոյանի գնալու հետ, թե չէ, կարեւոր չի»:

Այս թեմայով «Ժողովուրդ». ՏՄՊՊՀ նախագահի կինը 25 հազար դոլար նվիրատվություն է ստացել. ինչ ունեցվածք ունի ՏՄՊՊՀ-ում փորձագետն աշխատանքի չի եկել, իսկ աշխատավարձը՝ 3,9 մլն դրամը, յուրացրել է վարչության պետը Գեղամ Գևորգյանը սաբոտաժի է ենթարկում Նիկոլ Փաշինյանի հանձնարարականները «Նախկինների» և հեղափոխականների հաջող «համագործակցությունը» շարունակվո՞ւմ է ՏՄՊՊՀ նախագահը «փրկում» է Փաշինյանին և Ավանեսյանին ՏՄՊՊՀ–ն կախվում է փրփուրներից իր հանցավոր անգործությունը բացատրելու համար. Սուրեն Պարսյան Շաքարավազի շուկայում պակասուրդ առկա չէ. ՏՄՊՊՀ ՏՄՊՊՀ-ի անունը կփոխվի․ նոր խմբագրությամբ օրենքն ուժի մեջ մտավ ՏՄՊՊՀ նախագահը ԱՊՀ-ում ներկայացրել է մրցակցային քաղաքականության ոլորտի մասին զեկույց ՏՄՊՊՀ-ն հրապարակել է դեղերի շրջանառության ոլորտում իրականացված ուսումնասիրությունը