Մեզ հետ եղած արհավիրքն ինքնախաբեության արդյունք ա․ տարիներով մի բան բանակցել, այլ բան են ներկայացրել

Հայաստանը տրամադրված է կառուցել տարածաշրջանում կայուն, երկարատև խաղաղություն:

Հունվարի 28-ին Եռաբլուր պանթեոնում լրագրողների հետ զրույցում այս մասին նշեց ՀՀ արտաքին գործերի նախարար Արարատ Միրզոյանը: 

«Մենք ունենք համազգային կարմիր գծեր, որոնք որևէ կերպ պետք չէ անցնել, մյուս կողմից մենք առաջին և վերջին ժողովուրդը չենք մոլորակի վրա, որ հարևան պետության հետ ունեցել է երկար հակամարտություն: Մշտապես հիշելով և պատվելով զոհվածների հիշատակը, մտածելով զոհվածների ծնողների հարազատների մասին՝ միևնույն ժամանակ պարտավորություն պետք է զգանք հենց զոհվածների հիշատակի, մեր հայրենիքի համար: Մենք տրամադրված ենք կառուցել տարածաշրջանում կայուն, երկարատև խաղաղություն»,-ասաց Արարատ Միրզոյանը:

Լրագրողների այն դիտարկմանը, որ ընդդիմության գնահատականով կառավարությունը ձախողել է արտաքին քաղաքականությունը և քննադատության է արժանի Թուրքիայի հետ սկսված երկխոսությունը, Արարատ Միրզոյանը նշեց, որ չի ցանկանում մեկնաբանել ընդդիմության զանազան հարցերով տեսակետները, սակայն հիշեցրեց վերջին տարիներին տարբեր կառավարությունների կողմից այդ ուղղությամբ իրականացված աշխատանքները:

«Այդ նույն ընդդիմությունից հետաքրքրվեք, թե ինչպես է եղել, որ 90-ականների վերջերից  որևէ տարի գրեթե չի եղել, երբ Հայաստան-Թուրքիա երկխոսության ուղղությամբ որևէ բանակցություն, քննարկում, նամակագրություն, կոնտակտ չլիներ: Այդ հեքիաթները դրեք մի կողմ, ոչ դուք նպաստեք դրան, ոչ էլ թույլ տվեք, որ տարբեր՝ իրենց ընդդիմադիր հռչակած անձինք խաբեն: Բավական է ապրել խաբկանքի մեջ: Այն արհավիրքը, որ եղել է մեզ հետ, մեծ ինքնախաբեության արդյունք է: Պետք է ուղիղ առերեսվել իրականությանը, ուղիղ խոսել միմյանց հետ ու ոչինչ չթաքցնել: Պետք չէ տարիներ շարունակ գնալ բանակցել մի բան, հետո տանը՝ տարբեր ամբիոններից հայտարարել բոլորովին ուրիշ  բան, առաջ տանել ուրիշ քարոզչություն»,-ասաց Արարատ Միրզոյանը:

Ինչ վերաբերում է իր կողմից տարվող բանակցություններին, ապա Արարատ Միրզոյանը նշեց, որ ինչ ինքը բանակցում է, Ազգային ժողովում հարց ու պատասխանի ժամանակ ուղիղ ձևով ներկայացնում է:

Այս թեմայով «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը Խաչատուրյանը Ֆրանսահայերի խորհրդի նախագահին է ներկայացրել ՀՀ սահմանազատման գործընթացը Nissan Qashqai-ը նոր թարմացված մոդել է ներկայացրել (լուսանկարներ) Ստեփանակերտի ռուսական դրամատիկական թատրոնը ներկայացրել է ևս երկու գարնանային բեմադրություն Սուրեն Պապիկյանի կինը հանձնաժողով տվյալներ չի ներկայացրել 2,100,000 դրամ, 17,700 ԱՄՆ դոլար, 2000 եվրո եկամտի վերաբերյալ․ «Հրապարակ» Դավիթ Տոնոյանի դեմ գործը քաղաքական ուղիղ հրահանգի արդյունք է․ փաստաբաններ Porsche-ն ներկայացրել է ավելի քան 15 000 դոլար արժողությամբ էլեկտրական հեծանիվ (լուսանկարներ) Արթուր Մարտիրոսյանը ներկայացրել է ՀՀ-ում իրականացվող բարեփոխումները Սամվել Վարդանյանի նկատմամբ դաժան խոշտանգումը անձամբ ՔՊ ղեկավարի քաղաքական պատվերի արդյունք է․ հայտարարություն Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան