Ոստիկանության Մուշի բաժնի աշխատակիցներն իրենց հարգանքի տուրքն են մատուցել Էմիլ Թամոյանի հիշատակին

Գյումրու ոստիկանության Մուշի բաժնի աշխատակիցներն հունվարի 30-ին իրենց հարգանքի տուրքն են մատուցել զինակից ընկերոջ՝ ոստիկանության մայոր, ազգությամբ եզդի Էմիլ Թամոյանի հիշատակին:

Էմիլ Թամոյանը ծանրամարտիկ էր ու մարզական հոգեբան, աշխատում էր ոստիկանության Մուշի բաժնում որպես ավագ օպրելիազոր, պատերազմի լուրը լսելուն պես անմիջապես կամավորագրվել և մեկնել էր Արցախ։

«Արմենպրես»-ի հետ զրույցի ժամանակ Էմիլի մայրը՝ Շողիկ Թամոյանը նշեց, իր որդին հայրիկի նման հայրենասեր էր: Հայրը՝ փոխգնդապետ Արտուշ Թամոյանը ևս ոստիկանության ուժերում էր ծառայել, եղել է ազատամարտիկ, բանաստեղծ: Վիրավորվել է հոկտեմբերի 4-ին Շուշիի մշակույթի տանը:

«Միշտ զանգում հույս էր տալիս, ասում էր՝ ամեն ինչ լավ կլինի, երեխաներին, ծնողներիս լավ կնայես, անպայման կվերադառնամ»,- նշեց Էմիլ Թամոյանի կինը՝ Գայանե Թամոյանը՝ պատմելով, որ ռմբակոծության հետևանքով Էմիլը կորցրել էր աջ ձեռքը։ Ստեփանակերտում վիրահատելուց հետո նրան տեղափոխել էին Գորիս, այնուհետև՝ Երևան:

Էմիլն արդեն կազդուրվում էր, անգամ աշխատանքի էր գնում. ոստիկանությունը հնարավորություն էր տվել մնալ և աշխատել համակարգում։ Պատրաստվում էր պրոթեզավորման, սակայն 2021 թվականի հունվարի 30-ին Երևան-Թալին ավտոճանապարհին տեղի ունեցած ողբերգական ավտովթարի պատճառով զոհվում է ոչ միայն Էմիլը, այլ նաև հայրը՝ Արտուշ Թամոյանը։

«Թեև ամուսինս ավտովթարի զոհ է դարձել, բայց մահվան պատճառը պատերազմն էր, պատերազմը որ չլիներ, Էմիլը չէր զոհվի»,- ասում է կինը:

«Վիրավորումից հետո ասում էր, մա՛, ես լավանամ, էլի հետ եմ գնալու: Ասում էր՝ մեր հայրենիքն է, պետք է պաշտպանենք: Եթե այստեղ ենք ապրում, ուրեմն իմ հայրենիքն է ու պաշտպանելու եմ»,-պատմում է Շողիկ Թամոյանը:

Էմիլն ու Գայանեն 3 զավակ ունեն: Ավագը՝ Արտուշը, որոշել է հայրիկի հետքերով գնալ ու ոստիկան դառնալ: «Մեծ որդիս 10 տարեկան է, ուզում է հայրիկի գործը շարունակել, ասում էր՝ պա, գիտես, ոստիկան պետք է դառնամ, իրար հետ ոստիկանի շոր հագնենք ու դուրս գանք տնից»,-ասում է Գայանեն։

Այս թեմայով ՀՅԴ ՀԵՄ անդամները այցելել են Կիրանց և իրենց աջակցությունը հայտնել Տավուշում ձևավորված շարժմանը (տեսանյութ) Ոստիկանության երեկվա գործողությունը լավագույնս ցույց է տալիս իշխանության վերաբերմունքը ԶԼՄ նկատմամբ. Տիգրան Աբրահամյան «Տանան հեռու խոխեք» նախաձեռնության անդամներն իրենց աջակցությունն են հայտնում Տավուշի հայրենակիցներին Իշխանություններն անցել են իրենց սիրելի «մուտիտին». «Փաստ» Վեդիի ոստիկանության բաժնում եմ. Քոչարյան Գյուղացիները տագնապած են, որ իրենց կյանքը կփոխվի դեպի բացասականը. Սեմյոն քահանա Առաքելյան (տեսանյութ) «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ Քրեակատարողական և Հարկադիր կատարումն ապահովող ծառայությունները ևս հարգանքի տուրք են մատուցել Հայոց ցեղասպանության զոհերի հիշատակին Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Իրենց կուռքի ստեղծած կանալիզացիոն համակարգն արդեն error է տվել. դագաղները այլևս թռչող բումերանգներ են. Զոհրաբյան