ԼՀԿ-ն հայտարարություն է տարածել՝ ուղղված Բախշիյանի պաշտպանությանը միացած 20 դատավորներին

«Լուսավոր Հայաստան» կուսակցության ղեկավար Էդմոն Մարուքյանը ֆեյսբուքյան էջում գրել է․

«ՀՀ վարչական դատարանի 20 դատավորներ այսօր հայտարարություն են տարածել՝ ի պաշտպանություն իրենց գործընկերոջ, ինչի մասին ցանկանում ենք հայտնել հետևյալը:

2021 թ. դեկտեմբերի 15-ին «Լուսավոր Հայաստան» կուսակցությունը ՀՀ վարչական դատարան է ներկայացվել հայց ընդդեմ թիվ 23 տարածքային ընտրական հանձնաժողովի՝ դեկտեմբերի 05-ին կայացած Վանաձոր համայնքի ՏԻՄ ընտրությունների արդյունքներն ամփոփելու մասին դեկտեմբերի 12-ի թիվ 37-Ա և 38-Ա որոշումներն անվավեր ճանաչելու և «Լուսավոր Հայաստան» կուսակցությանն ընտրված ճանաչելու պահանջների մասին։

Հաջորդ օրը հայցադիմումն ընդունվել էր վարույթ՝ 5 դատավորի կազմով, և իրականացվել գործի քննություն։

Դեկտեմբերի 21-ին Դատարանը 5-ի փոխարեն՝ 4 դատավորի կազմով կայացրել է հայցադիմումը մերժելու մասին վճիռ՝ խախտելով ՀՀ Սահմանադրությունն ու վարչական դատավարության օրենսդրությունը:

Դեկտեմբերի 23-ին «Լուսավոր Հայաստան» կուսակցությունը ներկայացրել է վերաքննիչ բողոք՝ գործով կայացված վճռի դեմ, որը ՀՀ վերաքննիչ դատարանի 2022թ. հունվարի 07-ի որոշմամբ վարույթ չի ընդունվել:

Վերաքննիչ դատարանի նշյալ որոշումը բողոքարկվել է վճռաբեկության կարգով, և այժմ գործը գտնվում է ՀՀ վճռաբեկ դատարանում։

Վարչական դատարանի դատավոր Դ. Դանիելյանի նկատմամբ վերը նշված խախտման հետ կապված հարուցվել է կարգապահական վարույթ, որի նյութերը գաղտնի են, հետևաբար՝ մանրամասները մեր կողմից ենթակա չեն հրապարակման։

Այսօր մամուլից տեղեկացանք, որ ՀՀ վարչական դատարանի 24 դատավորներից 20-ն ստորագրել են հայտարարություն՝ ի պաշտպանություն իրենց գործընկերոջ՝ դատավոր Դ. Դանիելյանի (չստորագրող դատավորների թվում է նաև անձամբ պարոն Դանիելյանը)։

Չքննարկելով տվյալ հայտարարության բովանդակային մասը՝ հարց է առաջանում, թե արդյո՞ք հայտարարությունն ստորագրող դատավորները մտածել են այն մասին, թե այն զարգացման դեպքում, եթե ակտը բեկանվի վերադաս դատարանի կողմից, և գործն ուղարկվի նույն ընթացակարգով (5 դատավորի կազմով) վարչական դատավարում նոր քննության, ապա 5 դատավորի կազմ, ովքեր չեն ստորագրել այդ հայտարարությունը, վարչական դատարանում չի մնում։

Իսկ եթե նրանք կանխատեսել են այդ հնարավորությունը, ապա ինչպե՞ս են հայտարարությունն ստորագրող դատավորները համարվելու անաչառ և իրավասու քննելու խնդրո առարկա վարչական գործը։

Հարգարժա՛ն դատավորներ,

Այս ամենի արդյունքում «Լուսավոր Հայաստան» կուսակցությունը կարող է զրկվել ՀՀ վարչական դատարանում իր իրավունքների և օրինական շահերի պաշտպանության արդյունավետ միջոց ունենալու հնարավորությունից»։

Այս թեմայով Ադրբեջանական զինուժը ՀՀ ինքնիշխան տարածքում ԱԹՍ-ով հարձակվում է հայ զինվորների վրա. Մարուքյան Ադրբեջանը վերահաստատում է, որ ԼՂ-ն գտնվում է խորը հումանիտար ճգնաժամի մեջ. Էդմոն Մարուքյան «Փաստորեն Ադրբեջանը կրակում է ՀԱՊԿ-ի վրա, բայց, թե ինչ ասելիք ունի ՀԱՊԿ-ն, կտեսնենք այսօր» Ադրբեջանի բանակի հարձակումները ՀՀ տարածքի վրա լավ փաստագրված են ԵՄ մոնիտորինգային կարողությունների կողմից. Մարուքյան Ալիևը խոստովանեց, որ իր երկիրը սկսել է ԼՂ երկրորդ պատերազմը՝ չնայած նախկինում հակառակն էր պնդում. Մարուքյան «Խաղաղության պայմանագիրը ստորագրելիս Հայաստանին անհրաժեշտ են երաշխավորներ առնվազն ՄԱԿ ԱԽ-ից» Հուսով ենք՝ ՌԴ-ն կպաշտպանի իր առաջարկները, և Ադրբեջանը համաձայնություն կտա այդ առաջարկներին. Մարուքյան «Եթե չեք ծրագրում նոր ագրեսիա, ինչո՞ւ եք այդքան նյարդայնանում ՀՀ-ում սպասվող միջազգային ներկայությունից» Ո՛չ գրավոր, ո՛չ բանավոր Հայաստանը միջանցք տրամադրելու պարտավորություն չի ստանձնել. Էդմոն Մարուքյան Ալիևը արևմտյան մայրաքաղաքներում բողոքում է Ռուսաստանից, իսկ ԱՊՀ տարածք վերադառնալիս՝ Արևմուտքից. Էդմոն Մարուքյան