Եղա հայ-ադրբեջանական սահմանին. ՀԱՊԿ գլխավոր քարտուղարը զգուշավոր լավատեսությամբ է կիսվել

Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասը հայտարարել է Հայաստանի և Ադրբեջանի միջև Հարավային Կովկասում խաղաղության հաստատման նոր հեռանկարների մասին։ Ելույթ ունենալով այսօր՝ փետրվարի 9-ին, «Հավաքական անվտանգությունը նոր դարաշրջանում. ՀԱՊԿ փորձն ու հեռանկարները» խորհրդաժողովում, ռազմական դաշինքի վարչական ղեկավարը մատնանշել է «որոշ զգուշավոր լավատեսություն» հայ-ադրբեջանական հակամարտության կարգավորման հարցում։

«Լարվածության օջախներ  հայ-ադրբեջանական սահմանին, իհարկե, կան։ Ես այնտեղ էի, իմ աչքերով տեսա, թե ինչ է կատարվում այնտեղ։ Բայց, ըստ էության, սահման, որպես այդպիսին, չկա, կա շփման գիծ, ​​հենակետեր, դիտակետեր։ Ժամանակ առ ժամանակ կրակոցներ են լինում։ Այսպես չպետք է լինի»,- շեշտել է ՀԱՊԿ գլխավոր քարտուղարը։

«Զգուշավոր լավատեսություն կա, որ պատերազմի մի ամբողջ դարաշրջան ավարտվում է, և սկսվում է մեկ այլ դարաշրջան: Ես կարող եմ սխալվել նման լավատեսության առումով, բայց ամեն դեպքում, մենք պետք է ողջունենք այն քայլերը, որոնք այժմ արվում են խաղաղության հաստատման համար»,- ասել է Զասը։

ՀԱՊԿ-ն անհանգստացած է Հայաստանի և Ադրբեջանի սահմանին շարունակվող անկայունությամբ։ Այս մասին, ինչպես հայտնում է EADaily-ն, 2021 թվականի վերջին հայտարարել է դաշինքի գլխավոր քարտուղար Ստանիսլավ Զասը՝ խոսելով տարածաշրջանային հավաքական անվտանգության համակարգի պատասխանատվության ոլորտում առկա ռիսկերի և սպառնալիքների մասին։

Այս թեմայով Ի՞նչ եղավ Վանեցյանի գաղտնալսման գործը, ինչու՞ էր նա խոսում ՀԱՊԿ-ի և Խաչատուրովի մասին հեռախոսով ԵՄ-ում Հայաստանի դեսպան. ՀԱՊԿ-ը լքեց մեզ Մինսկն այսուհետ ռազմական օգնություն կցուցաբերի ՀԱՊԿ երկրներին. Բելառուսը նոր դոկտրին է հաստատել Այստեղ է՞լ է ՀԱՊԿ-ը մեղավոր. Զախարովա Եթե Հայաստանը որոշի դուրս գալ ՀԱՊԿ-ից, հարց է՝ ինչպես է նրա ներկայիս ղեկավարությունը գնահատում երկրի առջև ծառացած սպառնալիքները. Թասմաղամբետով Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Հայաստանի գործունեությունը կազմակերպությունում շարունակվում է. ՀԱՊԿ գլխավոր քարտուղար Դեռ ժամանակ կա, շատ բան կարող է փոխվել. ՀԱՊԿ գլխավոր քարտուղարը՝ գագաթնաժողովին Փաշինյանի մասնակցության մասին Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով Ակնկալում ենք Հայաստանի ղեկավարության քաղաքական սթափությունը. ՀԱՊԿ գլխավոր քարտուղար