«Պատկան մարմինների արարքը անմարդկային է. ռազմագերիներին օդանավից տանելն ու հարցաքննելը դատապարտելի է»

Մերժելի և դատապարտելի է, երբ հայրենիք վերադարձած ռազմագերիներին տանում են ոչ թե բուժհաստատություն, այլ Քննչական կոմիտե: Այս մասին ԼՈՒՐԵՐ.com-ի հետ զրույցում ասաց իրավապաշտպան, Հայաստանի առաջին ՄԻՊ Լարիսա Ալավերդյանը՝ անդրադառնալով Ադրբեջանի բանտից վերադարձած հայ զինվորների 8 ժամ ԱԱԾ-ում հարցաքննվելուն և նրանցից երկուսին ռազմական ոստիկանություն տեղափոխելուն (վերջիններիս ծառայությունը շարունակելու հարց լուծելու նպատակով):

Իրավապաշտպանը նշեց, որ տղաներին մինչ ՔԿ տանելը, անհրաժեշտ էր մանրակրկիտ զննել, ինչից հետո կանցնեին առաջնային վերականգնողական փուլ, որը կտևեր առնվազն 1-2 ամիս, այնուհետև նոր արդեն կարող էին մտածել նրանց հարցաքննելու մասին:

«Խոսք չունեմ անգամ բնութագրելու պատկան մարմինների արարքը, նրանք անմարդկային են վարվել: Ռազմագերիներին օդանավից տանելն ու հարցաքննելը դատապարտելի է, այն կարելի է բնութագրել արդեն իսկ դաժանությունների ենթարկված մարդկանց նկատմամբ բիրտ վերաբերմունք»,- նշեց Լարիսա Ալավերդյանը:

Վերջինս բացատրեց, թե ինչու ասաց դաժանությունների ենթարկված ռազմագերիներ. նրա խոսքով՝ որքան էլ նրանք նշում են, թե բռնության չեն ենթարկվել և նրանց լավ են վերաբերվել, բոլորն էլ գիտեն, թե իրականում ինչ կտտանքների են ենթարկվում նրանք ադրբեջանցիների կողմից. «Ցանկացածը, որը գերի կընկնի, կապ չունի, թե իր հետ ինչ ձև կվարվեն, ունի հուզականության բարձր աստիճան, քանի որ անորոշության մեջ է, չգիտի՝ իրեն ինչ է սպասվելու և թե դեռ որքան է մնալու անազատության մեջ. դեռ չենք խոսում ֆիզիկական վնասվածքների կամ արժանապատվության նվաստացման մասին: Մեր փորձը ցույց է տվել, որ շատ անգամ առերևույթ կարող է չերևալ, բայց անձինք, որոնք վերադառնում էին, ունեին ֆիզիկական բավականին ծանր վնասվածքներ, որոնք ծեծի հետևանքով չէին առաջացել, այլ այդ մարդկանց մարմնի վրա ուրիշ միջամտություններից»,- ասաց նա՝ ընդգծելով, որ պրակտիկան դրական վերաբերմունք է թելադրում գերիների հանդեպ:  

Անդրադառնալով հայ ռազմագերիների ծառայությունը շարունակելուն, իրավապաշտպանն ասաց. «Ինչպես են ասում՝ օրինակ փախստականներին չի թույլատրվում բնակեցնել սահմանամերձ գյուղերում, նույն ընդհանուր նորմն էլ վերաբերվում է գերությունից վերադարձած զինվորներին, նրանք, անգամ, եթե իրենց ցանկությամբ անցնում են ծառայության, պետք է չլինեն այն վայրերում, որտեղ ռիսկը շատ ավելի մեծ է»,- նշեց Լարիսա Ալավերդյանը:

Հիշեցնենք, որ փետրվարի 4-ին տեղի ունեցած հեռավար հանդիպման արդյունքներով՝ Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի միջնորդությամբ 8 հայ ռազմագերի վերադարձել էր հայրենիք։ Նրանց անուններն են՝

Զվարթ Պետրոսյան

Այս թեմայով Ռուսաստանն ու Ուկրաինան հերթական անգամ գերիներ են փոխանակել Բելգորոդում կործանված ինքնաթիռի 65 ուղևորները ուկրաինացի գերիներ էին, որոնց տանում էին փոխանակման «Հրապարակ». Ադրբեջանում դեռ տասնյակ գերիներ ունենք Իրավիճակը լարվեց․ «Ռեմբոյի տեղը չդնե՛ք ձեզ» «Չճվա՛ս վրես, կապիտան» (տեսանյութ) Գրանցվե՛ք, հանկարծ ուրիշ մարդ չմտնի․ ընտանիքի անդամներն այցելում են գերությունից վերադարձած տղաներին Լսիդ մեռնիմ, լսիդ. ռազմագերու հայրը համացանցում կադրեր է տեսել, որ տղան վերադառնում է (տեսանյութ) «Ի՞նչ է փոխվել, որ ադրբեջանական կողմը որոշել է չվերադարձնել Վիգեն Էուլջեքջյանին» Վերադարձած գերիների հարազատները հավաքվել են «Մուրացանի» հոսպիտալի մոտ․ ուղիղ Ադրբեջանն ազատ է արձակում 32 հայ զինծառայողների, Հայաստանը՝ 2 ադրբեջանցիների․ հայտարարություն Գերեվարված Գագիկ Ոսկանյանին դատարան չեն բերել․ ադրբեջանական ԶԼՄ