Կգամ և կշարունակեմ իմ առաքելությունը. կալանավորված Մանվել Փարամազյանն ուղերձ է հղել

Քաջարանի համայնքապետ Մանվել Փարամազյանը, որը կալանավորված է, փաստաբանների միջոցով ուղերձ է հղել:

«Ս/թ փետրվարի 7-ին՝ առանց հիմնավոր պատճառաբանության և հիմքերի՝ կրկին կալանավորվեցի։

Ամիսների իմ բացակայությունը համայնքում բազմաթիվ խնդիրներ էր ստեղծել, որը իմ վերադարձով կարողացա ընթացքի մեջ դնել և բազմաթիվ կիսատ մնացած ծրագրեր կյանքի կոչել։ Այս անսպասելի կալանավորումը կրկին այդ ծրագրերն ու համայնքում իրականացվելիք լայնածավալ աշխատանքների տեմպերին իր հարվածն հասցրեց։

Հարգելիներս՝ վստա՛հ եղեք, շուտով կվերադառնամ և այս անգամ արդեն իր տրամաբանական ավարտին կհասցնենք այդ բոլոր ծրագրերը և իրականություն կդարձնենք նորանոր ծրագրեր՝ ի շահ համայնքի զարգացման։

Կգամ և կշարունակեմ իմ առաքելությունը, որի մանդատը դուք եք տվել ինձ։ Այս ամենը ժամանակավոր խնդիրներ են, որոնք ցանկացած առաջնորդ պետք է պատվով կրի և պատվով էլ դուրս գա այդ փորձություններից։ Մեր համատեղ և միասնական աշխատանքի արդյունքում այս ամիսների բացթողումները հաղթահարելու ենք միասին և ճակատներս պարզ սերունդներին ենք թողնելու այնպիսի համայնք, որի մասին դեռ երկար կխոսվի մեր պատմության մեջ։ Եղեք միասնական և ուժեղ, քանզի այդ միասնությունը ավելի կամրապնդվի իմ ներկայությամբ, որը կլինի շատ շուտով։ Արդարությունը հիվանդանում է, բայց չի մահանում։

Սա ոգու փորձություն է և այս փորձությունն էլ պատվով կհաղթահարեմ և կշարունակեմ լծվել համայնքի զարգացման կարևոր խնդիրներին։

Առաջիկայում ձեզ կներկայացնեմ համայնքում իրականացվելիք բոլոր ծրագրերը քայլ առ քայլ։

Ուժ և եռանդ բոլորիդ ընտանիքներին՝ եղեք առողջ, միասնական և սպասեք իմ վերադարձին։

Հարգանքով և հպարտությամբ` Քաջարան համայնքի ձեր ղեկավար՝ Մանվել Փարամազյան»,-ասված է ուղերձում։

Այս թեմայով Սյունյաց անարատ հողում չարի սերմը բուն չի դնի. Մանվել Փարամազյան Քաջարանի համայնքապետ Մանվել Փարամազյանի կալանքը երկու ամսով երկարաձգվեց Մանվել Փարամազյանը կմնա կալանքի տակ Դատարանը մերժեց Մանվել Փարամազյանի պաշտպանների բողոքը Իմ հայրը քաղբանտարկյալ է. Քաջարանի ձերբակալված քաղաքապետի դուստրը դիմել է միջազգային հանրությանը Մենք մշտապես քո թիկունքն ենք պահելու, դու իմ ամենամեծ հերոսն ես. Քաջարանի համայնքապետի դստեր գրառումը Դատարանը հիմնավորել է՝ Մանվել Փարամազյանի մեղադրանքը ակնհայտ ապօրինի է. փաստաբան Քաջարանի համայնքապետ Մանվել Փարամազյանը կալանավորվեց Մանվել Փարամազյանին ձերբակալելու մասին արձանագրություն է կազմվել. պաշտպան Քաջարանի համայնքապետ Մանվել Փարամազյանը ՀՀ ԱԱԾ Քննչական դեպարտամենտում չի գտնվում. Վարոսյան