Կոչ ենք անում ՀՀ և ՌԴ բարձրագույն ղեկավարություններին՝ ճանաչել ԱՀ ինքնիշխանությունը

«5165 շարժման» հայտարարությունը Դոնեցկի և Լուգանսկի Հանրապետությունների ճանաչման նախադեպի առնչությամբ.

«Համաձայնություն հայտնելով Ռուսաստանի Դաշնության նախագահ Վլադիմիր Պուտինի այն գնահատականին, որ բոլշևիկները, և, մասնավորապես, նրանց առաջնորդ Լենինը խորհրդային պետության ստեղծման շրջանում խիստ բացասական դեր են խաղացել նախկին Ռուսական կայսրության ազգային հարցում, «5165 շարժումը» գտնում է, որ հայ ժողովուրդը մեծապես տուժել է այն քաղաքականությունից, որը ուղղված էր զուտ բոլշևիկյան ռեժիմի պահպանմանը և անտեսում էր ազգային հարցերի արդարացի լուծումը։ 1988թ․ մեկնարկած Արցախյան շարժումը բոլշևիզմի գործած աններելի սխալների հանդեպ արցախցիների արձագանքն էր ու այդ սխալներն ուղղելու տաժանակիր փորձը, և այն խնդիրները, որոնք Վլադիմիր Պուտինը մատնանշեց Դոնբասի առնչությամբ, էլ ավելի ակնառու են Արցախի հարցում։

Արցախն առաջինն էր ԽՍՀՄ-ի տարածքում, որ սկսեց պայքարել հետադիմական նացիոնալիզմի ու քսենոֆոբիայի դեմ։ Հայ ժողովրդի պատմական հայրենիքի առանձին տարածքներ, Հայաստանի առաջին Հանրապետության նախկին առանձին շրջաններ բոլշևիկյան ղեկավարության թեթև ձեռքով նվիրաբերվեցին Թուրքիային ու Ադրբեջանին։

Հայ ժողովրդի կենսական շահերը զոհաբերվեցին «համաշխարհային հեղափոխության» սին օրակարգին, ինչի դիմաց հայ ժողովուրդը վճարեց չափազանց թանկ գին․ նվիրաբերված տարածքները սկսեցին արագ հայաթափվել։ Եվ միայն 1988թ․-ին սկսված Արցախյան շարժման շնորհիվ էր, որ Ադրբեջանին նվիրաբերված այդ երկրամասի ամբողջական հայաթափումը կանխվեց։ 2020թ․ սեպտեմբերի 27-ին Արցախի դեմ սանձազերծած նոր պատերազմի արդյունքում Ադրբեջանը, Թուրքիայի գործուն ու մեծածավալ աջակցությամբ, ներգրավելով հազարավոր ջիհադիստ ահաբեկիչների, թույլ տալով մարդկության դեմ ուղղված աններելի հացագործություններ, փորձեց վերջնականապես հայաթափել Արցախը։ Ռուսաստանի խաղաղապահ ուժերի ներկայությունն է միայն այս պահին երաշխավորում Արցախի բնակչության ֆիզիկական անվտանգությունը։

 Ելնելով ստեղծված իրավիճակից և հաշվի առնելով Ադրբեջանի կողմից Արցախը վերջնականապես հայաթափելուն ուղղված ակնհայտ քայլերը՝ կոչ ենք անում Հայաստանի Հանրապետության և Ռուսաստանի Դաշնության բարձրագույն ղեկավարություններին՝ ճանաչել Արցախի Հանրապետության ինքնիշխանությունը և վերջինիս հետ կնքել ռազմական փոխօգնության պայմանագրեր, որոնք Արցախի բնակչության անվտանգության իրական երաշխիք կարող են հանդիսանալ»։

Այս թեմայով Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը Կոնգրեսական Մըքքլինթոքը Թուրքիային կոչ է արել ճանաչել Հայոց ցեղասպանությունը Արևմուտքը ցանկանում է՝ Հայաստանը կորցնի ինքնիշխանությունը. Զախարովա Հպարտությամբ կարող ենք փաստել, որ ի թիվս այլ կարևոր բաների Հայաստանի ատոմակայանը խորհրդանշում և ամրապնդում է մեր ինքնիշխանությունը. Վարչապետ Ադրբեջանն ու Վրաստանը միշտ պաշտպանել են միմյանց ինքնիշխանությունը. Ալիև Այդ նույն խմբերը փորձում են մեզ ներքաշել պատերազմի մեջ, որ հետո փրկության դիմեն՝ զոհելով ինքնիշխանությունը․ Միրզոյան Դատարանը անվավեր է ճանաչել Մհեր Մկրտչյանին թատրոնից հանելու որոշումը, սակայն պաշտոնում չի վերականգնել Եվրամիությունը ճանաչել է ՀՀ ինքնիշխան տարածքը․ մեր հարաբերությունները շատ ակտիվ են․ Փաշինյան Global Finance-ը ճանաչել է Ամերիաբանկի առաջատար դիրքը Հայաստանում կայուն ֆինանսավորման ոլորտում Հայաստանը պետք է կարողանա պաշտպանել իր ինքնիշխանությունը և իր բնակչությանը․ Ֆրանսիայի դեսպան