Այդ նույն խմբերը փորձում են մեզ ներքաշել պատերազմի մեջ, որ հետո փրկության դիմեն՝ զոհելով ինքնիշխանությունը․ Միրզոյան

Այսօր Ազգային ժողովում արտաքին հարաբերությունների մշտական հանձնաժողովի նիստի ավարտին ԱԳ նախարար Արարատ Միրզոյանը հանդես եկավ ամփոփիչ հայտարարությամբ։ Մասնավորապես, նա ասել է․

«Ես չէի ուզի դավադրաբանական դատողություններ անել և կապեր տեսնել, բայց, այնուամենայնիվ, չեմ կարող չարձանագրել, գոնե փաստի մակարդակով, որ որոշ մարդկանց դիրքորոշումները Հայաստանում, Ադրբեջանում և Ռուսաստանում զարմանալիորեն գրեթե իդենտիկ են։ Այն է՝ Հայաստանի Հանրապետությունը չունի սահմաններ, որոնք խախտելով կարելի է միջազգային իրավունք խախտել։ Հայաստանը պետք է թույլ տա երկրներին օգտագործել իր տրանսպորտային ենթակառուցվածքները այնպես, ինչպես իրենք են ուզում, այդ թվում՝ նաև երրորդ երկրների ուժեր տեղակայելով։

Այո՛, զարմանալիորեն և ցավոք սրտի այս հարցերում գրեթե բառացիորեն նույն դիրքորոշումը կիսում են որոշ մարդիկ։ Այդ նույն խմբերի մի մասը, գուցե չգիտակցելով, բայց ես վստահ եմ՝ մի մասը վստահաբար գիտակցելով, փորձում են այնպես զարգացնել նարատվիները և այնպիսի ուղղությամբ տանել իրադարձությունների զարգացումը, որ Հայաստանը ներքաշվի նոր կոնֆլիկտի, նոր պատերազմի մեջ, որը առիթ կտա այն երկրներին, որոնք դա պլանավորում են, շարունակել ՀՀ սուվերեն տարածքների օկուպացիան։

Ինչու չէ, նաև որոշակի հանգամանքների ճիշտ դասավորման դեպքում, դիմել ֆիզիկական փրկության՝ զոհելով օրինակ՝ ինքիշխանությունը։ Սրանք սցենարներ են, որոնց շուրջ մենք պարտավոր ենք խոսել, ջանքեր գործադրել, որ չիրականանան, այլ իրականանան այն սցենարները, որոնք մեզ անշեղորեն տանելու են խաղաղության և ժողովրդավարական ուղով զարգացման»,- նման դիտարկումներ արեց Միրզոյանն ու խոսքի ավարտին հավելեց․

«Այս առումով ես գիտակցում եմ, որ սա է ՀՀ ժողովրդի պատվերը, և ես շարունակելու եմ անշեղորեն կատարել դա։ Մնացածը, կարծում եմ, շատ մոտ ապագայում կարող են իրենց գտնել պատմության լուսանցքում»,- եզրափակեց ԱԳ նախարարը։

Այս թեմայով Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան Միրզոյանը և Սերբիայի ԱԳ նախարարը քննարկել են տարածաշրջանային հարցեր Ինձ հավաստիացրել են, որ սահմանազատումից հետո բնակիչների բոլոր իրավունքները երաշխավորելու ակտիվ աշխատանքներ են տարվում․ ՄԻՊ Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Ով փորձում է ջնջել պատմական մեր հիշողությունը, անիծյալ պիտի լինի նրա ու նրա ընտանիքի անունն ու հիշատակը հավիտենապես. Արշակ արքեպիսկոպոս Խաչատրյան Պահանջ ներկայացրեք Բաքվին, ասեք դուրս եկեք Ջերմուկից, Ջողազի ջրամբարից, հետո արեք դելիմիտացիա (տեսանյութ) Ռուբեն Վարդանյանի հացադուլից հետո Բաքուն որպես պատիժ թույլ չի տվել նրան խոսել հարազատների հետ Փաշինյանի հետ հանդիպումից հետո հասկացել ենք՝ վտանգ է ստեղծվում մեզ համար. Նոյեմբերյանի փոխքաղաքապետ (տեսանյութ) Մարտին ապրանքների բացթողումից հետո պակաս վճարված մաքսային վճարների ու տույժերի գումարը՝ 41․101 մլն դրամ է ՀՀ և Ադրբեջանի փորձագիտական խմբերը սկսել են կոորդինատների ճշտման գործընթացը