Ավստրալիան պատժամիջոցներ Է սահմանել ռուսաստանցի 33 գործարարների ու նրանց ընտանիքների նկատմամբ

Ավստրալիայի կառավարությունը հայտարարել Է Ռուսաստանից 33 ֆիզիկական անձանց նկատմամբ նոր պատժամիջոցներ սահմանելու մասին: «Ավստրալիայի կառավարությունն այսօր հայտարարում Է ռուսաստանցի 33 օլիգարխների, աչքի ընկնող գործարարների ու նրանց ընտանիքների ամենամերձավոր անդամների նկատմամբ նոր պատժամիջոցների մասին»,-ասվում Է Ավստրալիայի ԱԳՆ-ի ղեկավար Մարիս Փայնի հայտարարության մեջ, որը զետեղված Է երկրի արտաքին քաղաքական գերատեսչության կայքում:

Պատժամիջոցներ են սահմանվում ֆուտբոլի «Չելսի» ակումբի սեփականատեր Ռոման Աբրամովիչի, «Գազպրոմ» արդյունաբերա-ագրարային միավորման վարչության նախագահ Ալեքսեյ Միլլերի, «Ռոսիա» բանկի տնօրենների խորհրդի նախագահ Դմիտրի Լեբեդեւի, «Ռոստեխ»-ի վարչության նախագահ Սերգեյ Չեմեզովի, «Տրանսնեֆտ» արդյունաբերա-ագրարային միավորման վարչության նախագահ Նիկոլայ Տոկարեւի, Ռուսաստանի ուղղակի ներդրումների հիմնադրամի գլխավոր տնօրեն Կիրիլ Դմիտրիեւի եւ մի շարք այլ անձանց նկատմամբ: «Մենք շարունակելու ենք մեր գործողությունները սերտորեն համակարգել մեր գործընկերների հետ՝ Ռուսաստանին ստիպելու թանկ վճարել իր գործողությունների համար»,-ասվում Է հայտարարության մեջ:

Ավելի վաղ Ավստրալիան Ուկրաինայում Ռուսաստանի ռազմական գործողության համար արդեն պատժամիջոցներ սահմանել Էր ռուսաստանցի բարձրաստիճան քաղաքական գործիչների, պաշտոնյաների, այդ թվում՝ ՌԴ նախագահ Վլադիմիր Պուտինի, վարչապետ Միխայիլ Միշուստինի, ԱԳ նախարարության, Պաշտպանության նախարարության, ՆԳ նախարարության ղեկավարների եւ այլոց դեմ: Բացի այդ, Ավստրալիայի պատժամիջոցների փաթեթի մեջ տեղ Է գտել ՌԴ Կենտրոնական բանկի միջազգային պաշարների սառեցումը, հաղորդել Է «Ինտերֆաքս»-ը:

Այս թեմայով Բաքվում հարցումներ են արել. մարդկանց 96%-ը Երևանը համարում է իրենցը. սա է նրանց քաղաքականությունը (տեսանյութ) Ոստիկանության երեկվա գործողությունը լավագույնս ցույց է տալիս իշխանության վերաբերմունքը ԶԼՄ նկատմամբ. Տիգրան Աբրահամյան ԱՄՆ Ներկայացուցիչների պալատում Ադրբեջանի դեմ պատժամիջոցներ սահմանող օրինագիծ է ներկայացվել ԱՄՆ պետքարտուղարության տարեկան զեկույցում ներառվել է Լեւոն Քոչարյանի նկատմամբ ոստիկանների բռնության դեպքը Երևան-Սևան ավտոմայրուղու վրա պարեկները կանգնեցնում են բոլոր բեռնատար մեքենաներին` արգելելով նրանց մուտք գործել Երևան Մենք սգում ենք նրանց, ովքեր սպանվեցին Հայոց ցեղասպանության ժամանակ․ Սամանթա Փաուեր Եկեղեցու դեմ պայքարողները փոշի են դարձել, նրանց հոգեհանգստին հոգևորականները Կտակարան են կարդալու ԵՄ-ն Իրանի նկատմամբ նոր պատժամիջոցներ կսահմանի Ռուսաստանում սպանել են երկու ոստիկանի, հափշտակել նրանց զենքն ու դիմել փախուստի (լուսանկարներ) ԱՄՆ–ը պատժամիջոցներ է սահմանել Իսրայելի ֆիզիկական և իրավաբանական անձանց դեմ