Ներքին Հանդի պատմությունը ցույց է տալիս, թե ինչ աղետ է բերել թյուրքամետ իշխանությունը մեր հայրենիքի գլխին. Է. Էլբակյան

Նախընթաց օրերին առաջնային օրակարգ եկած Ներքին Հանդի պատմությունը հոյասքանչ կերպով ցույց է տալիս, թե ինչ աղետ է բերել ՀՀ դե-ֆակտո թյուրքամետ իշխանությունը մեր հայրենիքի գլխին։ Այս մասին Facebook-ի իր էջում գրել է քաղաքագետ Էդգար Էլբակյանը:

Նա, մասնավորապես, նշել է.

«• 1906 թ․-ին՝ հայ-թաթարական բախումների օրերին, Կապանից հարավ ընկած Շիշկերտ, Կեմանց, Ծավ, Հանդ, Շիկահող և Սրաշեն գյուղերը կտրված էին հայաբնակ վայրերից և շրջապատված թյուրք տարրով։

• Օգոստոսի 6-ին՝ Կովսականի և Կերենի թյուրքերը, միավորված Երասխ գետն անցած ատրպատականցի թյուրքերի հետ, մեծ ամբոխով պաշարում են Հանդ, Շիկահող և Սրաշեն գյուղերը։ Երկու օրվա արդյունավետ դիմադրության շնորհիվ թշնամին հետ է շպրտվում։ Հասկանալով, որ դժվար է միաժամանակ երեք գյուղի դեմ գրոհել՝ թշնամին համախումբ կերպով պաշարում է Հանդը՝ գողանալով 60 կով, հրկիզելով գյուղամերձ մարագները։ Կորյուն անվամբ մի քաջորդու ղեկավարած երիտասարդների խումբը, օգնության հասնելով հանդեցիներին, փրկում է գյուղը վերահաս ոչնչացումից։

• Հասկանալով, որ թշնամու հետ իր լեզվով պետք է խոսես, հայերը հակահարձակվում են՝ ոչնչացնելով թշնամական որջերից Մթնաձորը, Սանալուն և Քյոլլուն, որոնք բոլորը նախկինում հայաբնակ, իսկ ուշ միջնադարում բռնի հայաթափված և թյուրքերով լցված գյուղեր էին։

• 116-ամյա վաղեմության դեպքերից ո՞րը չի պատահում այսօր՝ կովերի առևանգո՞ւմը, մարագների (գյուղտեխնիկայի) թիրախավորումը, շրջափակման մեջ հայտնված Սյունիքի գյուղերը, Հայաստանի հարավ-արևելքի հանդեպ թյուրքական աշխարհի նկրտումնե՞րը, թե՞ ի վերջո հայաբնակությունից հետո նորից թշնամուն հանձնված Կերենը, Կովսականը և Քյոլլուն։ Դեռ ավելին՝ ի տարբերություն 116 տարի առաջվա՝ այսօր կորյուններ ու նիկոլդումաններ էլ չկան, որովհետև մեծ մասին կա՛մ ստույգ մահվան ուղարկեցին պատերազմի ժամանակ, կա՛մ դրանից հետո բանտարկեցին։

• Հայաստանի կոլաբորացիոնիստական վարչակարգը, որ իշխանությունը զավթել է մեր պետությունն ինքնիշխանությունից զրկելու դրդմամբ ու մղումով, մեզ հետ է գցել 1 հարյուրամյակ՝ ազգ-պետությունից դարձնելով «Հարավային Կովկասի հայ փոքրամասնություն»։ Առանց այս վարչակարգի հեռացման Հայաստանը որևէ ասպարեզում անգամ փոքրիկ զարգացման շանս չունի՛։

* դեպքերի քարտեզը՝ կից ակտիվ հղմամբ»։

Այս թեմայով Չեզոք գոտին վերածվում է ադրբեջանական տարածքի․ տավուշեցին ցույց է տալիս ՀՀ-ից թշնամուն հանձնվող հատվածները (տեսանյութ) Դիվանագետների համահայկական խորհրդի հայտարարությունը՝ ի աջակցություն «Տավուշը հանուն Հայրենիքի» շարժման Սույն անձն ունի 24 ժամ՝ իր կողմից տարածած ակնհայտ սուտ տեղեկատվության հերքման և զրպարտության համար ներողության հայցման համար Մեկնարկած սահմանազատումը ցույց է տալիս, որ մեզ միջնորդներ պետք չեն. Ալիև «2018-ին եկած իշխանությունը կորցրեց արագ ռեֆորմների հնարավորությունը». Հայկ Մարությանի նոր կուսակցության համագումարը Մենք պարտադրված պատերազմի մեջ ենք, Հայրենիքի ու պատվի կորստի առջև, պիտի պայքարենք․ Բագրատ Սրբազան Սա հանցագործության մասին հաղորդում է. իշխանությունը կամ թաքցնում է քարտեզները, կամ ոչնչացվել է (տեսանյութ) Նույնիսկ 2 տարեկան երեխային էդպես չեն խաբում, ոնց որ հիմա Կիրանցի ժողովրդին է խաբում իշխանությունը (տեսանյութ) Ինչպես կիրանցեցի Գագիկ Վարդանյանը զոհվեց Խրեմլուից արձակած կրակից. տիկին Ալվարդի պատմությունը (տեսանյութ) Արդիականացվել է մետրոյի «Երիտասարդական» կայարանի արտաքին և ներքին լուսավորության համակարգը (տեսանյութ)