Կհեռանամ, եթե չդառնանք բասկետբոլի Ա լիգայի չեմպիոն. Միքայել Պողոսյան

«Ուրարտու»-ի մարզիչը ասաց, որ մի քանի խաղ է, թիմը պարտվում է չնչին տարբերությամբ։ «Երկու խաղ անընդմեջ հավասար պայքար է ընթանում թիմերի միջև։ Հույս ունեմ հաջորդիվ սերիայի հաշիվը կդարձնենք 3:1»-շեշտեց Միքայել Պողոսյանը։

Միքայել Պողոսյանի խոսքով` թիմի չեմպիոն դառնալու մեջ մեծ է մարզչի դերը, և նա պատրաստ է հրաժարական տալ, եթե թիմը չհաղթի այս մրցաշրջանում։

Հայաստանի բասկետբոլի կանոնավոր առաջնության VBet Ա լիգայի եզրափակիչների շարքի առաջին խաղում միմյանց հետ մրցեցին «Էրեբունի»-ն և«Ուրարտու»-ն։Մինչ հանդիպումը թիմերի միջև կայացած խաղերի արդյունը 2-0 էր հօգուտ ` «Էրեբունի»-ի: Առաջին քառորդում ծավալվեց անզիջում պայքար, սակայն «Ուրարտու»-ն ստացավ մեկ միավորի առավելություն 19-20: Երկրորդ քառորդը անցավ փոխադարձ դիպուկ նետումներով, թիմերը մեծ ընդմիջման գնացին 41-40 հաշվով՝ ի օգուտ «Էրեբունի»-ի։ Երրորդ քառորդի վերջին րոպեներին «Ուրարտու»-ն կարողացավ 9 միավորի առավելություն ստանալ` 63-72: Եզրափակիչ հատվածում «Ուրարտու»-ն ձեռքից բաց թողեց ստացած առավելությունը և«Էրեբունի»-ն հաղթեց 99-96 հաշվով։

Խաղի ամենաարժեքավոր բասկետբոլիստ ճանաչվեց «Էրեբունի»-ից Օմեգա Հարիսը, ով վաստակեց 20 միավոր, զամբյուղից անդրադարձած գնդակին տիրեց 9 անգամ և կատարեց 16 արդյունավետ փոխանցում։

Հայաստանի բասկետբոլի առաջնության չեմպիոնը որոշվում է թիմերից մեկի 4 հաղթանակի դեպքում։ Այժմ «Էրեբունի»-ն առաջատարն է 3-0 հաշվով։