Իշխանություններին հեռացնելը միակ ելքն է իրավիճակից․ «5165 շարժում»

«5165 շարժումը» հայտարարություն է տարած Արցախում վերջին օրերին տեղի ունեցող իրադարձությունների առնչությամբ։ Հայտարարությունում ասվում է․

«Վերջին օրերին նոր թափ է ստացել Ադրբեջանի կողմից առաջխաղացումը Հայաստանի Հանրապետության ու Արցախի Հանրապետության բնակավայրերի ուղղությամբ։ Շաբաթներ տեւող հումանիտար ճգնաժամին, երբ Արցախի բնակչությանը զրկել են գազից եւ ջերմությունից, համարժեք պատասխանի բացակայությունը եւ միջազգային հանրության լռությունն ավելի է գրգռել Ադրբեջանի իշխանությունների ախորժակը, եւ մարտի 24-ին թշնամին ներխուժել է Արցախի Ասկերանի շրջանի Փառուխ գյուղ ու զբաղեցրել Քարագլուխ ռազմավարական բարձունքը։ Այսօր ունենք զոհեր եւ տասնյակ վիրավորներ։

Անկախ նրանից, թե Փառուխի անվտանգության ապահովման հարցում ռուս խաղաղապահներն ինչ են արել կամ ինչ չեն արել, անկախ նրանից միջազգային հանրությունն ինչպես է արձագանքել կամ չի արձագանքել, կարեւոր է հասկանալ, թե ինչ ենք անում մենք, ինչ են անում Հայաստանի և Արցախի իշխանությունները, ադրբեջանական ագրեսիան կասեցնելու եւ մեր սեփական անվտանգությունն ապահովելու համար։

Ինչպե՞ս կարող է կիսապատերազմական իրավիճակում գտնվող երկրի պաշտպանության նախարարը զբաղվել ՏԻՄ ընտրությունների նախընտրական քարոզարշավով։

Ի՞նչ բացատրություն ունի այն փաստը, որ ՀՀ զինված ուժերը մինչ այժմ Գլխավոր Շտաբի պետ չունեն։

Ինչու՞ ՀՀ-ից Արցախ զորակոչ այլևս տեղի չի ունենում։

Ինչու՞ պետության սուղ միջոցները մսխվում են չհիմնավորված անհրաժեշտության թանկարժեք գործուղումներում։

Ելնելով վերը նշվածից եւ բազմաթիվ այլ ակնհայտ իրողություններից, մեզ համար միանշանակ է, որ գործող իշխանությունները ցուցաբերում են կործանարար եւ անպատասխանատու քաղաքականություն, կանգնեցնելով Հայաստանն ու Արցախը աղետի առաջ։

Ստեղծված իրավիճակում մենք օրհասական անհրաժեշտություն ենք համարում երկրի իրավիճակով իրապես մտահոգ, հայոց անկախ պետականությանն ու ազգային արժեքներին հավատարիմ ուժերի համախմբում եւ պատասխանատվության ստանձնում։

Հ.Գ. Այս պահին 5165 շարժման ներկայացուցիչները գտնվում են Արցախում` տեղում ծանոթանալու իրավիճակին»։

Այս թեմայով Թշնամու երեկվա սադրանքը ՀՀ գործող ղեկավարության թողտվության և միտումնավոր անգործության հետևանքն է. «5165 շարժում» 5165-ը «կարմիր գծերի» ակցիա է իրականացնում Երևանի կենտրոնում՝ պահանջելով Փաշինյանի հրաժարականը 5165 շարժումն ապրիլի 19-ից Նիկոլ Փաշինյանի հեռացման պահանջով անժամկետ պայքար է սկսում 5165 շարժում. ապրիլի 19-ից սկսում ենք անդադար ռեժիմի գործողություններ (տեսանյութ) «Որևէ մեկը մանդատ չունի Արցախի ժողովրդի անունից ստորագրելու կամ որևէ հայտարարություն անելու, որը կկանխորոշի Արցախի մաս լինելը Ադրբեջանին» 5165 շարժումը պահանջագիր է հանձնելու ԱԺ՝ կապված Ադրբեջանի հետ խաղաղության պայմանագիր կնքելուն Փառուխի մերձակա դիրքերից հայկական զինուժի դուրսբերումը կատարվել է Արցախում դադարեցված գազամատակարարումը վերագործարկելու դիմաց պայմանավորվածության արդյունքում Կոչ ենք անում ՀՀ և ՌԴ բարձրագույն ղեկավարություններին՝ ճանաչել ԱՀ ինքնիշխանությունը «5165 շարժումը» դատական համակարգի ուշադրությունն է հրավիրում գործադիրին վեթինգի ենթարկելու հնարավորության վրա Նախագահը տեղյակ չէ ՀՀ-ի ու Ադրբեջանի միջև սահմանագծման ու սահմանազատման գործընթացի հիմքում ընկած քարտեզներից. «5165 շարժում»