Գնել Սանոսյանն ընդդիմադիր պատգամավորի հետ այցելել է Դիմիտրով համայնք

ՀՀ տարածքային կառավարման և ենթակառուցվածքների նախարար Գնել Սանոսյանը ԱԺ պատգամավոր Զեմֆիրա Միրզոևայի, Արարատի մարզպետի և Արտաշատ խոշորացված համայնքի ղեկավարի հետ այցելել է Դիմիտրով համայնք։

Նախարարը հանդիպել է համայնքի բնակիչների հետ, լսել նրանց խնդիրները, քննարկում է ծավալվել ազգային փոքրամասնության ներկայացուցիչներով բնակեցված համայանքի միավորման հարցի շուրջ։

Բնակիչներից շատերն ընդգծել են, որ թեև սկզբնական շրջանում դեմ են եղել միավորմանը, սակայն ներկայուս ականատես են լինում համայնքում իրականացվող բազմաթիվ սուբվենցիոն ծրագրերի, որը, չմիավորվելու պարագայում, բացառապես համայնքի բյուջեով, անհնար կլիներ իրականացնել։

2022 թ․ սուբվենցիոն ծրագրով նախատեսված է Դիմիտրովի մանկապարտեզի վերանորոգումը։ Ծրագրի ընդհանուր արժեքը 1,326 մլրդ դրամ է, որից ՀՀ պետական բյուջեի համաֆինասնավորման նախնական չափը՝ 928 մլն դրամ։

Սուբվենցիոն ծրագրով նախատեսված է նաև Դիմիտրով բնակավայրի ոռոգման ջրի համակարգի կառուցում։ Այս ծրագրի ընդհանուր արժեքն էլ 82 մլն դրամ է, որից ՀՀ պետական բյուջեի համաֆինասնավորման նախնական չափը՝ 49,2 մլն դրամ։

Նախարարն ընդգծել է, որ մշտապես առանձնահատուկ ուշադրության կենտրոնում են պահելու համայնքը, համայնքի խնդիրները։

Բնակիչների հետ հանդիպումից հետո նախարարը շրջայց է կատարել Դիմիտրովում, ծանոթացել է վերանորոգման ենթակա մանկապարտեզի շենքային պայմաններին։ Այցելել է նաև Դիմիտրովի հիմնական դպրոց։

Այս թեմայով Արարատ Միրզոյանն այցելել է Ծիծեռնակաբերդի հուշահամալիր Ընդդիմադիր պատգամավորներն այցելել են Կիրանցում ակցիա իրականացնողներին (տեսանյութ) «Լադանիվա» խմբի անդամներն այցելել են Ծիծեռնակաբերդի հուշահամալիր Գնդապետը ծանր վնասվածքներ ունի, բայց կյանքին վտանգ չի սպառնում․ Չալաբյանն այցելել է Միհրան Մախսուդյանին Անահիտ Մանասյանը ՄԻՊ աշխատակազմի հետ ապրիլի 24-ին այցելել է Ծիծեռնակաբերդի հուշահամալիր ՀՀ ՊՆ, ԶՈՒ և ԶՈՒ ԳՇ ղեկավար կազմը այցելել է Ծիծեռնակաբերդի հուշահամալիր (տեսանյութ) ԱՄՆ Սենատի արտաքին հարաբերությունների հանձնաժողովի ավագ փորձագետն ու ՀՀ-ում ԱՄՆ դեսպանն այցելել են Հայոց ցեղասպանության հուշահամալիր «Հանրապետական» կուսակցությունը այցելել է ազգային հերոս Թաթուլ Կրպեյանի շիրիմին ՈՒՂԻՂ. Ռեալիստների դաշինք․ նոր ընդդիմադիր քաղաքական ուժ է ստեղծվում ՀՀ ՊՆ N զորամաս են այցելել Երևանի պետական համալսարանի մի խումբ դասախոսներ