«Փաշինյան-Ալիև հանդիպման «արդյունքում» սահմանին կարող են բախումներ սկսվել»

Երկար դադարից հետո ընդդիմությունը որոշել է կրկին հանրահավաք կազմակերպել, որը այս պահին ողջունելի է: Այս մասին ԼՈՒՐԵՐ.com-ի հետ զրույցում ասաց քաղաքագետ Արթուր Ղազարյանը՝ անդրադառնալով ապրիլի 5-ին Ազատության հրապարակում ընդդիմության կողմից կայանալիք հանրահավաքին:

Ըստ նրա՝ հանրահավաքը, եթե ճիշտ կազմակերպված լինի, կկարողանա զսպողական նշանակություն ունենալ Ադրբեջանի կողմից սանձարձակ քայլերի. «Հայաստանի և Արցախի բնակչությունը ադրբեջանցիների կարծիքով կորցրել է դիմադրողականությունը, ուստի փողոց դուրս գալը նախևառաջ ֆիքսում է, որ համազգային դիմադրությունը ամենևին էլ չի կորել և երբեք չեն էլ կորցնի, երբ վտանգված է պետականության գոյությունը: Այս պայմաններում, բնականաբար, վաղվա հանրահավաքն իր ասելիքը պետք է ունենա, ինչպես նաև ցուցադրի, թե՛ իշխանություններին և թե՛ առավել ևս թշնամի երկրներին, որ այստեղ հայ ազգը քնած չէ և դիմադրողականությունը չի կորցրել»,- ընդգծեց նա:

Քաղաքական փորձագետը նշեց, որ այս փուլում ձևավորվել է մի պատկեր, թե Հայաստանը զիջողական քաղաքականության գիծ է բռնել, որն անթույլատրելի է. «Այդ գծի դիմացը պետք է առնել, քանի որ հարցականի տակ են դրվում Հայաստանի և Արցախի ազգային և պետական շահերը: Ընդդիմության կողմից պայքարի մի նոր սկիզբ պետք է դրվի, և հիմա հասունացել է փողոց դուրս գալու և իրենց մեթոդները կիրառելու պահը: Կարծում եմ՝ բնակչությունը, ով պատրաստ է վաղվա հանրահավաքին մասնակցել, ընդդիմությունից ակնկալելու է հստակ քաղաքական քայլերի հաջորդական պլանավորված մոտեցում»,- ասաց Արթուր Ղազարյանը՝ հավելելով, որ կարևոր է՝ ընդդիմությունը վաղվա հավաքին ներկայացնի, թե ինչ ծրագիր է որդեգրել և ինչ հաջորդականությամբ, այլապես որոշ զանգված կրկին խորը հիասթափություն է ապրելու, որը այս փուլում չպետք է լինի: 

Հետաքրքրվեցինք՝ ի՞նչի սպասել վաղվա հանրահավաքից, արդյո՞ք մարդկանց բազմությունը մեծ կլինի՞, քանի որ արդեն իսկ կան ընդդիմությունից հիասթափվածներ, մեր զրուցակիցը պատասխանեց.

«Ակնկալել, որ անմիջապես մի աննախադեպ թիվ է դուրս գալու փողոց, համամիտ չեմ, բայց, կարծում եմ՝ վաղը կրկին փողոց դուրս կգան ամիսներ առաջ Բաղրամյանում ընդդիմության կազմակերպած հավաքի մասնակիցները: Իսկ այդ հավաքի համազգային բնույթ ստանալը, կախված է, թե այդ օրը ընդդիմադիրների կողմից գործողությունների ինչ պլան կհնչեցվի»,- ասաց նա:

Անդրադառնալով ապրիլի 6-ին Բրյուսելում սպասվելիք Նիկոլ Փաշինյան-Ալիև հանդիպմանը՝ քաղաքագետն ասաց, որ այդ հանդիպումը ոչ այնքան բարիդրացիական է լինելու, քանի որ Ադրբեջանը այս ընթացքում պրովոկացիոն քայլերի է գնացել, իրեն սանձարձակ է պահել, անգամ ցրտաշունչ օրերին հումանիտար աղետի առաջ կանգնեցրել արցախցիներին  և զուգահեռաբար նաև անթույլատրելի քայլեր իրականացրել՝ գրավելով մեզ համար շատ կարևոր ռազմական նշանակություն ունեցող կետեր.

«Հանդիպմանը Փաշինյանը պետք է ավելի կոշտ նոտայով մոտեցում ցույց տա, այլապես Ադրբեջանի անթույլատրելի քայլերը կշարունակվեն. Ալիևին կոշտ պատասխանելու փուլն է հիմա: Չեմ բացառում, որ այդ բանակցությունների «արդյունքում» կարող են բախումներ սկսվել: Կարծում եմ՝ հանդիպմանը քննարկվելու է թշնամու կողմից ներկայացված 5 կետերը և մեր, այսպես ասած, պատասխանը, որը չեմ կարծում՝ ինչ-որ բան կտա:  Լուրջ ակնկալիքներ չունեմ ապրիլի 6-ին կայանալիք այդ հանդիպումից»,- նշեց քաղաքագետը՝ առավել կարևորելով վաղվա հանրահավաքը.  

«Թե հետագայում թշնամին իրեն ինչպես կդրսևորի, արդեն կախված է մեր վաղվա հանրահավաքից»,- ընդգծեց Արթուր Ղազարյանը:

Զվարթ Պետրոսյան

Այս թեմայով Ռուսական խաղաղապահ գրեթե ողջ զորակազմն արդեն լքել է ԼՂ-ն, մնացած մասը կլքի այն մինչև մայիսի վերջ Ղրղզստանի նախագահն ու Ալիևը կայցելեն օկուպացված Արցախ «Փոքր ազգ» ղեկավարող ՀՀՇ-ական ռեժիմը լավ հավեսով թաթախվում էր մեծ հավակնությունների մեջ, որոնք հակաթուրքական չէին, ընդհակառակը՝ պրոթուրքական էին. քաղաքագետ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը