ՀՀ նախկին և ներկա ղեկավարների՝ միմյանց դեմ հնչեցրած հանցագործության մասին հաղորդումները

Հեղափոխությունից հետո երկար ժամանակ Նիկոլ Փաշինյանը խոսելով, այսպես կոչված, նախկինների մասին՝  հրապարակավ մեղադրում էր վերջիններիս բոլոր հնարավոր և անհնարին մեղքերի մեջ: Հեղափոխությունից մի քանի տարի անց կարող ենք փաստել, որ փոխադարձ մեղադրանքների պակաս էլ չի նկատվել՝ ՀՀ բոլոր նախկին նախագահները մեկը մյուսի մասով հանցագործության մասին հաղորդումներ են ներկայացրել այս ընթացքում, որոնք սակայն, պատկան մարմինների կողմից անուշադրության են մատնվել և դրանց հետքերով այդպես էլ ոչ մեկ չի գնացել:

Սկսենք Նիկոլ Փաշինյանից՝ վարչապետը թիրախավորել է գրեթե բոլոր նախկին ղեկավարներին, անգամ՝ Լևոն Տեր-Պետրոսյանին, ում շատերը անվանում են Փաշինյանի քաղաքական կնքահայրը: Այսպես օրինակ՝ Փաշինյանը ակնարկել է, որ 1996-ի ընտրությունները կեղծած էին, հայտարարելով, որ 91-ից այն կողմ արդար ընտրություններ չենք ունեցել: Սա ընտրակեղծարարության մեջ բացահայտ մեղադրանք է՝ ուղղված ՀՀ առաջին նախագահին:  Բացի այդ` Լևոն Տեր Պետրոսյանին Փաշինյանը նաև մեղադրել է՝ իրեն հողերը հանձնելուն դրդելու մեջ, ըստ էության սահմանադրության, երկրի տարածքային ամբողջականության  խախտման դրդելուն:

Ռոբերտ Քոչարյանին Նիկոլ Փաշինյանը մեղադրել է բանակը թալանելու, սահմանադրական կարգը տապալելու մեջ և Թուրքիայի գործակալ լինելու մեջ:

Փաշինյանը չի շրջանցել, իհարկե, նաև Սերժ Սարգսյանին: Դեռ ընդդիմադիր Փաշինյանը Սերժ Սարգսյանին մեղադրում էր Հոկտեմբերի 27-ի համար:

Վարչապետ Փաշինյանը մեղադրում էր Սերժ Սարգսյանին և Ռոբերտ Քոչարյանին ապօրինի գաղտնալսում կազմակերպելու մեջ

Ինչպես նաև՝ ԳՇ պետի հետ համաձայնության գալու  և ռազմական հեղաշրջման փորձի մեջ

Սերժ Սարգսյանը պատասխանել էր Նիկոլ Փաշինյանին վերջինիս մեղադրելով զրպարտության մեջ

Սարգսյանը նաև Փաշինյանի հասցեին մեղադրանք է հնչեցրել՝ բանակը թալանելու մասով

Ինչպես նաև՝ ստախոսության և պետական դավաճանության մեջ

Ռոբերտ Քոչարյանը մեղադրում էր Նիկոլ Փաշինյանին զրպարտության մեջ

Այդքանով երկրորդ նախագահի մեղադրանքները չեն սահմանափակվում, նա նաև ակնարկել էր, որ Նիկոլ Փաշինյանը գործում է այլլ պետության շահերից ելնելով և հանդիսանում է գործակալ

Առաջին նախագահ Լևոն Տեր-Պետրոսյանը թեև ակտիվ քաղաքականությամբ չի զբաղվում, այնուամենայնիվ պարբերաբար մեղադրանքներ է ներկայացնում քաղաքական դաշտի այս կամ այն ակտորի՝ այդ թվում նաև վարչապետ Փաշինյանին:

Մասնավորապես՝ Լևոն Տեր-Պետրոսյանը Նիկոլ Փաշինյանին մեղադրում էր Արցախը ոտքով գլխով հանձնելու մեջ, ինչը, ըստ էության, պետական  դավաճանության մեղադրանք է: Բացի այդ` նա Փաշինյանին մեղադրում էր ընտրովի արդարադատություն իրականացնելու և Մարտի 1-ի բացահայտումը ջրելու մեջ:

Վերը նշված փոխադարձ մեղադրանքները ընդամենը խոսքեր չեն, դրանք բավական սուր հաղորդումներ են հանցագործության մասին, որոնք ՀՀ նախկին և ներկա ղեկավարները հղել են միմյանց հասցեին, սակայն, արի ու տես որ պատկան մարմինները ընթացք չեն տվել և չեն ուսումնասիրել ոչ գործող վարչապետի կողմից արված հանցագործության մասին հաղորդումները, ոչ էլ նախկին ղեկավարների կողմից արվածները: Թե ինչու՝ հարցը, իհարկե, շարունակում է բաց մնալ...:

Այս թեմայով Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան Փաշինյանը ողջ հանրապետությունով համերգներ է կազմակերպել Փաշինյանի գլխավորությամբ խորհրդակցություն է տեղի ունեցել կառավարությունում Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու 10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար Մի ժամանակ «իգնոռ» էին անում, հիմա թեթևակի խոսքից բռնում-տանում են, դա վախի հետևանք է. քաղտեխնոլոգ (տեսանյութ)