Վանաձորում պայմանագրային զինծառայողը Mercedes-ի միջից հայհոյանքներ է ուղղել պարեկների հասցեին. կիրառվել է հատուկ միջոց

Երեկ՝ մայիսի 18-ին, արտակարգ դեպք է տեղի ունեցել Լոռու մարզում: Ժամը 23:00-ի սահմաններում ՀՀ ոստիկանության պարեկային ծառայության Լոռու գումարտակի 1-ին վաշտի 1-ին դասակի պարեկ Արա Մ.-ն նույն գումարտակի ավագ պարեկ Ք. Ն.-ի հետ ծառայություն իրականացնելիս է եղել Վանաձոր քաղաքի Կարեն Դեմիրճյան փողոցի սկզբնամասում, երբ նրանց մոտով երթևեկող Mercedes մակնիշի ավտոմեքենայի միջից հայհոյանքներ են հնչեցրել պարեկների հասցեին:

Ինչպես հայտնում է Shamshyan.com-ը, վերջիններս իրավախախտի ինքնությունը պարզելու նպատակով կանգնեցրել են Mercedes-ը, որից իջել են 4 երիտասարդներ, որոնցից մեկը, մոտենալով իրեն, կրկին հայհոյանքներ է հնչեցրել պարեկների հասցեին, ապա ձեռքով հարվածել Արա Մ.-ի դեմքին:

Պարեկները մի քանի անգամ զգուշացրել են այդ քաղաքացուն, որպեսզի չշարունակի անհարգալից վերաբերմունք ցուցաբերել, սակայն նա ոչ միայն չի ենթարկվել օրինական պահանջներին, այլ շարունակել է նույն գործողությունները:

Պարեկները ստիպված են եղել նրան բերման ենթարկել, սակայն մյուս  3 անձինք սկսել են խոչընդոտել պարեկների օրինական գործողություններին:

Այլ ելք չունենալով, կիրառվել է հատուկ միջոց՝  ցողացրիչ և այդ երիտասարդի ձեռքին հագցրել են ձեռնաշղթա և նստեցրել ծառայողական Toyota Camry-ն, այնուհետև օգնության հասած մյուս պարեկները բոլորին բերման են ենթարկել  Վանաձոր քաղաքի Տարոնի բաժին:

 Գ. Շամշյանի տեղեկություններով՝ պարզվել է, որ  պարեկների օրինական պահանջին չենթարկվող, նրան նկատմամբ բռնի գործողություն գործադրողը  հանդիսանում է Ստեփանավան քաղաքի բնակիչ, 25-ամյա Գևորգ Պ.-ն:

Իսկ նրա հետ եղած 3 անձինք նույնպես Ստեփանավան քաղաքի բնակիչներ, 27-ամյա Սամվել Կ.-ն է, 24-ամյա Արամ Մ.-ն է և  28-ամյա Ալբերտ Թ.-ն է: Վերջիններս  այնուհետև բաց են թողնվել:

Ոստիկանության Տարոնի  բաժնում նախապատրաստված նյութերը փոխանցվել են Լոռու մարզի դատախազություն՝ ենթակայության հարցը որոշելու:

Գ. Շամշյանի տեղեկություններով՝ Գևորգ Պ.-ն ծառայում  է ՀՀ ՊՆ N զորամասում՝ որպես պայմանագրային զինծառայող:

Այս թեմայով Ողբերգական դեպք՝ Շիրակում․ վրաերթի ենթարկված 9-ամյա տղան մահացել է Արագածավանում Lexus-ը հայտնվել է դաշտում. ընտանիքի 4 անդամներ, այդ թվում՝ երեխաներ, հոսպիտալացվել են Սյունիքում 14-ամյա տղան սինդրիկ հավաքելիս վնասվել է և հոսպիտալացվել․ կասկածելի պայթյուն է եղել «Opel»-ը Գավառում վրաերթի է ենթարկել 11-ամյա դպրոցականի Երևան-Երասխ ճանապարհին մեքենան բախվել է ձիուն. վարորդը և ուղևորները հոսպիտալացվել են «Բելաջիո»-ի հարևանությամբ բախվել են «BMW X6»-ը, «Changan»-ը և «ՎԱԶ 2121»-ը. կա վիրավոր Սուրենավանում բախվել են մարդատար գնացքն ու «Mercedes»-ը․ պարեկները սահմանազատել են տարածքը Ճապոնիայում ջերմային հարվածով երեք մարդ հոսպիտալացվել է Խոշոր վթար՝ Կոտայքի մարզում. «Mercedes»-ը «Սևանի գաղութ»-ի մոտ մխրճվել է երկաթե արգելապատնեշների մեջ Վթար՝ Ջերմուկ-Գնդեվազ ավտոճանապարհին. կան տուժածներ