Արցախի դրոշը ծածանելու համար Ադրբեջանը բողոքագրեր է ուղարկել միջազգային սպորտային կազմակերպություններին

Ադրբեջանին, պարզվում է, դուր չի եկել, որ Երեւանում տեղի ունեցող բռնցքամարտի առաջնությանը ծածանվել է Արցախի դրոշը, ավելին՝ բողոքել են։

Արհեստածին Ադրբեջանի բռնցքամարտի ֆեդերացիան բողոքագրեր է ուղարկել Միջազգային օլիմպիական կոմիտեին, Բռնցքամարտի միջազգային ասոցիացիային, Բռնցքամարտի եվրոպական կոնֆեդերացիային և անդամ երկրներին՝ այն բանի համար, որ Երևանում բռնցքամարտի Եվրոպայի առաջնության բացման ժամանակ հայ երիտասարդները ծածանել են Արցախի դրոշը։ Այս մասին փոխանցում է  «Փաստինֆո»-ն։

«Մրցությունն անցկացնող երկիրը, առաջնության բացման արարողության ժամանակ սադրիչ գործողություն է թույլ տվել և որպես Ադրբեջանի դեմ Հայաստանի տարածքային պահանջ՝ ցուցադրվել է չճանաչված, հնարածին կառույցի դրոշը»,-ասված է վերոնշյալ սպորտային կազմակերպություններին հղված նամակում։

Հիշեցնենք, որ Երևանում անցկացվող բռնցքամարտի Եվրոպայի առաջնության բացման արարողությանը՝ կառավարության աշխատակազմի ղեկավար Արայիկ Հարությունյանի ելույթի ժամանակ մի քանի երիտասարդներ անսպասելիորեն հայտնվել են բեմահարթակում և պարզել Արցախի դրոշը։ Րոպեներ անց երիտասարդները հեռացել են հարթակից։

Այդ հայրենասեր երիտասարդների քայլն արդեն մի քանի օր է՝ ադրբեջանական տիրույթում վայնասուն է բարձրացրել։ Հիմա էլ նաև միջազգային կառույցներին են պաշտոնապես բողոքի նոտաներ հղում հարևան երկրից։ Ինչևէ, այս ամենը ևս մեկ անգամ փաստում է, թե ադրբեջանցիները որքան են սարսափած հայրենասեր հայերից և Արցախի հետ կապված ամեն ինչից։

Այս թեմայով Եվրոպացիները չեն մեռնի Դոնբասի համար․ Բորել Ինձ կալանավորում են հորս լռեցնելու համար, բայց դուխներդ չգցեք, շարունակեք մեր արդար պայքարը. Վահագն Մախսուդյան Եվրամիության հետ Հայաստանի ավելի սերտ հարաբերությունների հաստատումը սպառնալիք չէ Մոսկվայի համար. Տիգրան Բալայան Արցախի մեծ եռագույնը Հրապարակում. «Տանան հեռու խոխեք» նախաձեռնության ակցիան՝ ի աջակցություն Տավուշի «Դուք Ղեւոնդ Երիցեան ոգով նոր Աւարայր էք մղում հայրենիքի համար»․ Սեպուհ Սրբազանը՝ Բագրատ Սրբազանին Ոստիկանները բերման են ենթարկել կառավարության մոտ Արցախի դրոշով միայնակ ակցիա անող երիտասարդին (տեսանյութ) Նիկոլին հեռացնելու համար նախ պետք է ճշտել, թե ո՞վ է իրական ազգային ընդդիմադիրը․ Շարմազանով Հիմա ավելի մոտիվացված եմ Օլիմպիական խաղերի համար. Արթուր Դավթյան Աստղագուշակ ապրիլի 28-ի համար Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ)