«Ջհանգիրյանն ասաց` հո չե՞մ կարող դատավորին կարգադրել. գնացե´ք, եթե ձեր ասածը չանի, էլի կգաք»

Ջհանգիրյանն ասաց` հո չե՞մ կարող դատավորին կարգադրել. գնացե´ք, եթե ձեր ասածը չանի, էլի կգաք: Այս մասին այսօր՝ մայիսի 26-ին, ԲԴԽ-ից դուրս գալուց հետո լրագրողների հետ զրույցում ասաց Կարին Տոնոյանը:

Վերջինս նշեց, որ իրենք տուժող են ճանաչվել 308-րդ հոդվածով, որին դեմ են և պահանջում են, որ 299 հոդվածով քրեական գործ հարուցվի Նիկոլ Փաշինյանի դեմ, որպես առերևույթ հանցագործություն կատարած անձ, բայց իրենց գլխավոր պահանջն այն է, որ պետք է դատական նիստերը տեղի ունեն դռնբաց.

«Մենք արտահայտեցինք նաև մեր բողոքը գործող դատավորի նկատմամբ, որ նրա մոտ մենք տեսնում ենք բացահայտ բացասական վերաբերմունք զոհվածների ծնողների և առհասարակ դատի նկատմամբ: Ինքն ասաց, որ չի կարող ասել, որ դռնբաց անցկացրեք դատական նիստերը: Ասվեց, որ ոչ թե դուք պետք է դա ներկայացնեք, այլ պարոն Արծվիկ Մինասյանը որպես բողոքող կողմ և փաստաբանը: Երկուշաբթի նրանք կներկայացնեն այդ միջնորդությունը, որից հետո, եթե մեր պահանջը բավարարված չի լինի, կգաք, ձեզ նորից կլսեմ: Բնականաբար, ինքն ասաց՝ ես հո չե՞մ կարող ասել՝ դռնբաց անկացրեք նիստերը, բայց դուք գնացեք դիմեք, եթե չի բավարարվի, կգաք, մենք նորից կհանդիպենք:

Հույս ունեմ, որ այստեղ ենթատեքստ կար, որ, այնուամենայնիվ, հաշվի կառնվեն մեր պահանջները: Կարծում եմ՝ այսօրվա մեր գործողությունները կթողնեն  իրենց դրական հետևանքը և մենք երկուշաբթի կունենանք դրական արձագանք: Հակառակ դեպքում մենք նորից այստեղ կգանք և արդեն կստիպենք կամ կպահանջենք, որ կատարվի մեր պահանջը»,-ասաց Կարին Տոնոյանը:

Այս թեմայով Հայ մարդ, ոտքի՛ ել, տեր կանգնի՛ր քո երկրին․ Կարին Տոնոյան (տեսանյութ) Ադրբեջանն ընդդեմ Հայաստանի գործով լսումներ Հաագայի դատարանում. ՈՒՂԻՂ Անձամբ ՄԻՊ-ի հետ հանդիպում եմ պահանջում․ ինձ անհիմն և անօրինական են պահում կալանքի տակ․ Տոնոյան Առաջարկում եմ Փաշինյանին անձամբ «զննել» հրթիռները. Դավիթ Տոնոյան Ավազակություն՝ հոր և որդու կողմից. հոր վերաբերյալ վարույթը մեղադրական եզրակացությամբ ուղարկվել է դատարան, որդին ինքնասպան է եղել Մեքսիկան հայց կներկայացնի Միջազգային դատարան՝ դեսպանատան վրա հարձակման համար Դատարանի շենքի մոտ կատարված սպանության փորձի վերաբերյալ վարույթի նյութերն ուղարկվել են դատարան. 40-ամյա տղամարդը կալանավորված է 2023-ին ավելացել են կոռուպցիոն բնույթի հանցագործություններով դատարան ուղարկված վարույթների ու դրանցով անցնող մեղադրյալների թիվը․ ամփոփում Զինծառայող Ժորա Կարապետյանին անզգուշությամբ ինքնասպանության հասցնելու վարույթի նյութերը, երկու անձի մեղադրանքով, ուղարկվել են դատարան Կառավարության շենքի դիմաց կազմակերպված զանգվածային անկարգություններին մասնակցած անձանց վերաբերյալ գործը դատախազն ուղարկել է դատարան