Քաղավիացիայի կործանիչը. ինչպես Տաթևիկ Ռևազյանը տապալեց իրեն վստահված ոլորտը

2018 թվականից հետո, երբ ՔՊ-ական պաշտոնյաները ստանձնեցին այս կամ այն ոլորտների ղեկավարումը, հանրությանը խոստանում էին, որ այդ ոլորտները արձանագրելու են աննախադեպ աճ, իրականացվելու են նմանը չունեցող ռեֆորմներ: Չորս տարի անց կարող ենք հետ հայացք գցել տվյալ ոլորտներում առկա և այսօր ստեղծված իրավիճակի վրա՝ գնահատելով այն վնասը, որը հասցրել են հեղափոխական պաշտոնյաները:

Թերևս ամենատուժած ոլորտը դա քաղավիացիայի ոլորտն է, որը 2018 թվականի հուլիսից ղեկավարում է Տաթևիկ Ռևազյանը: Վերջինիս ներկայացրել էին ինչպես երիտասարդ, արտասահմանում կրթություն ստացած, պրոֆեսիոնալ կադր, ով կարճ ժամանակում ոտքի կկանգնեցնի ոլորտը: Իրականում՝ ոտքի կանգնեցնելու առանձնապես ոչինչ չկար, քանի որ քաղավիացիան թերևս այն եզակի ոլորտներից էր, որը Հայաստանում ամենակայացածն էր: Մինչ Տաթևիկ Ռևազյանը:

Վերջինիս ղեկավարումը ռեֆորմների փոխարեն բերեց սկանդալներ և ձախողումներ: Կադրերի համալրման փոխարեն, որի անհրաժեշտության մասին խոսում էր Ռևազյանը պաշտոնը ստանձնելիս, պաշտոնավարման ընթացքում ոլորտը հասցրեց այնպիսի վիճակի, որ զրկվեց գիտակ և փորձառու մասնագետներից:

Ռևազյանի տապալած կառավարման պատճառով 2020 թ. հայկական ավիաընկերությունները հայտնվեցին Եվրամիության «սև ցուցակում», ինչը նշանակում է, որ այդ ժամանակվանից մինչ օրս մեր ավիաընկերությունները չեն կարողանում թռիչքներ իրականացնել դեպի եվրոպական երկրներ: Ընդ որում, սկզբում հայկական ավիացիան սև ցուցակում չէր հայտնվել և Ռևազյանը այդ մասին ինքն էր հայտարարում: Ասել է թե՝ ժամանակ էին տվել բացերը շտկելու համար, ինչից հետո, ամսիներ անց, տեսնելով պատկան մարմինների անգործությունը, ներառել էին սև ցուցակում: Ռևազյանն ու նրա աշխատակիցները ֆեյսբուքյան էջերում կատարած ակտիվ գրառումներով փորձեցին իրենց մեղքը բարդել նախ ավիաընկերությունների վրա: Սակայն վերջիններիս ներկայացուցիչները հակադարձեցին՝ հիշեցնելով, որ ավիաընկերությունները թռիչքի իրավունքից զրկվել են Ռևազյանի ղեկավարած Կոմիտեի մեղքով, քանի որ վերջինս չի անցել աուդիտը:

Ռևազյանի խոստումներից մեկն էր լոուքոսթերների մուտքը հայկական շուկա և ավիատոմսերի էժանացումը, որը սակայն ՀՀ քաղաքացիները իրենց գրպանի վրա այդպես էլ չզգացին: Նոր լոուքոսթեր հայտնվելու դեպքում փակման վտանգի տակ կհայտնվեն այսօր՝ դեռ մի կերպ մրցակցությանը դիմացող տեղական մյուս ընկերությունները: Այս պայմաններում առնվազն զարմանալի է, թե ինչու են ավիացիոն իշխանությունները արտոնյալ պայմաններ նվիրում դրսի ավիաընկերություններին` անհավասար պայմաններ ստեղծելով տեղական ընկերությունների համար, որոնք օր օրի կանգնում են մեծ ռիսկերի առաջ

Տաթևիկ Ռևազյանը զլացել է ուսումնասիրել նաև կոռուպցիոն գործարքները իր կառույցում: Դիցուք՝ չի ուսումնասիրվել, թե ինչ եղավ հայկական ավիաընկերությունների հետ, ով վերացրեց, սնանկացրեց այդ ընկերությունները, ինչ նպատակով։ Եվ դա այն պարագայում, որ հայկական ավիաընկերությունը իր ցուցանիշներով տասնյակի մեջ էր։

Ռևազյանի հերթական սկանդալը կապված էր արդեն ոչ ավել ոչ պակաս հայկական Բոինգի անհետացման հետ: Հիշեցնենք, որ հայկական Բոինգը անհասկանալի և չպարզված հանգամանքներում նախ կորել էր, այնուհետև՝ հայտնվել Իրանում: Եվ քանի դեռ Հայաստանում փորձում էին պարզել, անմասն չմնաց ԱՄՆ-ն եւ հորդորեց այս հարցին առնչվող բոլոր կողմերին անհապաղ հստակեցնել ինքնաթիռի գտնվելու վայրն ու կարգավիճակը՝ հիշեցնելով, որ Միացյալ Նահանգների օրենսդրությամբ արգելվում է ամերիկյան արտադրության ինքնաթիռների ու ավիացիոն պահեստամասերի փոխանցումը կամ այլ կերպ դրանց տրամադրումը Իրանին։ Նմանօրինակ գործողություններում ներգրավված կառույցները կարող են հայտնվել ԱՄՆ պատժամիջոցների տիրույթում:

Կոմիտեի ղեկավարի «ձեռքբերումներից» էր այն, որ 2021 թվականի հոկտեմբերի 6-ից «Ադրբեջանական ավիաուղիները» սկսել է օգտագործել Հայաստանի օդային տարածքը Բաքվից Նախիջևան թռիչքների համար:

Ամիսներ առաջ ստորագրվեց Հայաստան-Եվրամիություն (ՀՀ-ԵՄ) Ընդհանուր ավիացիոն համաձայնագիրը։ Միայն թե, Տաթևիկ Ռևազյանը, փիառվելով այս նորության վրա, մոռացել է նշել, որ դրանք Հայաստանի համար առոչինչ են, քանի դեռ ՀՀ-ն գտնվում է Եվրոպայի ավիացիոն «սև ցուցակում»:

Վերը նշվածից կարող ենք փաստել, որ Քաղավիացիայի կոմիտեն ղեկավարելու չորս տարիների ընթացքում Տաթևիկ Ռևազյանը իր անլուրջ և չհաշվարկված քաղաքականության արդյունքում զգալի, տեղ-տեղ նաև անդառնալի վնասներ է հասցրել քաղավիացիայի՝ մինչ 2018-ը բավականաչափ կայացած ոլորտին...

Այս թեմայով Մի քանի ուշագրավ դրվագ Բլինքեն-Ալիև հեռախոսազրույցի վերաբերյալ. Տաթևիկ Հայրապետյան Տաթևիկ Սարգսյանը նշանակվել է էկոնոմիկայի նախարարի տեղակալ Տաթևիկ Ստեփանյանն ընդունել է «ՍՕՍ Մանկական Գյուղեր» Ֆրանսիայի միջազգային ծրագրերի տնօրենին Ադրբեջանին պետք է խաղաղություն՝ առանց հայերի․ Տաթևիկ Հայրապետյան Մինչ մենք ռուսամետ-եվրոպամետ ենք խաղում, Ադրբեջանը խորացնում է իր գործընկերային հարաբերությունները ԵՄ-ի հետ․ Տաթևիկ Հայրապետյան Դրա մասին ՀՀ կողմը համառորեն լռում է միջազգային ֆորումների ժամանակ․ Տաթևիկ Հայրապետյան Եվս մեկ մարդասպան հերոսացվում է Ադրբեջանում․ Տաթևիկ Հայրապետյան Ադրբեջանական մեդիա տիրույթում հիստերիա է․ Տաթևիկ Հայրապետյան «Ադրբեջանցի լրագրողը չգիտի, որ Հայաստանում որոշողը Փաշինյանը չի»․ Տաթևիկ Հայրապետյան Ադրբեջանը շարունակելու է «լրտեսներ» ու «թշնամիներ» փնտրել. ադրբեջանագետ