Վանեցյանն ազատվում է նախկինների «ուրվականից»

«Պատիվ ունեմ» խմբակցության ղեկավար, «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը քաղաքական առանձին պայքար է սկսում: Սակայն հարց է առաջանում՝ արդյոք ընդդիմադիր քաղաքական ուժերի առանձին հանդես գալը չի փոշիացնի ընդդիմության ձայները,  որոնք են Ա. Վանեցյանի որոշման դրդապատճառները: Այդ հարցերը պարզաբանելու նպատակով ԼՈՒՐԵՐ.com-ը զրուցեց  Արթուր Վանեցյանի տեղակալ Խաչիկ Գալստյանի հետ:

‹‹Չեմ կարծում, թե ընդդիմության ձայները կփոշիանան, ընդհակառակը՝ մենք մեր հռչակած նպատակներից չենք շեղվում, ունենք գերակա նպատակ՝ ունենալ ավելի անվտանգ Արցախ, հզոր Հայաստան և  կարճաժամկետ նպատակ՝ հեռացնել Նիկոլ Փաշինյանի վարչախումբը: 

Մենք երկու ամիս եղել ենք փողոցում, 24-ժամյա ռեժիմով մասնակցել  անհնազանդության ակցիաներին, սակայն այսօր ‹‹Դիմադրութուն›› շարժումը որոշել է իր մարտավարական փոփոխություններն իրականացնել, մենք՝ մերը››,-ասաց Գալստյանը:

Նա նշեց, որ  ՀՀ քաղաքացիներն ունեն նախասիրությունների լայն բազմազանություն, շատերը իշխանության կողմից ներարկված ‹‹նախկիններ-ներկաներ›› կեղծ թեզի ազդեցության տակ են և դրանով են արդարացնում իրենց  պասիվությունը:  

‹‹Ես կեղծ դիսկուրս եմ համարում ‹‹նախկիններ-ներկաներ››  թեզը,  բայց դրա ազդեցությունը  հասարակական  գիտակցության վրա,  ցավոք, մեծ է: Նախկինների ուրվականը, վախը  որոշներին նստեցրել է տանը. այս քաղաքական քայլերը նրա համար են, որ մեր քաղաքացիները ունենան  ընտրության լայն հնարավորություն  և կանգնեն այն մարդկանց կողքին, ում համակրում են››,-հավելեց Գալստյանը:

Խոսելով իրենց քաղաքական թիմի ուժեղ կողմերի մասին՝ նա նշեց, որ ունակ են առավելագույն  արդյունավետությամբ սպասարկել ՀՀ առջև կանգնած մարտահրավերները.

‹‹Արթուր Վանեցյանն իր  մասնագիտական կարողություններով,  միջազգային կապերով, փորձառությամբ լավագույնս կարող է ՀՀ առջև ծառացած անվտանգային հարցերի պատասխանը տալ:

Մեր թիմում շատ են նաև մտավորականները, որոնք նույնպես կարող են իրենց մտավոր ներուժը ծառայեցնել  Հայաստանի առջև ծառացած մարտահրավերներ››,-եզրափակեց Գալստյանը:

Սուսաննա Թամազյան

Այս թեմայով Տրանսպորտի ոլորտը չպետք է յոլա գնա, որ 10 տարի հետո չկանգնենք նախկինների օրոք եղած վիճակին ՀՀ-ում խայտառակ ձևով աճել են հանցագործությունները՝ ի տարբերություն ձեր «սիրած» նախկինների ժամանակվա Պաղատում եմ, եկե'ք չձևացնենք. 1-ին անգամ չէ, որ գումարի դիմաց մարդիկ ազատվում են ծառայությունից «Ժողովուրդ». Հաջորդը Գորիսի քաղաքապետն է. իշխանությունն ազատվում է ընդդիմադիրներից «Հրապարակ». Հեղափոխականները մնացել են նախկինների հույսին. Երեւանում կադրային ռակիրովկաներ են Փաշինյանի հենարանը նաև այն «ընդդիմադիրներն» են, որոնք նպատակային քար են նետում նախկինների բոստանը Նախկինների ու ներկաների մասին. Էդուարդ Շարմազանով (տեսանյութ) Չխուսափեք վճռական ու պատասխանատու որոշումներից. Վանեցյանն ուղերձ է հղել Արցախի նորընտիր նախագահին Հուսահատության գազելներից օգոստոսի 15-ից հետո ազատվում ենք, բայց անելիքներ դեռ շատ ունենք. Ավինյան «Ժողովուրդ». «Մայբախ»-ի տիրոջ կապերը նախկինների հետ. ինչ գործունեություն է ծավալել Վահե Պետրոսյանը