Քեմերոն Դիասը պատմել է, թե ինչպես է բռնվել թմրանյութերով լի ճամպրուկով

Քեմերոն Դիասը Second Life podcast-ին տված հարցազրույցում պատմել է, թե ինչ է պատահել իր հետ մինչ հայտնի դերասանուհի դառնալը։ Ապագա աստղին օդանավակայանում բռնել են թմրանյութերով լի ճամպրուկով։

Այդ ժամանակ նա Փարիզում անհաջող փորձեր էր անում մոդելային ասպարեզում, բայց աշխատանք չուներ։
«Մեկ տարի ապրել եմ Փարիզում և ոչ մի օր չեմ աշխատել։ Ես չկարողացա աշխատանք գտնել միայն գոյատևելու համար»,֊խոստովանել է Դիասը։

Գոնե չնչին գումար վաստակելու համար Քեմերոնը որոշել է կես դրույքով կասկածելի աշխատանք ստանձնել։ Նրան խնդրել են Մարոկկոյից մի ճամպրուկ տեղափոխել, որը հնարավոր չէր բացել: Սակայն, ինչպես պարզվել է օդանավակայանում ուղեբեռի ստուգման ժամանակ, ճամպրուկում թմրանյութ է եղել։

«Ես վստահ էի, որ իմ կոստյումներն են այնտեղ, և ինձ համար մեծ ցնցում էր, երբ օդանավակայանի աշխատակիցները բացեցին ճամպրուկը։ Ես մտածեցի. «Ի՞նչ դժոխք կա այս ճամպրուկի մեջ»: Ես շիկահեր, կապուտաչյա աղջիկ եմ՝ Մարոկկոյից ժամանած, իննսունական թվականներն են, ես պատռված ջինսե տաբատով և հարթ կոշիկներով եմ։ Դա իսկապես շատ վատ միտք էր»,֊ հիշում է դերասանուհին։

Դիասը հայտարարել է, որ դրանք իր իրերը չեն, և ինքը չի պատկերացնում, թե ումն է դա։ Քեմերոնը, սակայն, ոչ մի պատիժ չի ստացել:

«Դա իմ միակ աշխատանքն էր, որ երբևէ ունեցել եմ Փարիզում»,֊ասել է դերասանուհին:

Այս դեպքից անմիջապես հետո Քեմերոն Դիասը որոշել է փորձել իր ուժերը կինոյում և նկարահանվել է իր դեբյուտային «Դիմակը» ֆիլմում, թեև Աննա Նիկոլ Սմիթն էր սկզբանե ընտրված դերի համար։ Ինքը՝ Դիասը, վստահ չէր հաջողության վրա։  Այնուամենայնիվ, նա տպավորեց ռեժիսոր Չակ Ռասելին և ստացավ այն դերը, որը նրան հայտնի դարձրեց։

2014 թվականին Դիասը հայտարարեց դերասանական կարիերայից հեռանալու մասին, սակայն վերջերս պարզվեց, որ նա կվերադառնա Netflix-ի նոր՝ «Նորից գործի մեջ»  ֆիլմում:

Այս թեմայով Քեմերոն Դիասն ամուսնու հետ մասնակցել է Ադելի համերգին (լուսանարներ)