Մենք ականատեսն ենք նոր տիպի պետության ծնունդին. Տիգրան Սարգսյան

Ժամանակակից թվային դարաշրջանում  պետական  ինքնիշխանությունը ԵԱՏՄ անդամ երկրների կողմից կարող է պահպանվել երկու գործիքների կիրառմամբ՝ ինտեգրացիայի և թվային տրանսֆորմացիայի միջոցով: Ինչպես հայտնում է Եվրասիական զարգացման բանկի (ԵԶԲ) մամուլի ծառայությունը, այս մասին Կազանում ՌԴ Նախագահական ակադեմիայի կազմակերպած Միջազգային ամառային հավաքի ժամանակ նշել է ՀՀ նախկին վարչապետ, ԵԶԲ «Թվային նախաձեռնությունների հիմնադրամի» ղեկավար Տիգրան Սարգսյանը:

«Պետությունները կպաշտպանեն իրենց ինքնիշխանությունը թվային էկոհամակարգերի և թվային հարթակների օգտագործման միջոցով: Սա դառնալու է պետության կարևորագույն գործառույթը, որը նախկինում չկար», - ասել է Սարգսյանը:

Ըստ ՀՀ նախկին վարչապետի, առավել արդյունավետ կդառնան այն պետությունները, որոնք կներդնեն հարթակային լուծումներ կառավարման և որոշումների ընդունման մեջ, որոնք և կձևավորեն թվային էկոհամակարգեր: 

«Այս կերպ մենք ականատես ենք դառնում նոր բնույթի պետության ստեղծմանը», - հավելել է նա:
Սարգսյանի կարծիքով, նոր տեսակի պետությունների թվային ինքնիշխանության ապահովման համար, որոնց աստիճանաբար վերածվում են ԵԱՏՄ երկրները, անհրաժեշտ է ինտեգրացիա: Այս առումով ԵԱՏՄ-ն յուրօրինակ միավորում է, որտեղ հաշվի են առնվում անդամ պետությունների առանձնահատկությունները,  և որտեղ երկրներն ունեն որոշումների ընդունման համար հավասար հնարավորություններ:

«Այդ պատճառով ես պնդում եմ, որ թվային ինքնիշխանությունը հնարավոր է իրացնել միայն եվրասիական ինտեգրացիոն պրոյեկտի շրջանակում, իսկ ինտեգրացման սկզբունքները հնարավոր է տեղայնացնել ԵԱՏՄ-ում բացառապես թվային տրանսֆորմացիայի շնորհիվ: Այս  կերպ ես տեսնում եմ մեր երկրների առջև ծառացած գլոբալ մարտահրավերների լուծումները», - նշել է նա:

Այս թեմայով Որևէ արխիվային նյութ չի ոչնչացվել․ Կադաստրի կոմիտեն՝ Տիգրան Աբրահամյանին Սա պարզ կապիտուլիացիա է, Փաշինյանը սահմանազատում չի անում, մենք ուղղակի Տավուշից դուրս ենք գալիս (տեսանյութ) Եթե մենք հաշտ լինեինք Տավուշում կատարվող իրավիճակի հետ, կուսակցություն չէինք հիմնի, սա ինքնանպատակ չի (տեսանյութ) Մենք պարտադրված պատերազմի մեջ ենք, Հայրենիքի ու պատվի կորստի առջև, պիտի պայքարենք․ Բագրատ Սրբազան Աշխատող, արարող քաղաքացին իր երկրի հաջողության յուրատեսակ երաշխավորն է. Արմեն Սարգսյան Չենք հանձնում, մենք տալիս ենք այն, ինչը մերը չէ. ՔՊ-ական (տեսանյութ) Ի՞նչ էիք կարծում, որ գնաք Նիկոլի հետ հանդիպման հայրենասիրությունն ա արթնանալո՞ւ մեջը․ Տիգրան Վարդանյան Փոխվարչապետ Տիգրան Խաչատրյանն ընդունել է Ջեյմս Թուֆենկյանին Միրզոյան-Բայրամով բանակցություններում մենք, որպես միջնորդ, հանդես չենք գալու. Ղազախստանի ԱԳՆ Ինչի՞ եք լռում, ինչի՞ հիմա չեք ասում, որ պետք է պայքարել երկրի համար. Տիգրան Վարդանյանը՝ Մկոյին