Սպիտակ տունը Զելենսկուն չի վստահում․ NYT

Սպիտակ տունը Ուկրաինայի իշխանություններին, այդ թվում՝ Ուկրաինայի նախագահ Վոլոդիմիր Զելենսկուն վերաբերվում է ավելի անվստահությամբ և մտահոգությամբ, քան սովորաբար թվում է։ Դրանում համոզված է New York Times-ի սյունակագիր Թոմաս Ֆրիդմանը։

Ֆրիդմանը քննադատել է Ներկայացուցիչների պալատի խոսնակ Նենսի Փելոսիի այցը Թայվան՝ այն անվանելով «լիովին անխոհեմ»։ Հոդվածագիրը կարծում է, որ ամերիկացի քաղաքական գործիչը դրա համար ընտրել է «ամենավատ ժամանակը»։ Որպես փաստարկ՝ հեղինակը օրինակ է բերել Ուկրաինայի հակամարտությունը, որը, նրա կարծիքով, «այնքան թերի» է և «այնքան անկայուն»։

«Ուկրաինական պատերազմը չի ավարտվել։ Ամերիկացի պաշտոնյաները շատ ավելի անհանգստացած են Ուկրաինայի ղեկավարությամբ, քան դա հրապարակվում է: Սպիտակ տան և Ուկրաինայի նախագահ Վոլոդիմիր Զելենսկու միջև կա խորը անվստահություն, որը շատ ավելի մեծ է, քան հաղորդվում է։ Այդուհանդերձ, այս ամենի համատեքստում, մենք պատրաստվում ենք Չինաստանի հետ բախման վտանգի ենթարկվել Թայվանի պատճառով: Աշխարհաքաղաքականությունն այն է, որ չես կարող պատերազմել երկու ճակատով միաժամանակ երկու գերտերությունների հետ»,- գրել է նա։

Ինչ վերաբերում է ԱՄՆ պատվիրակության՝ Թայվան այցին, հոդվածագիրը պնդում է, որ ԱՄՆ-ի համար ոչ մի լավ բան չի սպասվում:

«Այս զուտ խորհրդանշական այցի արդյունքում՝ Թայվանն ավելի ապահով կամ բարեկեցիկ չի դառնա, շատ վատ բաներ կարող են լինել։ Չինաստանի հնարավոր ռազմական պատասխանը կարող է հանգեցնել նրան, որ ԱՄՆ-ը ներքաշվի անուղղակի հակամարտությունների մեջ՝ միջուկային Ռուսաստանի և միջուկային Չինաստանի հետ միաժամանակ»,- գրել է Ֆրիդմանը:

Այս թեմայով Խոստացան խաղաղություն՝ բերեցին պատերազմ. Արթուր Խաչատրյան (տեսանյութ) Թակ տղուս պատերազմ էի ուղարկել, ընկերներ եմ կորցրել, ու անիմա՞ստ, չի կարող տենց լինել (տեսանյութ) Եթե Իսրայելը մտնի Ռաֆահ, զենք չեմ մատակարարի. Բայդեն ԵՄ դեսպանները համաձայնել են ՌԴ-ի սառեցված ակտիվների միջոցներն օգտագործել Ուկրաինային օգնելու համար ԱՄՆ–ն պատրաստ է աջակցել Իսրայելին՝ չնայած տարաձայնություններին․ Բայդեն Զոհված հերոսի մոր կոչը հանրությանը Մոսկվան հետախուզում է հայտարարել Զելենսկու նկատմամբ Մեծ Բրիտանիան թույլ է տվել Կիևին իր զենքով հարվածներ հասցնել Ռուսաստանին Ողջունում եմ ՀՀ և Ադրբեջանի միջև սահմանների սահմանազատման մասին համաձայնագիրը․ Ուկրաինայի ԱԳ նախարար Մակրոնը երկու պայման է նշել ֆրանսիացի զինվորականներին Ուկրաինա ուղարկելու համար