Ցանկություն կա Աղասի Այվազյանին նվիրված արվեստի դպրոց-թանգարան հիմնել․ ականավոր գրողի այրին դիմել է խնդրանքով

Նախքան մեծագույն վարպետի՝ Աղասի Այվազյանի այրու՝ Գրետա Վերդիյանի խնդրանք-նախաձեռնությանն անդրադառնալը, արժե մեկ անգամ ևս հիշատակել, թե ով է երջանկահիշատակ Աղասի Այվազյանը։

Աղասի Այվազյան - հայ ականավոր արձակագիր, դրամատուրգ, հրապարակախոս, սցենարիստ, ռեժիսոր, խմբագիր և գեղանկարիչ, ՀԽՍՀ արվեստի վաստակավոր գործիչ (1982), ՀԽՍՀ պետական մրցանակի դափնեկիր (1975, «Եռանկյունի» կինոնկարի սցենարի համար), Դերենիկ Դեմիրճյանի անվան մրցանակի 1983 թվականի դափնեկիր («Եռանկյունին» գրքի համար), ԽՍՀՄ գրողների միության և ՀԳՄ անդամ։

Մեր նյութականացված օրերում մեծարանքի, մեծերի նկատմամբ պատշաճ վերաբերմունքի լուրջ խնդիր կա․ հասարակությունն ու պետությունը հատկապես մի տեսակ անտարբեր ու անհաղորդ են դարձել հոգևոր արժեքների, մշակութային երևույթների ու հայության դիմագիծը ներկայացնող անհատների հանդեպ։ Իսկ Աղասի Այվազյանը հաստատ այդ մեծության մակարդակի անհատականություն է, որի փառքի շառավիղն ընդգրկել է ոչ միայն Հայաստանը, այլև համամիութենական ու միջազգային շրջանակները։

ԼՈՒՐԵՐ․com-ի խմբագրություն էր զանգահարել մեծանուն հայի այրին՝ տիկին Գրետան, ով մեզ հետ զրույցում պատմեց իր կարևոր նախաձեռնության մասին։ Նա նշեց, որ մտադիր է Այվազյանի յուրատեսակ ու արժեքավոր նկարների վաճառք կազմակերպել, որից ստացած հասույթով տաղանդավոր մտավորականին նվիրված թանգարան է հիմնվելու։ Նկարների վաճառքի հարցով տիկին Գրետան ակնկալում է հայ մեկենասների, արվեստասեր հանրույթի աջակցությունը։ 

«Հայության համար դժվարին ժամանակներում մի այսպիսի խնդրանք ունեմ․ դիմում եմ հայ մեկենասներին, գործարարներին, արվեստասեր մարդկանց՝ Աղասի Այվազյանի ինքնատիպ ու արժեքավոր կտավորները գնելու խնդրանքով, դրանով նրանք կնպաստեն փետուրի և վրձնի հայ վարպետին նվիրված թանգարանային համալիրի ստեղծմանը»,-մանրամասնեց տիկին Գրետան։

Նրա խոսքով, բազմիցս դիմել է կառավարությանն ու պետական պաշտոնյաներին, բայց․․․ապարդյուն․ ոչ մի պատասխան չի ստացել։ 

«Որոշեցի նկարները վաճառել, որպեսզի գնեմ որևէ հաստատություն՝ թանգարանային համալիրի վերածելու նպատակով․ այն, ըստ էության, լինելու է լրացուցիչ կրթության դպրոց՝ արվեստի ճյուղերի խորացված ուսուցմամբ․ գրականություն, հրապարակախոսություն, կինո, թատրոն և այլն»,-մեզ հետ զրույցում ասաց Այվազյանի այրին։

Նրա խոսքով, կտավները շատ են, այս պահին ընտրված է լավագույն 100-ը, որոնք, ըստ տիկին Գրետայի, ընդհանուր առմամբ, կարժենան 550 հզր ԱՄՆ դոլար։

Արա Ալոյան

Այս թեմայով Ինչ է անում փաշինյանական խունտան Հայաստանի սահմանները թուլացնելու առումով․ Արմեն Այվազյան Ռուսաստանի հետ մեր հարաբերությունները խորը ճգնաժամ են ապրում․ ՀՀ ԱԳ նախկին նախարար Պատերազմին դիվանագիտական, քաղաքական միջոցներով այլընտրանք կա. Արա Այվազյան (տեսանյութ) Փաշինյանական խունտան փորձում է առանց մեկ կրակոց արձակելու զրկել Հայաստանը պաշտպանունակության հնարավորությունից․ Արմեն Այվազյան Փաշինյանը սխալվում է․ հայերը չեն ուրանա ու չեն ների․ Արմեն Այվազյան Ի՞նչ հետևանքներ կարող է ունենալ հայ ժողովրդի համար իր հինգհազարամյա հայրենիքից ուրացումը. Արմեն Այվազյան ՀՀ–ում տեղի է ունեցել պետական հեղաշրջում լեզվաքաղաքականության բնագավառում․ Արմեն Այվազյանն ահազանգում է Գրետա Թունբերգը ձերբակալվել է Հաագայում բողոքի ցույցի ժամանակ ՀՀ ԳԱԱ-ի վաղվա ընդհանուր ժողովի օրակարգում չկա 12․25․2023-ի լեզվաքաղաքական հեղաշրջման հարցը․ Արմեն Այվազյան (տեսանյութ) Կառավարությունը որոշել է, որ ՀՀ-ում գիտության լեզուն այլևս հայերենը չէ. քաղաքական ընդդիմություն ասելիք չունե՞ս. Արմեն Այվազյան