Կինն իր մահացած եղբոր հետ պարային փառատոնի գնալու միջոց է գտել

Մեծ Բրիտանիայում Սուոնսի քաղաքի բնակչուհին մահացած եղբոր հետ պարային փառատոնի գնալու միջոց է գտել։ Այս մասին հայտնում է The Mirror-ը։

26-ամյա Էշլի Ռոջերսի` Բեն անունով եղբայրը մահացել է ESCAPE-ի խոշոր փառատոնից մի քանի ամիս առաջ, որը նա պատրաստվում էր գնալ ընկերների հետ։ Կինը պատմել է, որ սկզբում ցանկացել է վաճառել իր տոմսը, բայց հետո որոշել է գնալ տոնակատարության՝ հարգելու նրա հիշատակը։ «Եվ հետո ես մտածեցի` «Եթե ես գնում եմ, ուրեմն նա էլ է ինձ հետ գալիս»: Դա պետք է լիներ նրա կյանքում առաջին փառատոնը, և նա պարզապես չէր կարող չգնալ», - բացատրել է կինը:

Բրիտանուհին ընկերություն է գտել, որը Բենի լուսանկարով ֆիգուր է սարքել, և նրա հետ եկել է փառատոնի։ Ռոջերսն ասել է, որ սկզբում մի փոքր շփոթվեց, երբ ընկերները տեսան կերպարը և ճանաչեցին Բենին, բայց հետո սկսեց հանգիստ բացատրել, թե ինչ է եղել, իսկ երբ հանդիպեց ընկերներին, անորոշության մնացորդներն անհետացան։

Ընկերները հիացած էին նրա գաղափարով և ցանկանում էին լուսանկարվել Բենի հետ: Բացի այդ, ըստ բրիտանացիների, ֆիգուրը գրավել է աղջիկների ուշադրությունը, իսկ փառատոնի ավարտին բազմաթիվ համբույրներից պատվել է շրթներկով։

«Բենը շատ շփվող էր: Նա հաճույք էր ստանում միջոցառումների գնալուց և մարդկանց հետ զրուցելուց։ Ես նույնիսկ չգիտեի, որ նա այդքան շատ ընկերներ ունի, բայց շատերը մոտեցան ինձ՝ նկարվելու համար։ Կարծես ես հայտնի մարդ լինեի», - ասել է կինը և հավելել, որ նույնիսկ լաց է եղել, երբ հասկացել է, թե որքան մարդ է ճանաչում Բենին:

Ավելի ուշ, սոցիալական ցանցերի որոշ օգտատերեր սկսել են գրել Ռոջերսին, որ նման կերպ նա անհարգալից վերաբերմունք է ցուցաբերել հանգուցյալի նկատմամբ: Միաժամանակ բրիտանուհին ասել է, որ դա արել է բացառապես իր եղբոր հիշատակին։ Կինը այժմ այդ ֆիգուրը պահում է տանը և խոսում է նրա հետ, կարծես Բենը ողջ է:

Այս թեմայով Բրիտանացին փորձել է լազերով կուրացնել ինքնաթիռի օդաչուներին ու հայտնվել է բանտում (տեսանյութ) ՌԴ ԱԳՆ-ն սպառնացել է Բրիտանիային Մեծ Բրիտանիայում գնահատել են Ռուսաստանի հետ պատերազմի հավանականությունը Մեծ Բրիտանիայում հրթիռը քիչ է մնացել սպանի պաշտպանության նախարարին․ ԶԼՄ Մեծ Բրիտանիայի թագավոր Չարլզ III-ի մոտ քաղցկեղ է ախտորոշվել Կինը սիրելիի հետ ճանապարհորդելիս հանդիպել է իր ապագա ամուսնուն Մեծ Բրիտանիայում հայհոյող թութակներին ուղարկել են վերադաստիարակման Չարլզ III-ը տեղափոխվել է հիվանդանոց Մեծ Բրիտանիայի գլխավոր շտաբի պետը կոչ է արել բնակիչներին նախապատրաստվել մեծ պատերազմի Բրիտանիան առաջին անգամ լազերային զենք է փորձարկել (տեսանյութ)