Ադրբեջանը զգաց, որ ՀԱՊԿ-ն չի կարող օգնել Հայաստանին, դրա համար էլ հարձակվեց․ արձագանք՝ Կիևից

Ադրբեջանի վերջին ռազմական սադրանքի հետևանքով երկուստեք զոհեր և վիրավորներ կան։ Հայկական կողմը այս պահի դրությամբ ունի 49 զոհ, այդ մասին այսօր՝ սեպտեմբերի 13-ին, ԱԺ-ում պատգամավորների հետ հանդիպմանը հայտնել է վարչապետ Նիկոլ Փաշինյանը։

Միջազգային հանրությունը խստորեն դատապարտել է Բաքվի հերթական ներխուժումը ՀՀ ինքնիշխան տարածք։ Հայաստանն իր հերթին դիմել է Ռուսաստանին, ՀԱՊԿ-ին և ՄԱԿ-ի ԱԽ-ին։ Պատերազմի ուղիղ պայմաններում ապրող Ուկրաինան ևս, ըստ էության, հանդես է գալիս խաղաղության ու հրադադարի հաստատման օգտին։

«Քանի որ Ուկրաինան այս պահին պատերազմի մեջ է, ապա մենք, անկասկած, կողմ ենք ցանկացած երկրների միջև ցանկացած հակամարտության խաղաղ կարգավորմանը»,-այս մասին ԼՈՒՐԵՐ.com-ին ասաց «Համաշխարհային քաղաքականության ինստիտուտ»-ի գործադիր տնօրեն, Ուկրաինայի ՊՆ հանրային խորհրդի նախկին անդամ Եվգենի Մագդան (Կիև, Ուկրաինա):

Նրա խոսքով, Հայաստանի և Ադրբեջանի միջև հակամարտությունն արդեն շարունակվում է 3 տասնամյակ և շոշափելի համաձայնության գալը բավականին բարդ է։

«Կարծում եմ, Ադրբեջանը զգաց, որ ՀԱՊԿ-ն չի կարող օգնել Հայաստանին։ Այդուհանդերձ, Բաքվի ռազմական ռեսուրսը անսահման չէ։ Մենք շարունակում ենք հետևել Հարավային Կովկասում՝ հայ-ադրբեջանական սահմանին շարունակվող էսկալացիային»,-նշեց մեր զրուցակիցը։

Նրա համոզմամբ, Հայաստանը պետք է դադարի պատրանքներ ունենալ, որ Ռուսաստանի կօգնի իրեն։ Դա կարող է կարևոր քայլ լինել՝ Հրվ․Կովկասում խաղաղության հաստատելու համար, ընդգծեց ուկրաինացի փորձագետը։

Արա Ալոյան

Այս թեմայով Ադրբեջանը, Ղազախստանը և Ուզբեկստանը միավորում են իրենց էներգահամակարգերը Սև բերետավորները դաժան ծեծի են ենթարկել Տավուշի համար պայքարող քաղաքացիներին (տեսանյութ) Ադրբեջանն այս պահին չի կարող պատերազմ սկսել. Վազգեն Մանուկյան (տեսանյութ) Սույն անձն ունի 24 ժամ՝ իր կողմից տարածած ակնհայտ սուտ տեղեկատվության հերքման և զրպարտության համար ներողության հայցման համար Մեծ է գայթակղությունը ասելու՝ պետք է աննահանջ լինենք և կռիվ տանք յուրաքանչյուր մետրի համար. Մարությանը՝ Տավուշի մասին Փաշինյանը որ հրաժարական տա, նոր էս գործը կբացվի. պատասխան պիտի տա երեխեքին սպանելու համար (տեսանյութ) Սոլովյովի հաղորդման մասին կարող ենք մոռանալ, շուտով դրա փոխարեն այլ ռուսական ծրագիր կլինի. ՀՌՀ Խաղաղության պայմանագրի կնքումից հետո որևէ մեկը չի կարող երաշխավորել, որ 100 տոկոսով ավելի լավ է լինելու. Հովհաննիսյան Ադրբեջանը պատրաստակամություն է հայտնել համագործակցելու Հայաստանի հետ Ոստիկանության համար սովորական է դարձել ԶԼՄ ներկայացուցչի վրա հարձակվելն ու բռնություն գործադրելը․ հայտարարություն