Ինչ սպասել կաթողիկոսի և նախկին նախագահների հանդիպումից

Սեպտեմբերի 22-ին Էջմիածնում Գարեգին Բ-ի հրավերով հանդիպում են ունեցել Հայաստանի նախկին երեք նախագահներ՝ Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արցախի նախկին նախագահներ՝ Արկադի Ղուկասյանը և Բակո Սահակյանը։ Հանդիպման ընթացքում, ըստ Մայր աթոռի փոխանցած տեղեկության, քննարկվել է Հայաստանում ստեղծված իրավիճակը։

ԼՈՒՐԵՐ.com-ի հետ զրույցում քաղաքագետ Բենիամին Մաթևոսյանը ասաց, որ նման հանդիպումը դրական է ընկալվում.

«Այն փաստը, որ երկրի նախկին նախագահները և կաթողիկոսը էս իրապես ծանր պահին կարողացել են մի կողմ դնել ինչ-որ քաղաքական և այլ հարցեր, զուտ դրական է էմոցիոնալ տեսանկյունից։ Ինչը վերաբերում է քաղաքական մասին, ապա պետք է սպասենք, տեսնենք։ Ներկայիս պահին միայն հայտնի է այն, որ էս հանդիպումները շարունակական բնույթ են կրելու։ Բայց թե ինչ եզրահանգման կգան, և ընդհանրապես ինստիտուցիոնալ տեսք կստանա, թե չէ, այսինքն ինչ-որ պայքարի ձև կլինի, թե չէ, ես ձեռնպահ կմնամ կարծիք հայտնելուց, որովհետև օբյեկտիվորեն գրեթե ոչինչ հայտնի չէ էս հանդիպումից»։

Նման օրհասական վիճակում, թե ինչու հանդիպմանը ներկա չէին ՀՀ ներկա վարչապն ու նախագահը, Մաթևոսյանը կարծիք հայտնեց, թե նման փորձ արդեն արվել է միավորվելու ընդդիմության կողմից, սակայն առաջարկը չի ընդունել իշխանությունը, ուստի, այս դեպքում ևս, հնարավոր է իշխանությունը չցանկանար միավորվել նախկին նախգահների և կաթողիկոսի հետ։

«Եթե մենք իրողությունները վերլուծենք գոնե ըստ էն ամենի, ինչ մենք հնարավորություն ունենք տեսնելու, մենք կտեսնենք հետևյալը․ շատ պարզ օրինակ եմ բերում․ Թուրքիան և Ադրբեջանը ստորագրել, վավերացրել էին հայտնի Շուշիի հռչակագիրը։ Էս վերջին իրադարձությունները ևս ցույց տվեցին, որ ռազմական վտանգը Ադրբեջանից առկա է։ Դեռ այն ժամանակ Հայաստանի խորհրդարանական ընդդիմությունը առաջարկ էր արել միավորվելու և դատապարտելու իրողությունները։

Բայց իշխանությունը քաղաքական կամք չդրսևորեց, և ելնելով իրենց քաղաքական հայացքներից առ այն, թե խաղաղության դարաշրջան պետք է կառուցենք, իրենք հրաժարվեցին համագործակցել ընդդիմության հետ։ Էս պարագայում ակնկալել, որ իրենց մոտ կարծիքի փոփոխություն տեղի կունենա, կամ իրենք ավելի սթափ կգնահատեն իրավիճակը, ես այդքան էլ հակված չեմ նման կարծիք ունենալուն»,-եզրափակեց Մաթևոսյանը։

Այս թեմայով Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ Փաշինյանի հետ հանդիպումից հետո հասկացել ենք՝ վտանգ է ստեղծվում մեզ համար. Նոյեմբերյանի փոխքաղաքապետ (տեսանյութ) Կիրանցի գյուղապետը Փաշինյանի հետ հանդիպումից հետո այլայլված էր, ասաց՝ մի բան էլ ավելին են տալու Փաշինյանի հետ հանդիպումից հետո Կիրանցի գյուղապետը հրաժարական է տալու ԶՈՒ գլխավոր շտաբի նախկին պետ Օնիկ Գասպարյանը Հակակոռուպցիոն դատարանում է․ Armlur Տեղի ունեցողը Հայաստանի՝ առաջին հերթին դիվանագիտության խոշոր պարտությունն է. Փաշինյանի նախկին խորհրդական «Հրապարակ». ՊԵԿ նախկին փոխնախագահը հրավիրվել է դատախազություն Նոր մանրամասներ՝ Փաշինյանի հետ հանդիպումից․ Սուրեն Պետրոսյան ՈՒՂԻՂ. Պայթեցնում են ՊՆ նախկին վարչական շենքը