Տեր-Պետրոսյանի և Ռուբեն Վարդանյանի «քննությունը»

Մի շարք ընդդիմադիր ուժեր առիթը բաց չեն թողնում հայտարարելու համար, որ Նիկոլ Փաշինյանի և ՔՊ-ի հետ ցանկացած համագործակցության իրենց սկզբունքայնորեն դեմ են: Խոսքը, մասնավորապես, վերաբերվում է ՀԱԿ և «Ապրելու երկիր» կուսակցություններին, որոնց ղեկավարները՝ Լևոն Տեր-Պետրոսյանը և Ռուբեն Վարդանյանը, իրենց դիրքավորում են ընդդիմադիր դաշտում:

ՏԻՄ ընտրություններից հետո ստեղծվել  է մի իրավիճակ, երբ վերը նշված քաղաքական ուժերը ունեն փայլուն հնարավորություն ապացուցելու հանրությանը, որ իսկապես հանդիսանում են ընդդիմադիր և չեն պատրաստվում այսպես ասած՝ քաղաքական խաղեր խաղալ ՔՊ -ի հետ:

Դիցուք՝ Սյունիքի մարզի Սիսիան եւ Լոռու մարզի Ալավերդի համայնքների ՏԻՄ ընտրություններում գրանցած արդյունքներն իշխող «Քաղաքացիական պայմանագիր» խմբակցության համար անակնկալ են եղել: Վերջիններս մինչեւ վերջ համոզված են եղել, որ չնայած ամեն ինչին՝ իրենց հաջողվելու է այդ համայնքներում առավելություն ունենալ. շատ օրենսդիրներ անձամբ էին քարոզարշավ անում: Իհարկե, Սիսիանում ՔՊ-ն առավելություն ունի, սակայն միանձնյա՝ քաղաքի կառավարումը ստանձնելու համար ոչ բավարար թվով է ձայներ ստացել: Ուշագրավ է սակայն, որ մյուս թեկնածուն` ՔՊ-ական պատգամավոր Կարեն Համբարձումյանի կնոջ քրոջ ամուսնու՝ բաջանաղի եղբայրն է՝ Արա Զաքարյանը: Վերջինս առաջադրվել էր «Ապրելու երկիր» կուսակցության ցուցակով եւ գրավել երրորդ հորիզոնականը: Այստեղ ՔՊ-ն որեւէ ուժի հետ պետք է դաշինք կազմի՝ քաղաքի կառավարումը ստանձնելու համար: 

 Բացի այդ, մինչև այժմ, օրինակ, պարզ չէ, թե ով է լինելու Ալավերդի խոշորացված համայնքի ղեկավարը: Ասյտեղ իշխող «Քաղաքացիական պայմանագիր»-ը ստացել է 13 մանդատ, «Ապրելու երկիր»՝ 13, ՀԱԿ-ը՝ 1: Վճռորոշ ձայնը ՀԱԿ-ն է ասելու՝ որոշելու, թե ում հետ է միավորվում ու ում հետ է կոալիցիա կազմում: Մինչև այս պահը դեռ հստակ չէ, թե ի վերջո ինչ որոշում կկայացնի ՀԱԿ-ը, թե ով պիտի ստանձնի Ալավերդի քաղաքի կառավարումը: Նշենք սակայն, որ օրեր առաջ թե՛ ՔՊ-ի, թե՛ ԱԵ-ի թեկնածուները Facebook-ի իերնց էջերում գրառումներ են կատարել՝ ասես հուսալով, որ ՀԱԿ-ը հենց իրենց է քվեարկելու:

Ի՞նչ որոշում կկայացնեն երկու ընդդիմադիր ուժերը՝ կօժանդակեն ՔՊ-ին՝ դա հանրությանը հրամցնելով համայնքների կառավարումը կոլապսի չենթարկելու ցանկությամբ, թե, ամեն դեպքում, սկզբունքային կգտնվեն և կապացուցեն իրենց ընդդիմադիր լինելը՝ արդեն գործնականում...

Այս թեմայով Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան Փաշինյանը ողջ հանրապետությունով համերգներ է կազմակերպել Մա՛մ, պապան գնացել ա, որ մեր տունը պաշտպանի՞. Սուրեն Պետրոսյանի կինը՝ երեխաների հարցերի մասին (տեսանյութ) Փաշինյանի գլխավորությամբ խորհրդակցություն է տեղի ունեցել կառավարությունում Դա չի խանգարելու ո՛չ մեր պայքարին, ո՛չ վճռականությանը․ Սուրեն Պետրոսյանն՝ իր ձերբակալության մասին (տեսանյութ) Սուրեն Պետրոսյանն ազատ արձակվեց (տեսանյութ) Միջազգային ճնշումը պետք է շարունակվի. Դավիթ Վարդանյանը France 24-ի եթերում խոսել է Ռուբեն Վարդանյանի հացադուլի մասին Լևոն Տեր-Պետրոսյանը դուրս է գրվել հիվանդանոցից