Թշնամին այսպիսի ստոր և վայրագ տեսանյութերով նպատակ է դրել մեզ վերջնականապես ահաբեկելու, մեր դիմադրական ոգին կոտրելու․ իրավագետ

Ադրբեջանը շարունակում է ռազմական հանցագործություններ կատարել հայ զինծառայողների նկատմամբ․ դրա հերթական վկայությունը համացանցում շրջանառվող տեսանյութն է, երբ ադրբեջանցի զինվորները կրակում և դաժանաբար սպանում են հայ ռազմագերիներին։  Ճիշտ է, միջազգային համայնքի որոշ ազդեցիկ դեմքեր դատապարտեցին տեղի ունեցածը, սակայն, մեծ հաշվով, համարժեք իրավական գնահատական այդպես էլ չտրվեց, ինչի պայմաններում է հենց թշնամին գործում իր բարբարոսությունները։

«Մեր հիմնական մոլորությունն այն է, որ մենք միջազգային հանրությունից թեթևամտորեն ակնկալում ենք գործնական քայլեր, այն պարագայում, երբ մենք որևէ ջանք չենք գործադրում մեր դեմ ուղղված վայրագությունները կանխելու»։

Այս մասին ԼՈՒՐԵՐ․com-ի հետ զրույցում ընդգծեց իրավագիտության թեկնածու, «Ժողովրդավարական համախմբում» կուսակցության գաղափարական հանձնաժողովի պատասխանատու Վահե Թորոսյանը։ Նա հռետորոկան հարց հղեց՝ իսկ ո՞ր միջազգային ատյանները պատասխանատվության ենթարկեցին Ադրբեջանին պատերազմական հանցագործությունների ժամանակ․

«Ամբողջ 44-օրյա պատերազմի ընթացում անողոքաբար «բռնաբարվեց» միջազգային իրավունքը։ Եվ ի՞նչ։ Մեր դեմ կիրառեցին միջազգային  հումանիտար իրավունքով արգելված զինատեսակներ, ֆոսֆորային ռումբեր, մասնատեցին մեր գերևարված  զավակների մարմինները, նրանց մի մասը այսօր Բաքվում դատապարտվում է ազատազրկման։ Ո՞ւր է միջազգային հանրությունը»։

Թորոսյանի պնդմամբ, խնդիրը մեր մեջ է․

«Մեր զինվորների գնդակահարության և սպանդի ողջ պատասխանատվությունը գործող իշխանության տիրույթում է։ Երկու տարի շարունակ փոխանակ բնագծեր կառուցելու, բանակի մարտունակությունը բարձրացնելու՝ լալահառաչ խոսում էին խաղաղության դարաշրջանի մասին։ Ահա՝սա է հետևանքը»։

Մեր զրուցակիցը հավելեց նաև՝ այն, որ չկա խաղաղություն և թշնամին այսպիսի ստոր և վայրագ տեսանյութերով նպատակ է դրել մեզ վերջնականապես ահաբեկելու, մեր դիմադրական ոգին կոտրելու՝ դա աներկբա իրողություն է։

Արա Ալոյան

Այս թեմայով «Հրապարակ». «Տարածվել ա, կարդացվել ա, բավարար ա, էլի». ո՞ւմ հորդորով են «զադնի դրել» Թշնամին Փաշինյանն է, ամեն ժամ ստորացնում է մեր ժողովրդին, փող էլ է ստացել հաստատ. սևանցի (տեսանյութ) Թշնամին տասնամյակների իր երազանքն իրականացնելու «հնարավորություն» է տեսել. «Փաստ» Պետք է հեռանա Փաշինյանը, չի կարող լինել այսպիսի իշխանություն. Տավուշի թեմի առաջնորդ «Առաջընթացն էական է, քանի որ ունի ամուր լեգիտիմ հիմքեր»․ Արսեն Թորոսյան Տոնացույցում Հարկ վճարողի օր ունենալը նպատակ ունի արժևորել կարևոր ռազմավարական առաքելությունը 2 կոպեկ են առնում, խանութը հոր գներն ա դրել վրեն, մարդիկ առևտրով տուն են պահում, բա ո՞նց ապրեն Փաշինյանի Տավուշ կատարած վերջին այցը նպատակ ուներ «սրբագրել» Ոսկեպար կատարած նախորդ այցի սխալները. Աբրահամյան Փաշինյանի հետ համաձայն չեմ, Ադրբեջանը դիրքեր է դրել Բերքաբերի մոտ, բայց մեր ազգից հիասթափվել Ցեղասպանության զոհերի անվանացանկի թեման պատմականորեն եղել է թուրքական քաղաքականության ուղեգիծը. Էդգար Էլբակյան