Պետք է վաղուց անցկացվեին թե՛ տղամարդկանց, թե՛ կանանց համար․ Արծրուն Հովհաննիսյանը՝ 25-օրյա վարժական հավաքների մասին

Ինչպես հայտնի է, երեկ ՀՀ պաշտպանության նախարար Սուրեն Պապիկյանը կառավարության նիստում հայտարարեց, որ հրաժարվում են պահեստազորայինների եռամսյա վարժական հավաքներից՝ դրանք դարձնելով 25-օրյա՝ բոլոր զինապարտների համար պարտադիր։ 

Թեման շարունակում է լայնորեն քննարկվել ինչպես հանրության, այնպես էլ՝ ռազմական փորձագետների շրջանում։ Ինչո՞վ է պայմանավորված ՊՆ-ի այս նախաձեռնությունը, որքանո՞վ արդյունավետ կլինի դրա կիրառումը՝ հատկապես Հայաստանի պես անվտանգային խնդիրներ ունեցող երկրի պայմաններում։

«Այդ ժամկետները բացառապես ռազմագիտական հաշվարկների արդյունք պիտի լինեն․ բանակի առջև ծառացած խնդիրների, պատերազմից բնույթից բնորոշ գնահատականների վրա դա փաստաթղթերով կանոնակարգվում է»,-ԼՈՒՐԵՐ․сom-ի հետ զրույցում նշեց ռազմական փորձագետ Արծրուն Հովհաննիսյանը։

Նա համոզմունք հայտնեց, որ ՀՀ ԶՈՒ Գլխավոր Շտաբում այս հաշվարկները հստակ կատարել են և հավելեց․

«Սկզբունքորեն վատ բան չեմ տեսնում, որ մենք բավականին լավ փորձ ձեռք բերեցինք եռամսյա հավաքների ընթացքում՝ վերջին 2-3 տարիներին։ Իսկ որ անցում է կատարվում 25-օրյա վարժական հավաքների, այն էլ՝ բոլոր զինապարտ քաղաքացիների համար պարտադիր հիմունքով, դա իմ պես զինվորականների համար վաղեմի երազանք է: Դա պետք է վաղուց անցկացվեր թե՛ արական, թե՛ իգական սեռի համար, որը, ցավոք, չէր անցկացվում»։

Մեր այն հարցին, թե միջազգային պրակտիկայում կա արդյոք մեկ այլ երկիր, որտեղ համանման հավաքներ են անցկացվում և որի շնորհիվ տվյալ պետության զինուժն ու զինվորական պոտենցիալը առավել մարտունակ են դարձել, ռազմական փորձագետն ասաց․

«Համաշխարհային պրակտիկա կա ու շատ լավ օրինակներ կան, բայց զուտ վերցնել ու արտատպել դա՝ չի կարելի։ Յուրաքանչյուր երկիր ունի իր մարտահրավերները, դրանցից բխող լուծումներն ու քայլերը։ Շվեյցիարիայում, օրինակ, նույն բանն է՝ հավաքների իմաստով մոտավորապես նույն ժամկետներն են, բայց ասել, որ մենք վերցնում ենք շվեյցարական մոդելը, այնքան էլ ճիշտ չէ, որովհետև շվեյցարական մոդելը կանոնավոր, մշտական պատրաստության բանակ չունի»։

Հովհաննիսյանի բնորոշմամբ՝ եռամսյա կամ 25-օրյա վարժական հավաքները բանակի մարտունակության կարևոր բաղադրիչներից մեկն են։

Արա Ալոյան

Այս թեմայով Վարժական հավաքների մասնակիցների պարապմունքները. ՊՆ-ն տեսանյութ է ներկայացրել Կփոխհատուցվեն 44-օրյա պատերազմում վիրավորում ստացած զինհաշմանդամի՝ Հունաստանում բուժման և կեցության ծախսերը Վարժական հավաքների շրջանակներում քաղաքացու դե-յուրե ծանուցված լինելը կլինի անխուսափելի․ վարչապետ Վարժական հավաքների շրջանակներում քաղաքացին կծանուցվի նաև azdarar.am կայքի միջոցով «Հրապարակ». Ինչու են ձգձգում 44-օրյա պատերազմի հանգամանքները քննող ԱԺ հանձնաժողովի զեկույցը Սիրո՞ւմ ես հայրենիքդ՝ մասնակցի՛ր 25-օրյա հավաքներին․ Նիկոլ Փաշինյան (տեսանյութ) Դժբախտ պատահարի զոհ է դարձել ապրիլյան քառօրյա, Արցախյան 44-օրյա և 2023 թվականի սեպտեմբերի 19-ի պատերազմների մասնակիցը Ապրիլի 15-ից հուլիսի 15-ը Հայաստանում կհայտարարվեն վարժական հավաքներ «Ժողովուրդ». Կխստացվի 25-օրյա վարժական հավաքներից խուսափածների համար նախատեսված պատիժը Տիգրան Ավինյանը հանդիպել է 44-օրյա և սեպտեմբերյան պատերազմների մասնակիցների հետ