Դժբախտ պատահարի զոհ է դարձել ապրիլյան քառօրյա, Արցախյան 44-օրյա և 2023 թվականի սեպտեմբերի 19-ի պատերազմների մասնակիցը

Այսօր Ասկերան քաղաքը կրկին ծանր կորուստ ունեցավ։ Ողբերգական մահով դժբախտ պատահարի զոհ դարձավ Կարեն Կիմի Աղաջանյանը։ Այս մասին հայտնում է «Բերդ» թերթը։

Պայծառ ու լուսավոր երիտասարդ, որ անցել է ապրիլյան քառօրյա, Արցախյան 44-օրյա և 2023 թվականի սեպտեմբերի 19-ի պատերազմների միջով։ Մինչև վերջին օրը նա Արցախի պաշտպանների շարքում էր։ Մարտական ուղի անցած և կյանքով լեցուն երիտասարդի հանդեպ ճակատագիրն անողոք գտնվեց։ Երեք զավակների հայրը ընտանիքի մինուճար որդին էր։ Աղաջանյանների ընտանիքի անպատում ցավը կրկնապատկվեց։ Կարեն Աղաջանյանը միացավ իր հերոս հորեղբայրներին, որոնց կորստի ցավը դեռևս ասկերանցիներիս սրտում է։

Բոլորիս սիրտը մղկտում է քո համար, Կարեն, անհնարին է ներկայացնել այն ցավը, որ զգում է յուրաքանչյուրը։ Վշտահար մայրդ գալարվում է ցավի մեջ, միանգամից կորացել է հորդ մեջքը, երեխաներդ որբ են մնացել, երիտասարդ կինդ՝ կարկամել, չի հաշտվում իրականության հետ, իսկ քույրե՞րդ․․․Նրանք մինուճար եղբոր կորստի ցավն են ողբում․․․ Ծովիկ տատիկի վիշտն ինչո՞ւ բազմապատկեցիր, հեռու-հեռվում գտնվող քո Զաբելա տատիկին ի՞նչը կփարատի, ինչո՞ւ թողեցիր բոլորին շիվար ․․․

Անարդար ճակատագիր․․․

Ասկերանի շրջանի ողջ հասարակության անունից ցավում ենք Կարեն Կիմի Աղաջանյանի ողբերգական մահվան համար, ցավակցում բոլոր հարազատներին ու կիսում նրանց ծանր վիշտը։

Թող Աստված լույսերի մեջ պահի ու խաղաղություն բերի քո հոգուն։

Կարեն Կիմի Աղաջանյանի հոգեհանգիստը տեղի կունենա մարտի 21-ին, ժամը 17։00-ից մինչև 20։00 Երևան քաղաքի Նուբարաշենի 6-րդ փողոցի 1/4 հասցեում գտնվող սգո սրահում, իսկ հուղարկավորությունը՝ մարտի 22-ին, ժամը 13։00֊ին, նույն վայրից։

Այս թեմայով Եկեղեցու դեմ պայքարողները փոշի են դարձել, նրանց հոգեհանգստին հոգևորականները Կտակարան են կարդալու Ֆրանսիան այսօր ոգեկոչում է 1915 թվականի Հայոց ցեղասպանության 109-րդ տարելիցը․ Մակրոն «Հիմա փոքր Վարդանն է բոլորիս ուժ տալիս, եղբայրները խենթանում են նրա համար». Վարդան Կևորկովն անմահացել է 2022 թ. սեպտեմբերի 13-ին Ներքին Հանդի դիրքում. «Փաստ» Էդգար Սևիկյանը «Ֆերենցվարոշ»-ի կազմում դարձել է Հունգարիայի չեմպիոն Կփոխհատուցվեն 44-օրյա պատերազմում վիրավորում ստացած զինհաշմանդամի՝ Հունաստանում բուժման և կեցության ծախսերը «Ռոբիս ապրեցնելը դարձավ իմ կյանքի շարժիչ ուժը». Ռոբերտ Հայրապետյանն անմահացել է 2022 թ. սեպտեմբերի 13-ին Իշխանասարում. «Փաստ» «Ժողովուրդ». ՊԵԿ-ը հետաձգել է 2023 թվականի հաշվարկ-հայտարարագրերի ներկայացման վերջնաժամկետը Որքան եկամուտ են ունեցել Բայդեն ամուսինները անցած՝ 2023 թվականին Վարչապետը չի հավատում, որ Ցեղասպանության զոհ է դարձել 1,5 մլն հայ, մտադիր է հերթով գտնել ու հաշվել ազգանունները Հայտնի են դարձել Իրանի ԱԳՆ ղեկավարի հետ Լավրովի հեռախոսազրույցի մանրամասները