Վարչապետը չի հավատում, որ Ցեղասպանության զոհ է դարձել 1,5 մլն հայ, մտադիր է հերթով գտնել ու հաշվել ազգանունները

ՀՀ վարչապետ Նիկոլ Փաշինյանը չի հավատում 1915 թ. Հայոց Ցեղասպանության պատմական փաստերին ու վստահ չէ, որ իրապես 1 ու կես միլիոն հայ է մորթվել, խոշտանգվել ու սպանվել Արեւմտյան Հայստանում։ Փաշինյանն իր վերդիկտն ունի, փաստորեն, որը ուզում է նորից  խոշտանգված հայերի անձնական տվյալները գտնել, կարդալ հաշվել ու համոզվել։ Նրան չեն բավարարում պատմական փաստերը, ահռելի ծավալով առկա գիտական աշխատություններն ու վկայությունները։
Այս վտանգավոր ու աբսուրդային հայտարարության հեղինակը ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանն է, իշխանական պատգամավորը պատմական փաստերը ժխտելու Հայաստանի գործող իշխանության նոր մտադրության մասին անկեղծացել է  երեկ՝ Ազատությանը տված հարցազրույցում:

«Ես գիտեմ, որ վարչապետը նպատակ ունի նաեւ ցեղասպանության հետ կապված իրական հիմքեր կառուցել՝ ավելի առարկայական դարձնել ցեղասպանության ենթարկված մեր հայրենակիցների ամբողջ ցանկը»,- ասել է ԱԺ ՔՊ-ական պատգամավոր Անդրանիկ Քոչարյանը։

«Պա՞րզ ա չէ, երբ որ ասում ենք միլիոն ու կես հայ է կոտորվել, պետք է միլիոն ու կես ազգանուն ինչ-որ արխիվներում մենք կարողանանք հանել, գտնել եւ Ցեղասպանության թանգարանի պատը պետք է լրացված լինի այդ ազգանուններով: 

Ունենք ցեղասապանության թանգարան, ամեն ինչ ունենք ցեղասպանության հետ կապված՝ գիտաժողովներ, գրքեր, դոկտորական աշխատանքներ, բայց ամենակարեւորը պետք է ունենալ այդ միլիոն ու կեսի ազգանունները, այս խնդիրը տասնյակ տարի չենք լուծել»,- ասել է իշխանական պատգամավորը։
Այս սկանդալային հարցազրույցին սոցցանցերում արդեն բուռն արձագանքում են քաղաքական եւ հանրային գործիչները, ԼՈՒՐԵՐ.com-ը կներկայացնի նաեւ պատմաբանների տեսակետը` արդյո՞ք փորձ է արվում ժխտել պետական մակարդակով Հայոց  Ցեղասպանության փաստերն ու հարյուրավոր տարիներով վարվող Ցեղասպանթյան ճանաչման եւ պահանջատիրության գործընթացը կասեցնել։
Այս  քաղաքականությունը փոխելու կամ խմբագրելու մտադրությունների մասին մեկնաբանությունները սկիզբ առան վերջերս, երբ վարչապետ Նիկոլ Փաշինյանն հայտարարեց , որ  ՀՀ սահմանադրությունը փոխելու անհրաժեշտություն է տեսնում։

Այս թեմայով Հայոց ցեղասպանության 109-րդ տարելիցին նվիրված միջոցառում Ալֆորվիլում Հայտնի է դարձել, թե ԱՄՆ նախագահի թեկնածուներից ով ավելի շատ աջակցություն ունի. CNN ՀՀ սահմանները դարձել են բաց դաշտ, Ոսկեպարի մեր եկեղեցին ադրբեջանական են համարում. ակցիա` Գյումրիում (տեսանյութ) Արցախից հայ բնակչության գաղթը Հայոց ցեղասպանության տարր է. Զատուլին Մենք միշտ Հայոց ցեղասպանության ողբերգությունն ընդունել ենք` որպես մեր սեփական ցավը. Զախարովա Ֆրեզնոյում Հայոց ցեղասպանության տարելիցի կապակցությամբ ոգեկոչման միջոցառում է անցկացվել Հայոց ցեղասպանության տարելիցի կապակցությամբ Բևերլի Հիլզում Թուրքիայի հյուպատոսարանի մոտ ցույց է անցկացվել Մենք սգում ենք նրանց, ովքեր սպանվեցին Հայոց ցեղասպանության ժամանակ․ Սամանթա Փաուեր Հայոց ցեղասպանության ժխտումը հանգեցրել է աշխարհում նոր ոճրագործությունների. Շվեդիայում ՀՀ դեսպան 1.5 մլն զոհերի անուն-ազգանունները ճշտելը նշանակում է տրվել Թուրքիայի օրակարգին. Մարուքյան (տեսանյութ)