«Ժողովուրդ». Սասուն Խաչատրյանի եղբոր ու Կարեն Անդրեասյանի հարաբերությունները լարվել են

«Ժողովուրդ» օրաթերթը գրում է. Հայաստանի Բարձրագույն դատական խորհրդում արշալույսները խաղաղ չեն: «Ժողովուրդ» օրաթերթի տեղեկությունների համաձայն՝ լարված են ԲԴԽ անդամ, Հակակոռուպցիոն կոմիտեի նախագահ Սասուն Խաչատրյանի եղբոր՝ Դավիթ Խաչատրյանի եւ ԲԴԽ նորանշանակ նախագահ Կարեն Անդրեասյանի հարաբերությունները:

Մեզ հասած տեղեկությունների համաձայն՝ հոկտեմբերի 7-ին նախագահ է ցանկացել դառնալ նաեւ Սասուն Խաչատրյանի եղբայրը` Դավիթ Խաչատրյանը: «Ժողովուրդ» օրաթերթի լավատեղյակ աղբյուրները փոխանցում են, որ այդ օրը Դավիթ Խաչատրյանի նշանակմանը կողմ են եղել երեք դատավոր անդամներ, իսկ մյուսներն իրենց ձայնը տվել են կառավարությունից ԲԴԽ գործուղված Կարեն Անդրեասյանին:

Այս եւ այլ գործոններն էլ հենց պատճառ են դարձել, որպեսզի ԲԴԽ-ում լարված մթնոլորտ ձեւավորվի: Հիշեցնենք, որ հոկտեմբերի 10-ին, իր սկանդալային բովանդակությամբ դիմումի համաձայն, ԲԴԽ անդամի պաշտոնից հրաժարական տվեց Գրիգոր Բեքմեզյանը՝ հայտարարելով. «Վերլուծելով վերջին մի քանի ամսվա իրադարձությունները, նաեւ վերջին մեկ շաբաթվա գործընթացները՝ համոզվեցի, որ Բարձրագույն դատական խորհուրդը այլեւս այն խորհուրդը չէ, որը նախատեսված է Սահմանադրությամբ եւ Դատական օրենսգրքով»:

ԲԴԽ-ում ստեղծված անառողջ մթնոլորտի, ինչպես նաեւ Սասուն Խաչատրյանի եղբայր Դավիթ Խաչատրյանի հետ ունեցած լարված փոխհարաբերությունների մասին մեկնաբանություն խնդրեցինք անձամբ Կարեն Անդրեասյանից: «Չեմ մեկնաբանում»,- հակիրճ ասաց պարոն Անդրեասյանը:

Հիշեցնենք, որ հոկտեմբերի 6-ին իշխող «Քաղաքացիական պայմանագիր» խմբակցության կողմից առաջադրված արդարադատության նախկին նախարար Կարեն Անդրեասյանն Ազգային ժողովում ընտրվեց ԲԴԽ անդամ: Հաջորդ օրը՝ հոկտեմբերի 7-ին, Անդրեասյանը արդեն ԲԴԽ-ում կայացած գաղտնի քվեարկությամբ ընտրվեց Բարձրագույն դատական խորհրդի (ԲԴԽ) նախագահ»:

Այս թեմայով «Հրապարակ». Կարեն Անդրեասյանին լրացուցիչ մեքենա եւ թիկնապահներ են ուղեկցում «Հրապարակ». Իշխանությունը մարդու իրավունքները ոտնահարող սկզբունքներ է ուզում կիրառել «Ժողովուրդ». Սասուն Խաչատրյանի եղբորորդին՝ իրավապահների տեսադաշտում «Հրապարակ». Կարեն Անդրեասյանն ամսական 1 մլն 587 հազար դրամ կստանա «Հրապարակ». Պասերով դատավոր են «դատում» Մի քանի դատավոր շարունակում են կախված մնալ նախկին կապերից ու Բաղրամյան 26-ի կարոտախտից․ Անդրեասյան (տեսանյութ) 1 մլն դրամ կաշառք վերցնողի խափանման միջոցը չի փոխվում, մի քանի մլն դոլար վերցրածինը՝ փոխվում է Խոստանում եմ՝ եթե վստահության քվե տաք ինձ, ԲԴԽ այն անդամներից մեկը կլինեմ, ով արդար կգործի (տեսանյութ) Այսօր ավարտվեց իմ պաշտոնավարումը որպես Արդարադատության նախարար. Կարեն Անդրեասյան Հակակոռուպցիոն կոմիտեի նախագահ Սասուն Խաչատրյանը 1մլն 100 հզր դրամ աշխատավարձ կստանա