«Ժողովուրդ». Սասուն Խաչատրյանի եղբորորդին՝ իրավապահների տեսադաշտում

«Ժողովուրդ» օրաթերթը գրում է. Շուրջ մեկ տարի է, ինչ իրավապահների տեսադաշտում է հայտնվել Հակակոռուպցիոն կոմիտեի նախագահ Սասուն Խաչատրյանի հորեղբոր որդին՝ Արտակ Սարգսյանը:

Վերջինս, 2021 թվականի ընթացքում զբաղեցնելով ՀՀ ԱՆ «Դատապարտյալների հիվանդանոց» ՔԿ հիմնարկի պետի պաշտոնը, հանդիսանալով պաշտոնատար անձ, կարգադրել է խոշտանգել դատապարտյալ Սերոբ Մխիթարյանին: Այս արարքի համար նրա երկու աշխատակից կալանքի տակ են, իսկ Սարգսյանը, ունենալով թիկունք՝ ի դեմս կոմիտեի նախագահ Սասուն Խաչատրյանի, ոչ միայն կալանավորված չէ, այլ նաեւ այս դեպքից հետո նոր պաշտոն է ստացել՝ նշանակվելով ՀՀ ԱՆ քրեակատարողական ծառայության շտաբի պետի պաշտոնում: Այս գործը դատարանում է. տեսնենք, թե դատարանը ինչ կանի Հակակոռուպցիոն կոմիտեի նախագահ Սասուն Խաչատրյանի եղբոր գործով։

Հետեւելով իրադարձությունների զարգացմանը՝ նկատում ենք, որ Արտակ Սարգսյանի մասով կանեն ամեն ինչ նրան ջրից չոր դուրս բերելու համար: Իսկ ինչո՞ւ: Բանն այն է, որ հոկտեմբերի 19-ին՝ քրեակատարողական ծառայողի օրը, Սասուն Խաչատրյանի մեղադրյալ եղբայր Արտակ Սարգսյանը եւ «Երեւան Կենտրոն» ՔԿՀ-ի կամ բոլորին հայտնի «ԿԳԲ-ի պադվալի» պետ Ռուբեն Խալապյանը միմյանց կողք էին նստել, ինչը շատ բանի մասին է վկայում»:

Այս թեմայով «Հրապարակ». Իշխանությունը մարդու իրավունքները ոտնահարող սկզբունքներ է ուզում կիրառել «Ժողովուրդ». Սասուն Խաչատրյանի եղբոր ու Կարեն Անդրեասյանի հարաբերությունները լարվել են Հակակոռուպցիոն կոմիտեի նախագահ Սասուն Խաչատրյանը 1մլն 100 հզր դրամ աշխատավարձ կստանա «Ժողովուրդ». Հակակոռուպցիոն կոմիտեի ստեղծումից հետո ՀՔԾ-ում խառնաշփոթ է Օգտվում եմ կնոջս եղբորը պատկանող ավտոմեքենայից. Սասուն Խաչատրյան Պատերազմին մասնակցել եմ, եղել մարտական դիրքերում. Սասուն Խաչատրյան Հակակոռուպցիոն կոմիտեն կունենա օպերատիվ մարմին, կմեծանա գործերի քննության արդյունավետությունը. ՀՔԾ պետ «Ժողովուրդ». Որ արժանիքի համար է ՀՔԾ պետն արժանացել «Մխիթար Գոշ» մեդալին «Ժողովուրդ». 17 կուսակցությունների ձերբակալված անդամներով կզբաղվեն 16 հոգի Սասուն Խաչատրյանը ՀՔԾ-ում ձևավորված ջոկատի հետ մարտական գործողությունների կատարման վայրերից մեկում է