Մ20 ԵԱ.Գարիկ Կարապետյանի չեմպիոնությունը, թուրք մրցակցի ոչ մարզական վարքը

Ալբանիայում շարունակվող ծանրամարտի Եվրոպայի միչեւ 20 տարեկանների առաջնությունում Հայաստանը հերթական ոսկե մեդալը նվաճեց:

Երիտասարդների կրկնակի աշխարհի չեմպիոն Գարիկ Կարապետյանը 96 կգ քաշայինների պայքարում հավասարը չունեցավ: Երկամարտում հայ ծանրորդը գրանցեց 367 կգ արդյունք եւ նվաճեց ոսկե մեդալ: Նա նաեւ նվաճեց առանձին վարժությունների երկու փոքր ոսկե մեդալները:

Պոկում վարժությունում պայքարը սկսեց 160 կգ-ով, երկրորդ մոտեցման համար պատվիրված 171 կգ-ը ձախողեց, բայց հաջողությամբ կատարեց երրորդ մոտեցմանը:

Գերլարված ստացվեց հրում վարժությունը, որտեց Եվրոպայի չեմպիոնության համար Գարիկ Կարապետյանի հետ մրցում էր միայն թուրք Էմրե Օզթուրքը:

Պոկում վարժությունից հետո Կարապետյանը թուրք մրցակցից առաջ էր 22 կգ-ով: Հրում վարժությունում երիտասարդների կրկնակի աշխարհի չեմպիոնը բարձրացրեց նախ 190, ապա 196 կգ: Թուրք ծանրորդը բավարարվեց 191 կգ-ով, երրորդ մոտեցումն էլ ձախողեց, որի համար պատվիրել էր 197 կգ: Գարիկ Կարապետյանը, չնայած արդեն նվաճել էր չեմպիոնի կոչումը, բայց գնաց նաեւ երրորդ մոտեցման՝ 211 կգ, որը Եվրոպայի երիտասարդական ռեկորդ էր, բայց չկարողացավ հրել:

Պարգեւատրման արարողության ժամանակ Գարիկ Կարապետյանի եւ թուրք ծանրորդի միջեւ լարվածություն առաջացավ: Անհատական բոլոր վարժությունների մեդալները ստանալիս հայ եւ թուրք մրցակիցները դրոշները պարզելիս վիճում էին. Էմրե Օզթուրքին դուր չէր գալիս, որ իրենց հաղթած հայ մարզիկը Հայաստանի դրոշն առջեւում է պահում եւ փորձում էր անընդհատ Թուրքիայի դրոշով ծածկել Հայաստանի եռագույնը:

Հայաստանի հիմնը հնչելիս թուրք ծանրորդը հեռացավ պատվո հարթակից, բայց նրա երկրի ներկայացուցիչների խորհրդով վերադարձավ նորից պատվոր հարթակի երկրորդ աստիճանին:

Ոսկե մեդալով պարգեւատրվելուց հետո Գարիկ Կարապետյանը ձեռքսեղմումով շնորհավորեց նախ բրոնզե մեդալակրին, ցանկանում էր նաեւ շնորհավորել արծաթե մեդալ նվաճած Էմրե Օզթուրքին, բայց թուրք ծանրորդը ձեռքը չմեկնեց: Պատվո հարթակին Կարապետյանի եւ Օզթուրքի միջեւ հրմշտոց սկսվեց, ինչն անմիջապես կանխվեց հայ մարզիչների եւ կազմակերպիչների կողմից:

96 կգ քաշայինների բրոնզե մեդալակիր դարձավ Շվեդիայի ներկայացուցիչ Էրիկ Կառլ Ջոն Վիկինգսոնը (331, 150+181):

Այս թեմայով Աշխարհի գավաթ. Գարիկ Կարապետյանը` արծաթե մեդալակիր Ծանրամարտի ԵԱ․ Հայաստանն առաջինն է մեդալային հաշվարկում Ծանրորդ Վարազդատ Լալայանը՝ Եվրոպայի առաջնության չեմպիոն, Սիմոն Մարտիրոսյանը՝ փոխչեմպիոն Ծանրամարտի ԵԱ․ Պետրոս Պետրոսյանը վնասվածք ստացավ և ժամանակից շուտ ավարտեց ելույթները Ծանրամարտի ԵԱ. Կարապետյանը 5-րդն է երկամարտում Ռաֆիկ Հարությունյանը՝ ծանրամարտի Եվրոպայի առաջնության բրոնզե մեդալակիր Ալեքսանդրա Գրիգորյանը՝ ծանրամարտի Եվրոպայի չեմպիոն Ծանրամարտի ԱԱ․ Մկրտչյանն ու Հովհաննիսյանը մեդալ չնվաճեցին Գոռ Սահակյանն՝ աշխարհի առաջնության բրոնզե մեդալակիր Ծանրամարտի ԱԱ. Իզաբելա Յայլյանը վնասվածք ստացավ և լքեց պայքարը