Իրավապահներն առգրավել են Էրիկ Ալեքսանյանի ավտոմեքենայի և փաստաբանական գրասենյակի բանալիները, անձնական հեռախոսը. Ղարագյոզյան

Փաստաբան Էրիկ Ալեքսանյանի կալանավորման նպատակը նրան լռեցնելն է, խոչընդոտելը՝ մասնագիտական գործունեությանը։ Այս մասին հրավիրված մամուլի ասուլիսին ասաց փաստաբան Ժիրայր Ղարագյոզյանը։

«Էրիկ Ալեքսանյանի կալանքն ապօրինի է, լավ ճանաչելով նրան՝ պետք է հասկանանք, որ չի հաջողվելու նրա օրինական մասնագիտական գործունեությունը խոչընդոտել»,- նշեց Ղարագյոզյանը։

Ներկայացնելով փաստաբան Էրիկ Ալեքսանյանի ձերբակալման հանգամանքները՝ Ղարագյոզյանը նշեց, որ ձերբակալության ժամանակ տեղի է ունեցել նաև քննչական գործողություն՝ անձնական խուզարկություն, որի ընթացքում առգրավվել է նրա ավտոմեքենայի բանալիները, անձնական բջջային հեռախոսը և նրա փաստաբանական գրասենյակի բանալիները, որոնք փաստաբանական գաղտնիք են պարունակում և դրանք անձեռնմխելի են։

«Այս բոլոր առարկաները փաստաբանական գաղտնիք պարունակող աղբյուրներ են։ Փաստաբանի անձնական բջջային հեռախոսը, համակարգիչը, էլեկտրոնային կրիչները և ցանկացած առարկաներ, որոնք պարունակում են փաստաբանական գաղտնիք, անձեռնմխելի են։ Հաշվի չի առնվել իրավապահ մարմնի կողմից, որ կատարվում է մի գործողություն, որ թե՛ հանրային, թե մասնավոր շահի տեսանկյունից շատ խոցելի է դարձնում այն անձանց իրավունքների պաշտպանությունը, որն իրականացրել է թե՛ Էրիկ Ալեքսանյանը, թե՛ ես»,- նշեց Ղարագյոզյանը՝ հավելելով, որ հետայսու առերեսվելու ենք իրականությանը, որ ցանկացած փաստաբան չի ունենալու երաշխիքները, ցանկացած փաստաբանի նկատմամբ կկիրառվեն նման ապօրինություններ։
Ղարագյոզյանն ընդգծեց՝ Էրիկ Ալեքսանյանը շատ լավ համագործակցել է լրագրողների հետ, սուր խոսքով է հանդես եկել ու վեր է հանել այն բոլոր ապօրինի գործողությունները, որոնք բացահայտվել են։

«Էրիկ Ալեքսանյանի կալանքը յուրահատուկ ազդակ է ՝ ուղղված բոլոր փաստաբաններին, որ տեսեք՝ «ձեզանից յուրաքանչյուրը, ով նույն կերպ կիրականացնի իր մանսագիտական գործունեությունը, անվախ կներկայացնի բոլոր այն փուչ քրեական վարույթները, որ գործ ունենք «կարած» քրեական հետապնդման հետ՝ չունեք երաշխիք, որ ձեր հետևից չեն գալու, զգույշ եղեք»։ Այս գործողությունները փաստաբանական համայնքը կազմաքանդելու համար են, բայց դա չի ստացվելու։ Ակնկալում ենք տարբեր ինստիտուտների արձագանքը», - հայտարարեց փաստաբան Ղարագյոզյանը։

Այս թեմայով ԱԱԾ-ն մերժել է փաստաբան Էրիկ Ալեքսանյանի բջջային հեռախոսը վերադարձնելու պահանջը Էրիկ Ալեքսանյանի մոտից առգրավվել է հեռախոսը, որի վրա գրառված է փաստաբանական գաղտնիք պարունակող տեղեկատվություն. փաստաբան Էրիկ Ալեքսանյանին կալանավորելու կապակցությամբ դիմել եմ Փաստաբանների պալատի նախագահին. փաստաբան Էրիկ Ալեքսանյանն ապօրինի կալանավորվեց իր դատավարական իրավունքն իրացնելու համար. փաստաբան Դատարանը հրապարակել է Արուսյակ Ալեքսանյանին և Էրիկ Ալեքսանյանին կալանավորելու միջնորդության որոշումը «Ժողովուրդ». Առաջիկայում աղմկահարույց ձերբակալություններ են սպասվում ԱԱԾ-ն Էրիկ Ալեքսանյանին կալանավորելու միջնորդություն է ներկայացրել դատարան Փաստաբանների պալատի նախագահն այցելել է Էրիկ Ալեքսանյանին Փորձագետներն արդեն ընտրված են, հուսով ենք շուտով եզրակացությունը կլինի. Էրիկ Ալեքսանյան Հարուցված քրեական հետապնդումը դադարեցնելու և վարույթը կարճելու մասին որոշում է կայացվել. Էրիկ Ալեքսանյան